| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
амуул̣хавинаяо
Amūḷhavinayo
237. ‘‘сияаа ануваад̣̇аад̇хигаран̣ам̣ д̣̇вз самат̇з анааг̇амма – сад̇ивинаяан̃жа, д̇ассабаабияасиган̃жа; д̣̇вийхи самат̇зхи саммзяяа – саммукаавинаязна жа, амуул̣хавинаязна жаад̇и? сияаад̇исса важанийяам̣. яат̇аа гат̇ам̣ вияа? ид̇ха бана, бхигкавз, бхигку уммад̇д̇аго ход̇и жид̇д̇авибарияаасагад̇о . д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣. д̇ам̣ бхигкуу уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. со звам̣ вад̣̇зд̇и – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’нд̇и. звамби нам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. ‘‘д̇асса ко, бхигкавз, бхигкуно амуул̣хасса амуул̣хавинаяо д̣̇аад̇аб̣б̣о. зван̃жа бана, бхигкавз, д̣̇аад̇аб̣б̣о –
237. ‘‘Siyā anuvādādhikaraṇaṃ dve samathe anāgamma – sativinayañca, tassapāpiyasikañca; dvīhi samathehi sammeyya – sammukhāvinayena ca, amūḷhavinayena cāti? Siyātissa vacanīyaṃ. Yathā kathaṃ viya? Idha pana, bhikkhave, bhikkhu ummattako hoti cittavipariyāsakato . Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ hoti bhāsitaparikkantaṃ. Taṃ bhikkhū ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti. So evaṃ vadeti – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’nti. Evampi naṃ vuccamānā codenteva – ‘saratāyasmā evarūpiṃ āpattiṃ āpajjitā’ti. ‘‘Tassa kho, bhikkhave, bhikkhuno amūḷhassa amūḷhavinayo dātabbo. Evañca pana, bhikkhave, dātabbo –
‘‘д̇зна, бхигкавз, бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа…бз… звамасса важанийяо – ‘ахам̣, бханд̇з, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. мам̣ бхигкуу уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. д̇яаахам̣ звам̣ вад̣̇аами – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’нд̇и . звамби мам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. ‘сохам̣, бханд̇з, амуул̣хо сан̇гхам̣ амуул̣хавинаяам̣ яаажаамий’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Tena, bhikkhave, bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā…pe… evamassa vacanīyo – ‘ahaṃ, bhante, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Maṃ bhikkhū ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti. Tyāhaṃ evaṃ vadāmi – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’nti . Evampi maṃ vuccamānā codenteva – ‘saratāyasmā evarūpiṃ āpattiṃ āpajjitā’ti. ‘Sohaṃ, bhante, amūḷho saṅghaṃ amūḷhavinayaṃ yācāmī’ti. Dutiyampi yācitabbo. Tatiyampi yācitabbo. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку уммад̇д̇аго ахоси жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. д̇ам̣ бхигкуу уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. со звам̣ вад̣̇зд̇и – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’нд̇и. звамби нам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. со амуул̣хо сан̇гхам̣ амуул̣хавинаяам̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно амуул̣хасса амуул̣хавинаяам̣ д̣̇ад̣̇зяяа. зсаа н̃ад̇д̇и.
‘‘Suṇātu me, bhante, saṅgho. Ayaṃ itthannāmo bhikkhu ummattako ahosi cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Taṃ bhikkhū ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti. So evaṃ vadeti – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’nti. Evampi naṃ vuccamānā codenteva – ‘saratāyasmā evarūpiṃ āpattiṃ āpajjitā’ti. So amūḷho saṅghaṃ amūḷhavinayaṃ yācati. Yadi saṅghassa pattakallaṃ, saṅgho itthannāmassa bhikkhuno amūḷhassa amūḷhavinayaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку уммад̇д̇аго ахоси жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. д̇ам̣ бхигкуу уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и . со звам̣ вад̣̇зд̇и – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’нд̇и. звамби нам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и. со амуул̣хо сан̇гхам̣ амуул̣хавинаяам̣ яаажад̇и. сан̇гхо ид̇т̇аннаамасса бхигкуно амуул̣хасса амуул̣хавинаяам̣ д̣̇зд̇и. яассааяасмад̇о камад̇и ид̇т̇аннаамасса бхигкуно амуул̣хасса амуул̣хавинаяасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu ummattako ahosi cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Taṃ bhikkhū ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti . So evaṃ vadeti – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’nti. Evampi naṃ vuccamānā codenteva – ‘saratāyasmā evarūpiṃ āpattiṃ āpajjitā’ti. So amūḷho saṅghaṃ amūḷhavinayaṃ yācati. Saṅgho itthannāmassa bhikkhuno amūḷhassa amūḷhavinayaṃ deti. Yassāyasmato khamati itthannāmassa bhikkhuno amūḷhassa amūḷhavinayassa dānaṃ, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘д̣̇инно сан̇гхзна ид̇т̇аннаамасса бхигкуно амуул̣хасса амуул̣хавинаяо. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinno saṅghena itthannāmassa bhikkhuno amūḷhassa amūḷhavinayo. Khamati saṅghassa, tasmā tuṇhī, evametaṃ dhārayāmī’’ti.
‘‘ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна жа, амуул̣хавинаязна жа. гин̃жа д̇ад̇т̇а саммукаавинаяасмим̣? сан̇гхасаммукад̇аа, д̇хаммасаммукад̇аа, винаяасаммукад̇аа, буг̇г̇аласаммукад̇аа…бз… гин̃жа д̇ад̇т̇а амуул̣хавинаяасмим̣ ? яаа амуул̣хавинаяасса гаммасса гирияаа гаран̣ам̣ убаг̇аманам̣ аж̇жхубаг̇аманам̣ ад̇хиваасанаа аббадиггосанаа – ид̣̇ам̣ д̇ад̇т̇а амуул̣хавинаяасмим̣. звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣; чанд̣̇ад̣̇ааяаго кийяад̇и, кийяанагам̣ баажид̇д̇ияам̣.
‘‘Idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena ca, amūḷhavinayena ca. Kiñca tattha sammukhāvinayasmiṃ? Saṅghasammukhatā, dhammasammukhatā, vinayasammukhatā, puggalasammukhatā…pe… kiñca tattha amūḷhavinayasmiṃ ? Yā amūḷhavinayassa kammassa kiriyā karaṇaṃ upagamanaṃ ajjhupagamanaṃ adhivāsanā appaṭikkosanā – idaṃ tattha amūḷhavinayasmiṃ. Evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiyaṃ.
