| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
4. அனாத³ரியஸிக்கா²பத³வண்ணனா
4. Anādariyasikkhāpadavaṇṇanā
344. சதுத்தே² கா³ரய்ஹோ ஆசரியுக்³க³ஹோ ந க³ஹேதப்³போ³தி யஸ்மா உச்சு²ரஸோ ஸத்தாஹகாலிகோ, தஸ்ஸ கஸடோ யாவஜீவிகோ, த்³வின்னங்யேவ ஸமவாயோ உச்சு²யட்டி², தஸ்மா விகாலே உச்சு²யட்டி²ங் கா²தி³துங் வட்டதி கு³ளஹரீதகங் வியாதி ஏவமாதி³கோ கா³ரய்ஹாசரியவாதோ³ ந க³ஹேதப்³போ³. லோகவஜ்ஜே ஆசரியுக்³க³ஹோ ந வட்டதீதி லோகவஜ்ஜஸிக்கா²பதே³ ஆபத்திட்டா²னே யோ ஆசரியவாதோ³, ஸோ ந க³ஹேதப்³போ³, லோகவஜ்ஜங் அதிக்கமித்வா ‘‘இத³ங் அம்ஹாகங் ஆசரியுக்³க³ஹோ’’தி வத³ந்தஸ்ஸ உக்³க³ஹோ ந வட்டதீதி அதி⁴ப்பாயோ. ஸுத்தானுலோமங் நாம அட்ட²கதா². பவேணியா ஆக³தஸமோதா⁴னங் க³ச்ச²தீதி ‘‘பவேணியா ஆக³தோ ஆசரியுக்³க³ஹோவ க³ஹேதப்³போ³’’தி ஏவங் வுத்தே மஹாஅட்ட²கதா²வாதே³யேவ ஸங்க³ஹங் க³ச்ச²தீதி அதி⁴ப்பாயோ. ஸேஸமெத்த² உத்தானமேவ. உபஸம்பன்னஸ்ஸ பஞ்ஞத்தேன வசனங், அனாத³ரியகரணந்தி இமானி பனெத்த² த்³வே அங்கா³னி.
344. Catutthe gārayho ācariyuggaho na gahetabboti yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharītakaṃ viyāti evamādiko gārayhācariyavādo na gahetabbo. Lokavajje ācariyuggaho na vaṭṭatīti lokavajjasikkhāpade āpattiṭṭhāne yo ācariyavādo, so na gahetabbo, lokavajjaṃ atikkamitvā ‘‘idaṃ amhākaṃ ācariyuggaho’’ti vadantassa uggaho na vaṭṭatīti adhippāyo. Suttānulomaṃ nāma aṭṭhakathā. Paveṇiyā āgatasamodhānaṃ gacchatīti ‘‘paveṇiyā āgato ācariyuggahova gahetabbo’’ti evaṃ vutte mahāaṭṭhakathāvādeyeva saṅgahaṃ gacchatīti adhippāyo. Sesamettha uttānameva. Upasampannassa paññattena vacanaṃ, anādariyakaraṇanti imāni panettha dve aṅgāni.
அனாத³ரியஸிக்கா²பத³வண்ணனா நிட்டி²தா.
Anādariyasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. அனாத³ரியஸிக்கா²பத³ங் • 4. Anādariyasikkhāpadaṃ
