| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. அனாத³ரியஸிக்கா²பத³வண்ணனா
4. Anādariyasikkhāpadavaṇṇanā
344. ‘‘லோகவஜ்ஜங் அதிக்கமித்வா ‘இத³ங் அம்ஹாகங் ஆசரியுக்³க³ஹோ’தி வத³ந்தஸ்ஸ ந வட்டதீ’’தி லிகி²தங். யங் ஸங்கிலிட்டே²னேவ சித்தேன ஆபஜ்ஜதி, யங் வா அரியபுக்³க³லோ அபஞ்ஞத்தே ஸிக்கா²பதே³ அஜ்ஜா²சரதி, இத³ங் லோகவஜ்ஜந்தி ஸப்³ப³த்தி²கவாதீ³ஆதீ³னி ஆசரியகுலானி. தத்த² து³தியததியவிகப்போ இத⁴ ந அதி⁴ப்பேதோ ஸேகி²யானங் லோகவஜ்ஜத்தா.
344. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti likhitaṃ. Yaṃ saṃkiliṭṭheneva cittena āpajjati, yaṃ vā ariyapuggalo apaññatte sikkhāpade ajjhācarati, idaṃ lokavajjanti sabbatthikavādīādīni ācariyakulāni. Tattha dutiyatatiyavikappo idha na adhippeto sekhiyānaṃ lokavajjattā.
கா³ரய்ஹோ ஆசரியுக்³க³ஹோதி எத்த² ‘‘யஸ்மா உச்சு²ரஸோ ஸத்தாஹகாலிகோ, தஸ்ஸ கஸடோ யாவஜீவிகோ, த்³வின்னங்யேவ ஸமவாயோ உச்சு²யட்டி², தஸ்மா விகாலே உச்சு²யட்டி²ங் கா²தி³துங் வட்டதி கு³ளஹரீடகங் வியா’தி ஏவமாதி³கோ ஸம்பதி நிப்³ப³த்தோ கா³ரய்ஹாசரியவாதோ³ ந க³ஹேதப்³போ³’’தி ச, பண்ணத்திவஜ்ஜே பன வட்டதீதி ‘‘ந பத்தஹத்தே²ன கவாடோ பணாமேதப்³போ³’தி இமஸ்ஸ ‘யேன ஹத்தே²ன பத்தோ க³ஹிதோ, தேன ஹத்தே²ன ந பணாமேதப்³போ³, இதரேன பணாமேதப்³போ³’தி அத்த²ங் க³ஹெத்வா ததா² ஆசரந்தோ ந ஆபத்தியா காரேதப்³போ³. ‘ததா² பு³த்³த⁴போ³தி⁴சேதியானங் புப்ப²ங் க³ண்ஹிதுங் வட்டதீதி ததா² ஆசரந்தோ’’தி ச. ததா² ஆசரதி அப⁴யகி³ரிவாஸிகோ. மஹாவிஹாரவாஸினோ சே ஏவங் வத³ந்தி, ‘‘மா ஏவங் வதா³’’தி அபஸாதே³தப்³போ³. தேன வுத்தங் ‘‘ஸுத்தங் ஸுத்தானுலோமஞ்ச உக்³க³ஹிதகானங்யேவா’’திஆதி³. ‘‘இத³ங் ஸப்³ப³ங் உபதிஸ்ஸத்தே²ரோ ஆஹா’’தி ச வுத்தங். ‘‘ஸுத்தானுலோமங் அட்ட²கதா²’’தி லிகி²தங்.
Gārayho ācariyuggahoti ettha ‘‘yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharīṭakaṃ viyā’ti evamādiko sampati nibbatto gārayhācariyavādo na gahetabbo’’ti ca, paṇṇattivajje pana vaṭṭatīti ‘‘na pattahatthena kavāṭo paṇāmetabbo’ti imassa ‘yena hatthena patto gahito, tena hatthena na paṇāmetabbo, itarena paṇāmetabbo’ti atthaṃ gahetvā tathā ācaranto na āpattiyā kāretabbo. ‘Tathā buddhabodhicetiyānaṃ pupphaṃ gaṇhituṃ vaṭṭatīti tathā ācaranto’’ti ca. Tathā ācarati abhayagirivāsiko. Mahāvihāravāsino ce evaṃ vadanti, ‘‘mā evaṃ vadā’’ti apasādetabbo. Tena vuttaṃ ‘‘suttaṃ suttānulomañca uggahitakānaṃyevā’’tiādi. ‘‘Idaṃ sabbaṃ upatissatthero āhā’’ti ca vuttaṃ. ‘‘Suttānulomaṃ aṭṭhakathā’’ti likhitaṃ.
அனாத³ரியஸிக்கா²பத³வண்ணனா நிட்டி²தா.
Anādariyasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. அனாத³ரியஸிக்கா²பத³வண்ணனா • 4. Anādariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. அனாத³ரியஸிக்கா²பத³ங் • 4. Anādariyasikkhāpadaṃ
