| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๔. อนาทริยสิกฺขาปทวณฺณนา
4. Anādariyasikkhāpadavaṇṇanā
๓๔๔. ‘‘โลกวชฺชํ อติกฺกมิตฺวา ‘อิทํ อมฺหากํ อาจริยุคฺคโห’ติ วทนฺตสฺส น วฎฺฎตี’’ติ ลิขิตํฯ ยํ สํกิลิเฎฺฐเนว จิเตฺตน อาปชฺชติ, ยํ วา อริยปุคฺคโล อปญฺญเตฺต สิกฺขาปเท อชฺฌาจรติ, อิทํ โลกวชฺชนฺติ สพฺพตฺถิกวาทีอาทีนิ อาจริยกุลานิฯ ตตฺถ ทุติยตติยวิกโปฺป อิธ น อธิเปฺปโต เสขิยานํ โลกวชฺชตฺตาฯ
344. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti likhitaṃ. Yaṃ saṃkiliṭṭheneva cittena āpajjati, yaṃ vā ariyapuggalo apaññatte sikkhāpade ajjhācarati, idaṃ lokavajjanti sabbatthikavādīādīni ācariyakulāni. Tattha dutiyatatiyavikappo idha na adhippeto sekhiyānaṃ lokavajjattā.
คารโยฺห อาจริยุคฺคโหติ เอตฺถ ‘‘ยสฺมา อุจฺฉุรโส สตฺตาหกาลิโก, ตสฺส กสโฎ ยาวชีวิโก, ทฺวินฺนํเยว สมวาโย อุจฺฉุยฎฺฐิ, ตสฺมา วิกาเล อุจฺฉุยฎฺฐิํ ขาทิตุํ วฎฺฎติ คุฬหรีฎกํ วิยา’ติ เอวมาทิโก สมฺปติ นิพฺพโตฺต คารยฺหาจริยวาโท น คเหตโพฺพ’’ติ จ, ปณฺณตฺติวเชฺช ปน วฎฺฎตีติ ‘‘น ปตฺตหเตฺถน กวาโฎ ปณาเมตโพฺพ’ติ อิมสฺส ‘เยน หเตฺถน ปโตฺต คหิโต, เตน หเตฺถน น ปณาเมตโพฺพ, อิตเรน ปณาเมตโพฺพ’ติ อตฺถํ คเหตฺวา ตถา อาจรโนฺต น อาปตฺติยา กาเรตโพฺพฯ ‘ตถา พุทฺธโพธิเจติยานํ ปุปฺผํ คณฺหิตุํ วฎฺฎตีติ ตถา อาจรโนฺต’’ติ จฯ ตถา อาจรติ อภยคิริวาสิโกฯ มหาวิหารวาสิโน เจ เอวํ วทนฺติ, ‘‘มา เอวํ วทา’’ติ อปสาเทตโพฺพฯ เตน วุตฺตํ ‘‘สุตฺตํ สุตฺตานุโลมญฺจ อุคฺคหิตกานํเยวา’’ติอาทิฯ ‘‘อิทํ สพฺพํ อุปติสฺสเตฺถโร อาหา’’ติ จ วุตฺตํฯ ‘‘สุตฺตานุโลมํ อฎฺฐกถา’’ติ ลิขิตํฯ
Gārayho ācariyuggahoti ettha ‘‘yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharīṭakaṃ viyā’ti evamādiko sampati nibbatto gārayhācariyavādo na gahetabbo’’ti ca, paṇṇattivajje pana vaṭṭatīti ‘‘na pattahatthena kavāṭo paṇāmetabbo’ti imassa ‘yena hatthena patto gahito, tena hatthena na paṇāmetabbo, itarena paṇāmetabbo’ti atthaṃ gahetvā tathā ācaranto na āpattiyā kāretabbo. ‘Tathā buddhabodhicetiyānaṃ pupphaṃ gaṇhituṃ vaṭṭatīti tathā ācaranto’’ti ca. Tathā ācarati abhayagirivāsiko. Mahāvihāravāsino ce evaṃ vadanti, ‘‘mā evaṃ vadā’’ti apasādetabbo. Tena vuttaṃ ‘‘suttaṃ suttānulomañca uggahitakānaṃyevā’’tiādi. ‘‘Idaṃ sabbaṃ upatissatthero āhā’’ti ca vuttaṃ. ‘‘Suttānulomaṃ aṭṭhakathā’’ti likhitaṃ.
อนาทริยสิกฺขาปทวณฺณนา นิฎฺฐิตาฯ
Anādariyasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๖. สุราปานวโคฺค • 6. Surāpānavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๔. อนาทริยสิกฺขาปทวณฺณนา • 4. Anādariyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๔. อนาทริยสิกฺขาปทวณฺณนา • 4. Anādariyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๔. อนาทริยสิกฺขาปทวณฺณนา • 4. Anādariyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๔. อนาทริยสิกฺขาปทํ • 4. Anādariyasikkhāpadaṃ
