| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೪. ಅನಾದರಿಯಸಿಕ್ಖಾಪದಂ
4. Anādariyasikkhāpadaṃ
೩೪೨. ಚತುತ್ಥೇ ಧಮ್ಮೋ ನಾಮ ತನ್ತಿಯೇವಾತಿ ಆಹ ‘‘ತನ್ತೀ’’ತಿ। ಪವೇಣೀತಿ ತಸ್ಸೇವ ವೇವಚನಂ। ‘‘ತಂ ವಾ ನ ಸಿಕ್ಖಿತುಕಾಮೋ’’ತಿ ಏತ್ಥ ತಂಸದ್ದಸ್ಸ ಅತ್ಥಮಾವಿಕಾತುಂ ವುತ್ತಂ ‘‘ಯೇನ ಪಞ್ಞತ್ತೇನಾ’’ತಿ। ವಿನಯೇ ಅಪಞ್ಞತ್ತಂ ಸನ್ಧಾಯ ವುತ್ತಂ ‘‘ಅಪಞ್ಞತ್ತೇನಾ’’ತಿ ಆಹ ‘‘ಸುತ್ತೇ ವಾ ಅಭಿಧಮ್ಮೇ ವಾ ಆಗತೇನಾ’’ತಿ।
342. Catutthe dhammo nāma tantiyevāti āha ‘‘tantī’’ti. Paveṇīti tasseva vevacanaṃ. ‘‘Taṃ vā na sikkhitukāmo’’ti ettha taṃsaddassa atthamāvikātuṃ vuttaṃ ‘‘yena paññattenā’’ti. Vinaye apaññattaṃ sandhāya vuttaṃ ‘‘apaññattenā’’ti āha ‘‘sutte vā abhidhamme vā āgatenā’’ti.
೩೪೪. ಪವೇಣಿಯಾತಿ ಉಪಾಲಿಆದಿಕಾಯ ಆಚರಿಯಪರಮ್ಪರಸಙ್ಖಾತಾಯ ತನ್ತಿಯಾ। ಕುರುನ್ದಿಯಂ ವುತ್ತನ್ತಿ ಸಮ್ಬನ್ಧೋ। ಮಹಾಪಚ್ಚರಿಯಂ ವುತ್ತನ್ತಿ ಸಮ್ಬನ್ಧೋ। ತಂ ಸಬ್ಬನ್ತಿ ಕುರುನ್ದಿವಾದಮಹಾಪಚ್ಚರಿವಾದಸಙ್ಖಾತಂ ಸಬ್ಬಂ ತಂ ವಚನಂ। ಪವೇಣಿಯಾ ಆಗತೇತಿ ಪವೇಣಿಯಾ ಆಗತಸಙ್ಖಾತೇ ಮಹಾಅಟ್ಠಕಥಾವಾದೇತಿ। ಚತುತ್ಥಂ।
344.Paveṇiyāti upāliādikāya ācariyaparamparasaṅkhātāya tantiyā. Kurundiyaṃ vuttanti sambandho. Mahāpaccariyaṃ vuttanti sambandho. Taṃ sabbanti kurundivādamahāpaccarivādasaṅkhātaṃ sabbaṃ taṃ vacanaṃ. Paveṇiyā āgateti paveṇiyā āgatasaṅkhāte mahāaṭṭhakathāvādeti. Catutthaṃ.
೩೪೫. ಪಞ್ಚಮೇ ಮನುಸ್ಸವಿಗ್ಗಹೇತಿ ಮನುಸ್ಸವಿಗ್ಗಹಪಾರಾಜಿಕೇತಿ। ಪಞ್ಚಮಂ।
345. Pañcame manussaviggaheti manussaviggahapārājiketi. Pañcamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೬. ಸುರಾಪಾನವಗ್ಗೋ • 6. Surāpānavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā
೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
೫. ಭಿಂಸಾಪನಸಿಕ್ಖಾಪದವಣ್ಣನಾ • 5. Bhiṃsāpanasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
೫. ಭಿಂಸಾಪನಸಿಕ್ಖಾಪದವಣ್ಣನಾ • 5. Bhiṃsāpanasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
೫. ಭಿಂಸಾಪನಸಿಕ್ಖಾಪದವಣ್ಣನಾ • 5. Bhiṃsāpanasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā
೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
೫. ಭಿಂಸಾಪನಸಿಕ್ಖಾಪದವಣ್ಣನಾ • 5. Bhiṃsāpanasikkhāpadavaṇṇanā
