| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[185] 5. анабхирад̇иж̇аад̇агаван̣н̣анаа
[185] 5. Anabhiratijātakavaṇṇanā
яат̇од̣̇агз аавилз аббасаннзд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣агумаарам̣ аараб̣бха гат̇зси. саавад̇т̇ияам̣ гира зго б̣раахман̣агумааро д̇ин̣н̣ам̣ взд̣̇аанам̣ баараг̇уу б̣ахуу кад̇д̇ияагумаарз жа б̣раахман̣агумаарз жа манд̇з ваажзси. со абарабхааг̇з гхарааваасам̣ сан̣табзд̇ваа вад̇т̇аалан̇гаарад̣̇аасад̣̇аасикзд̇д̇авад̇т̇уг̇омахим̣сабуд̇д̇ад̣̇аараад̣̇ийнам̣ ад̇т̇ааяа жинд̇аяамаано рааг̇ад̣̇осамохавасиго худ̇ваа аавилажид̇д̇о ахоси, манд̇з бадибаадияаа баривад̇д̇зд̇ум̣ наасагки, ид̇о жид̇о жа манд̇аа на бадибхам̣су. со згад̣̇ивасам̣ б̣ахум̣ г̇анд̇хамаалаад̣̇им̣ г̇ахзд̇ваа ж̇зд̇аванам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисийд̣̇и . сад̇т̇аа д̇зна сад̣̇д̇хим̣ бадисант̇аарам̣ гад̇ваа ‘‘гим̣, маан̣ава, манд̇з ваажзси, баг̇ун̣аа д̇з манд̇аа’’д̇и бужчи. ‘‘буб̣б̣з мз, бханд̇з, манд̇аа баг̇ун̣аа ахзсум̣, гхарааваасасса бана г̇ахид̇агаалад̇о бадтааяа жид̇д̇ам̣ мз аавилам̣ ж̇аад̇ам̣, д̇зна мз манд̇аа на баг̇ун̣аа’’д̇и. ат̇а нам̣ сад̇т̇аа ‘‘на ко, маан̣ава, ид̣̇аанзва, буб̣б̣зби д̇з жид̇д̇асса анаавилагаалз д̇ава манд̇аа баг̇ун̣аа ахзсум̣, рааг̇аад̣̇ийхи бана аавилагаалз д̇ава манд̇аа на бадибхам̣суу’’д̇и вад̇ваа д̇зна яаажид̇о ад̇ийд̇ам̣ аахари.
Yathodake āvile appasanneti idaṃ satthā jetavane viharanto aññataraṃ brāhmaṇakumāraṃ ārabbha kathesi. Sāvatthiyaṃ kira eko brāhmaṇakumāro tiṇṇaṃ vedānaṃ pāragū bahū khattiyakumāre ca brāhmaṇakumāre ca mante vācesi. So aparabhāge gharāvāsaṃ saṇṭhapetvā vatthālaṅkāradāsadāsikhettavatthugomahiṃsaputtadārādīnaṃ atthāya cintayamāno rāgadosamohavasiko hutvā āvilacitto ahosi, mante paṭipāṭiyā parivattetuṃ nāsakkhi, ito cito ca mantā na paṭibhaṃsu. So ekadivasaṃ bahuṃ gandhamālādiṃ gahetvā jetavanaṃ gantvā satthāraṃ pūjetvā vanditvā ekamantaṃ nisīdi . Satthā tena saddhiṃ paṭisanthāraṃ katvā ‘‘kiṃ, māṇava, mante vācesi, paguṇā te mantā’’ti pucchi. ‘‘Pubbe me, bhante, mantā paguṇā ahesuṃ, gharāvāsassa pana gahitakālato paṭṭhāya cittaṃ me āvilaṃ jātaṃ, tena me mantā na paguṇā’’ti. Atha naṃ satthā ‘‘na kho, māṇava, idāneva, pubbepi te cittassa anāvilakāle tava mantā paguṇā ahesuṃ, rāgādīhi pana āvilakāle tava mantā na paṭibhaṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о д̇аггасилааяам̣ манд̇з уг̇г̇ан̣хид̇ваа д̣̇исаабаамогко аажарияо худ̇ваа б̣аараан̣асияам̣ б̣ахуу кад̇д̇ияагумаарз жа б̣раахман̣агумаарз жа манд̇з ваажзси. д̇асса санд̇игз зго б̣раахман̣амаан̣аво д̇аяо взд̣̇з баг̇ун̣з агааси, згабад̣̇зби нигган̇ко бидтиаажарияо худ̇ваа манд̇з ваажзси. со абарзна самаязна гхарааваасам̣ г̇ахзд̇ваа гхарааваасажинд̇ааяа аавилажид̇д̇о манд̇з баривад̇д̇зд̇ум̣ наасагки. ат̇а нам̣ аажарияо ад̇д̇ано санд̇игам̣ ааг̇ад̇ам̣ ‘‘гим̣, маан̣ава, баг̇ун̣аа д̇з манд̇аа’’д̇и бужчид̇ваа ‘‘гхарааваасаг̇ахид̇агаалад̇о бадтааяа мз жид̇д̇ам̣ аавилам̣ ж̇аад̇ам̣, манд̇з баривад̇д̇зд̇ум̣ на саггомий’’д̇и вуд̇д̇з ‘‘д̇аад̇а, аавилз жид̇д̇амхи баг̇ун̣ааби манд̇аа на бадибханд̇и, анаавилз бана жид̇д̇з аббадибхаан̣ам̣ наама над̇т̇ий’’д̇и вад̇ваа имаа г̇аат̇аа ааха –
Atīte bārāṇasiyaṃ brahmadatte rajjaṃ kārente bodhisatto brāhmaṇamahāsālakule nibbattitvā vayappatto takkasilāyaṃ mante uggaṇhitvā disāpāmokkho ācariyo hutvā bārāṇasiyaṃ bahū khattiyakumāre ca brāhmaṇakumāre ca mante vācesi. Tassa santike eko brāhmaṇamāṇavo tayo vede paguṇe akāsi, ekapadepi nikkaṅkho piṭṭhiācariyo hutvā mante vācesi. So aparena samayena gharāvāsaṃ gahetvā gharāvāsacintāya āvilacitto mante parivattetuṃ nāsakkhi. Atha naṃ ācariyo attano santikaṃ āgataṃ ‘‘kiṃ, māṇava, paguṇā te mantā’’ti pucchitvā ‘‘gharāvāsagahitakālato paṭṭhāya me cittaṃ āvilaṃ jātaṃ, mante parivattetuṃ na sakkomī’’ti vutte ‘‘tāta, āvile cittamhi paguṇāpi mantā na paṭibhanti, anāvile pana citte appaṭibhāṇaṃ nāma natthī’’ti vatvā imā gāthā āha –
69.
69.
‘‘яат̇од̣̇агз аавилз аббасаннз, на бассад̇и сиббигасамб̣уган̃жа;
‘‘Yathodake āvile appasanne, na passati sippikasambukañca;
сагкарам̣ ваалугам̣ мажчаг̇умб̣ам̣, звам̣ аавиламхи жид̇д̇з;
Sakkharaṃ vālukaṃ macchagumbaṃ, evaṃ āvilamhi citte;
на со бассад̇и ад̇д̇ад̣̇ад̇т̇ам̣ барад̇т̇ам̣.
Na so passati attadatthaṃ paratthaṃ.
70.
70.
‘‘яат̇од̣̇агз ажчз виббасаннз, со бассад̇и сиббигасамб̣уган̃жа;
‘‘Yathodake acche vippasanne, so passati sippikasambukañca;
сагкарам̣ ваалугам̣ мажчаг̇умб̣ам̣, звам̣ анаавиламхи жид̇д̇з;
Sakkharaṃ vālukaṃ macchagumbaṃ, evaṃ anāvilamhi citte;
со бассад̇и ад̇т̇ад̣̇ад̇т̇ам̣ барад̇т̇а’’нд̇и.
So passati atthadatthaṃ parattha’’nti.
д̇ад̇т̇а аавилзд̇и гад̣̇д̣̇амаалул̣ид̇з. аббасаннзд̇и д̇ааязва аавилад̇ааяа авиббасаннз. сиббигасамб̣уган̃жаад̇и сиббиган̃жа самб̣уган̃жа. мажчаг̇умб̣анд̇и мажчагхадам̣. звам̣ аавиламхийд̇и звамзва рааг̇аад̣̇ийхи аавилз жид̇д̇з. ад̇д̇ад̣̇ад̇т̇ам̣ барад̇т̇анд̇и нзва ад̇д̇ад̣̇ад̇т̇ам̣ на барад̇т̇ам̣ бассад̇ийд̇и ад̇т̇о. со бассад̇ийд̇и звамзва анаавилз жид̇д̇з со бурисо ад̇д̇ад̣̇ад̇т̇ам̣ барад̇т̇ан̃жа бассад̇ийд̇и.
Tattha āvileti kaddamāluḷite. Appasanneti tāyeva āvilatāya avippasanne. Sippikasambukañcāti sippikañca sambukañca. Macchagumbanti macchaghaṭaṃ. Evaṃ āvilamhīti evameva rāgādīhi āvile citte. Attadatthaṃ paratthanti neva attadatthaṃ na paratthaṃ passatīti attho. So passatīti evameva anāvile citte so puriso attadatthaṃ paratthañca passatīti.
сад̇т̇аа имам̣ ад̇ийд̇ам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣раахман̣агумааро сод̇аабад̇д̇ипалз бад̇идтахи. ‘‘д̇ад̣̇аа маан̣аво аяамзва маан̣аво ахоси, аажарияо бана ахамзва ахоси’’нд̇и.
Satthā imaṃ atītaṃ āharitvā saccāni pakāsetvā jātakaṃ samodhānesi, saccapariyosāne brāhmaṇakumāro sotāpattiphale patiṭṭhahi. ‘‘Tadā māṇavo ayameva māṇavo ahosi, ācariyo pana ahameva ahosi’’nti.
анабхирад̇иж̇аад̇агаван̣н̣анаа бан̃жамаа.
Anabhiratijātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 185. анабхирад̇иж̇аад̇агам̣ • 185. Anabhiratijātakaṃ
