| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
४. अनादरियसिक्खापदवण्णना
4. Anādariyasikkhāpadavaṇṇanā
तस्स वचनन्ति ‘‘अयं उक्खित्तको वा वम्भितो वा गरहितो वा इमस्स वचनं अकतं भविस्सती’’ति अनादरियं करोति। धम्मन्ति कथायं धम्मो नस्सेय्य वा विनस्सेय्य वा अन्तरधायेय्य वा, तं वा असिक्खितुकामो अनादरियं करोति। ‘‘लोकवज्जं अतिक्कमित्वा ‘इदं अम्हाकं आचरियुग्गहो’ति वदन्तस्स न वट्टती’’ति (वजिर॰ टी॰ पाचित्तिय ३४४) लिखितं।
Tassavacananti ‘‘ayaṃ ukkhittako vā vambhito vā garahito vā imassa vacanaṃ akataṃ bhavissatī’’ti anādariyaṃ karoti. Dhammanti kathāyaṃ dhammo nasseyya vā vinasseyya vā antaradhāyeyya vā, taṃ vā asikkhitukāmo anādariyaṃ karoti. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti (vajira. ṭī. pācittiya 344) likhitaṃ.
अनादरियसिक्खापदवण्णना निट्ठिता।
Anādariyasikkhāpadavaṇṇanā niṭṭhitā.
