| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. анаад̣̇арияасигкаабад̣̇аван̣н̣анаа
4. Anādariyasikkhāpadavaṇṇanā
д̣̇увид̇хан̃хзд̇т̇а анаад̣̇арияам̣ буг̇г̇алаанаад̣̇арияан̃жа д̇хаммаанаад̣̇арияан̃жаад̇и ааха ‘‘буг̇г̇аласса ваа’’д̇иаад̣̇и. д̇ад̇т̇а яо бхигку убасамбаннзна бан̃н̃ад̇д̇зна вужжамаано ‘‘аяам̣ угкид̇д̇аго ваа вамбхид̇о ваа г̇арахид̇о ваа, имасса важанам̣ агад̇ам̣ бхависсад̇ий’’д̇и (баажи. 342) анаад̣̇арияам̣ гарод̇и, аяам̣ буг̇г̇алз анаад̣̇арияам̣ гарод̇и наама. яо бана бан̃н̃ад̇д̇зна вужжамаано ‘‘гат̇ааяам̣ нассзяяа ваа винассзяяа ваа анд̇арад̇хааязяяа ваа’’д̇и, д̇ам̣ ваа насигкид̇угаамо анаад̣̇арияам̣ гарод̇и, аяам̣ д̇хаммз анаад̣̇арияам̣ гарод̇и наама. д̇знааха ‘‘д̇асмаа’’д̇иаад̣̇и.
Duvidhañhettha anādariyaṃ puggalānādariyañca dhammānādariyañcāti āha ‘‘puggalassa vā’’tiādi. Tattha yo bhikkhu upasampannena paññattena vuccamāno ‘‘ayaṃ ukkhittako vā vambhito vā garahito vā, imassa vacanaṃ akataṃ bhavissatī’’ti (pāci. 342) anādariyaṃ karoti, ayaṃ puggale anādariyaṃ karoti nāma. Yo pana paññattena vuccamāno ‘‘kathāyaṃ nasseyya vā vinasseyya vā antaradhāyeyya vā’’ti, taṃ vā nasikkhitukāmo anādariyaṃ karoti, ayaṃ dhamme anādariyaṃ karoti nāma. Tenāha ‘‘tasmā’’tiādi.
ид̣̇ам̣ на саллзкааяа сам̣вад̇д̇ад̇ийд̇и саммаа гилзсз ликад̇ийд̇и саллзко, аббижчад̇аа, д̇ад̣̇ад̇т̇ам̣ наяид̣̇ам̣ сам̣вад̇д̇ад̇и. аад̣̇исад̣̇д̣̇зна ‘‘ид̣̇ам̣ на д̇худ̇ад̇т̇ааяа сам̣вад̇д̇ад̇и, на баасаад̣̇игад̇ааяа, на абажаяааяа, на вийрияаарамбхааяа сам̣вад̇д̇ад̇ий’’д̇и (баажи. 343) ид̣̇ам̣ сан̇г̇ан̣хаад̇и. абан̃н̃ад̇д̇знаад̇и суд̇д̇з ваа абхид̇хаммз ваа ааг̇ад̇зна. бавзн̣иааг̇ад̇анд̇и сан̇г̇ийд̇игаалад̇о бадтааяа махаагассабаад̣̇иаажарияабарамбарааяа ааг̇ад̇ам̣. сажз бана яасмаа ужчурасо сад̇д̇аахагаалиго, д̇асса гасадо яааваж̇ийвиго, д̣̇виннам̣язва самавааяо ужчуяадти, д̇асмаа вигаалз ужчуяадтим̣ каад̣̇ид̇ум̣ ваддад̇и г̇ул̣ахарийд̇агам̣ вияаад̇и звамаад̣̇игам̣ г̇аараяхаажарияуг̇г̇ахам̣ г̇ахзд̇ваа ‘‘звам̣ амхаагам̣ аажарияаанам̣ уг̇г̇ахо барибужчаа’’д̇и бхан̣ад̇и, аабад̇д̇иязва.
Idaṃna sallekhāya saṃvattatīti sammā kilese likhatīti sallekho, appicchatā, tadatthaṃ nayidaṃ saṃvattati. Ādisaddena ‘‘idaṃ na dhutatthāya saṃvattati, na pāsādikatāya, na apacayāya, na vīriyārambhāya saṃvattatī’’ti (pāci. 343) idaṃ saṅgaṇhāti. Apaññattenāti sutte vā abhidhamme vā āgatena. Paveṇiāgatanti saṅgītikālato paṭṭhāya mahākassapādiācariyaparamparāya āgataṃ. Sace pana yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharītakaṃ viyāti evamādikaṃ gārayhācariyuggahaṃ gahetvā ‘‘evaṃ amhākaṃ ācariyānaṃ uggaho paripucchā’’ti bhaṇati, āpattiyeva.
анаад̣̇арияасигкаабад̣̇аван̣н̣анаа нидтид̇аа.
Anādariyasikkhāpadavaṇṇanā niṭṭhitā.
