| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৪. অনাদরিযসিক্খাপদৰণ্ণনা
4. Anādariyasikkhāpadavaṇṇanā
৩৪৪. ‘‘লোকৰজ্জং অতিক্কমিত্ৰা ‘ইদং অম্হাকং আচরিযুগ্গহো’তি ৰদন্তস্স ন ৰট্টতী’’তি লিখিতং। যং সংকিলিট্ঠেনেৰ চিত্তেন আপজ্জতি, যং ৰা অরিযপুগ্গলো অপঞ্ঞত্তে সিক্খাপদে অজ্ঝাচরতি, ইদং লোকৰজ্জন্তি সব্বত্থিকৰাদীআদীনি আচরিযকুলানি। তত্থ দুতিযততিযৰিকপ্পো ইধ ন অধিপ্পেতো সেখিযানং লোকৰজ্জত্তা।
344. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti likhitaṃ. Yaṃ saṃkiliṭṭheneva cittena āpajjati, yaṃ vā ariyapuggalo apaññatte sikkhāpade ajjhācarati, idaṃ lokavajjanti sabbatthikavādīādīni ācariyakulāni. Tattha dutiyatatiyavikappo idha na adhippeto sekhiyānaṃ lokavajjattā.
গারয্হো আচরিযুগ্গহোতি এত্থ ‘‘যস্মা উচ্ছুরসো সত্তাহকালিকো, তস্স কসটো যাৰজীৰিকো, দ্ৰিন্নংযেৰ সমৰাযো উচ্ছুযট্ঠি, তস্মা ৰিকালে উচ্ছুযট্ঠিং খাদিতুং ৰট্টতি গুল়হরীটকং ৰিযা’তি এৰমাদিকো সম্পতি নিব্বত্তো গারয্হাচরিযৰাদো ন গহেতব্বো’’তি চ, পণ্ণত্তিৰজ্জে পন ৰট্টতীতি ‘‘ন পত্তহত্থেন কৰাটো পণামেতব্বো’তি ইমস্স ‘যেন হত্থেন পত্তো গহিতো, তেন হত্থেন ন পণামেতব্বো, ইতরেন পণামেতব্বো’তি অত্থং গহেত্ৰা তথা আচরন্তো ন আপত্তিযা কারেতব্বো। ‘তথা বুদ্ধবোধিচেতিযানং পুপ্ফং গণ্হিতুং ৰট্টতীতি তথা আচরন্তো’’তি চ। তথা আচরতি অভযগিরিৰাসিকো। মহাৰিহারৰাসিনো চে এৰং ৰদন্তি, ‘‘মা এৰং ৰদা’’তি অপসাদেতব্বো। তেন ৰুত্তং ‘‘সুত্তং সুত্তানুলোমঞ্চ উগ্গহিতকানংযেৰা’’তিআদি। ‘‘ইদং সব্বং উপতিস্সত্থেরো আহা’’তি চ ৰুত্তং। ‘‘সুত্তানুলোমং অট্ঠকথা’’তি লিখিতং।
Gārayho ācariyuggahoti ettha ‘‘yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharīṭakaṃ viyā’ti evamādiko sampati nibbatto gārayhācariyavādo na gahetabbo’’ti ca, paṇṇattivajje pana vaṭṭatīti ‘‘na pattahatthena kavāṭo paṇāmetabbo’ti imassa ‘yena hatthena patto gahito, tena hatthena na paṇāmetabbo, itarena paṇāmetabbo’ti atthaṃ gahetvā tathā ācaranto na āpattiyā kāretabbo. ‘Tathā buddhabodhicetiyānaṃ pupphaṃ gaṇhituṃ vaṭṭatīti tathā ācaranto’’ti ca. Tathā ācarati abhayagirivāsiko. Mahāvihāravāsino ce evaṃ vadanti, ‘‘mā evaṃ vadā’’ti apasādetabbo. Tena vuttaṃ ‘‘suttaṃ suttānulomañca uggahitakānaṃyevā’’tiādi. ‘‘Idaṃ sabbaṃ upatissatthero āhā’’ti ca vuttaṃ. ‘‘Suttānulomaṃ aṭṭhakathā’’ti likhitaṃ.
অনাদরিযসিক্খাপদৰণ্ণনা নিট্ঠিতা।
Anādariyasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৬. সুরাপানৰগ্গো • 6. Surāpānavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪. অনাদরিযসিক্খাপদং • 4. Anādariyasikkhāpadaṃ
