| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
4. அனாத³ரியஸிக்கா²பத³வண்ணனா
4. Anādariyasikkhāpadavaṇṇanā
342. சதுத்தே² – கதா²யங் நஸ்ஸெய்யாதி கத²ங் அயங் த⁴ம்மோ தந்தி பவேணீ நஸ்ஸெய்ய. தங் வா ந ஸிக்கி²துகாமோதி யேன பஞ்ஞத்தேன வுச்சதி, தங் பஞ்ஞத்தங் ந ஸிக்கி²துகாமோ. அபஞ்ஞத்தேனாதி ஸுத்தே வா அபி⁴த⁴ம்மே வா ஆக³தேன.
342. Catutthe – kathāyaṃ nasseyyāti kathaṃ ayaṃ dhammo tanti paveṇī nasseyya. Taṃ vā na sikkhitukāmoti yena paññattena vuccati, taṃ paññattaṃ na sikkhitukāmo. Apaññattenāti sutte vā abhidhamme vā āgatena.
344. ஏவங் அம்ஹாகங் ஆசரியானங் உக்³க³ஹோதி எத்த² கா³ரய்ஹோ ஆசரியுக்³க³ஹோ ந க³ஹேதப்³போ³; பவேணியா ஆக³தோ ஆசரியுக்³க³ஹோவ க³ஹேதப்³போ³. குருந்தி³யங் பன ‘‘லோகவஜ்ஜே ஆசரியுக்³க³ஹோ ந வட்டதி, பண்ணத்திவஜ்ஜே பன வட்டதீ’’தி வுத்தங். மஹாபச்சரியங் ‘‘ஸுத்தங் ஸுத்தானுலோமஞ்ச உக்³க³ஹிதகானங்யேவ ஆசரியானங் உக்³க³ஹோ பமாணங், அஜானந்தானங் கதா² அப்பமாணந்தி வுத்தங். தங் ஸப்³ப³ங் பவேணியா ஆக³தேஸமோதா⁴னங் க³ச்ச²தி. ஸேஸங் உத்தானமேவாதி.
344.Evaṃamhākaṃ ācariyānaṃ uggahoti ettha gārayho ācariyuggaho na gahetabbo; paveṇiyā āgato ācariyuggahova gahetabbo. Kurundiyaṃ pana ‘‘lokavajje ācariyuggaho na vaṭṭati, paṇṇattivajje pana vaṭṭatī’’ti vuttaṃ. Mahāpaccariyaṃ ‘‘suttaṃ suttānulomañca uggahitakānaṃyeva ācariyānaṃ uggaho pamāṇaṃ, ajānantānaṃ kathā appamāṇanti vuttaṃ. Taṃ sabbaṃ paveṇiyā āgatesamodhānaṃ gacchati. Sesaṃ uttānamevāti.
திஸமுட்டா²னங் – காயசித்ததோ வாசாசித்ததோ காயவாசாசித்ததோ ச ஸமுட்டா²தி, கிரியங், ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், வசீகம்மங், அகுஸலசித்தங், து³க்க²வேத³னந்தி.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
அனாத³ரியஸிக்கா²பத³ங் சதுத்த²ங்.
Anādariyasikkhāpadaṃ catutthaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. அனாத³ரியஸிக்கா²பத³ங் • 4. Anādariyasikkhāpadaṃ
