| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೪. ಅನಾದರಿಯಸಿಕ್ಖಾಪದವಣ್ಣನಾ
4. Anādariyasikkhāpadavaṇṇanā
೩೪೪. ‘‘ಲೋಕವಜ್ಜಂ ಅತಿಕ್ಕಮಿತ್ವಾ ‘ಇದಂ ಅಮ್ಹಾಕಂ ಆಚರಿಯುಗ್ಗಹೋ’ತಿ ವದನ್ತಸ್ಸ ನ ವಟ್ಟತೀ’’ತಿ ಲಿಖಿತಂ। ಯಂ ಸಂಕಿಲಿಟ್ಠೇನೇವ ಚಿತ್ತೇನ ಆಪಜ್ಜತಿ, ಯಂ ವಾ ಅರಿಯಪುಗ್ಗಲೋ ಅಪಞ್ಞತ್ತೇ ಸಿಕ್ಖಾಪದೇ ಅಜ್ಝಾಚರತಿ, ಇದಂ ಲೋಕವಜ್ಜನ್ತಿ ಸಬ್ಬತ್ಥಿಕವಾದೀಆದೀನಿ ಆಚರಿಯಕುಲಾನಿ। ತತ್ಥ ದುತಿಯತತಿಯವಿಕಪ್ಪೋ ಇಧ ನ ಅಧಿಪ್ಪೇತೋ ಸೇಖಿಯಾನಂ ಲೋಕವಜ್ಜತ್ತಾ।
344. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti likhitaṃ. Yaṃ saṃkiliṭṭheneva cittena āpajjati, yaṃ vā ariyapuggalo apaññatte sikkhāpade ajjhācarati, idaṃ lokavajjanti sabbatthikavādīādīni ācariyakulāni. Tattha dutiyatatiyavikappo idha na adhippeto sekhiyānaṃ lokavajjattā.
ಗಾರಯ್ಹೋ ಆಚರಿಯುಗ್ಗಹೋತಿ ಏತ್ಥ ‘‘ಯಸ್ಮಾ ಉಚ್ಛುರಸೋ ಸತ್ತಾಹಕಾಲಿಕೋ, ತಸ್ಸ ಕಸಟೋ ಯಾವಜೀವಿಕೋ, ದ್ವಿನ್ನಂಯೇವ ಸಮವಾಯೋ ಉಚ್ಛುಯಟ್ಠಿ, ತಸ್ಮಾ ವಿಕಾಲೇ ಉಚ್ಛುಯಟ್ಠಿಂ ಖಾದಿತುಂ ವಟ್ಟತಿ ಗುಳಹರೀಟಕಂ ವಿಯಾ’ತಿ ಏವಮಾದಿಕೋ ಸಮ್ಪತಿ ನಿಬ್ಬತ್ತೋ ಗಾರಯ್ಹಾಚರಿಯವಾದೋ ನ ಗಹೇತಬ್ಬೋ’’ತಿ ಚ, ಪಣ್ಣತ್ತಿವಜ್ಜೇ ಪನ ವಟ್ಟತೀತಿ ‘‘ನ ಪತ್ತಹತ್ಥೇನ ಕವಾಟೋ ಪಣಾಮೇತಬ್ಬೋ’ತಿ ಇಮಸ್ಸ ‘ಯೇನ ಹತ್ಥೇನ ಪತ್ತೋ ಗಹಿತೋ, ತೇನ ಹತ್ಥೇನ ನ ಪಣಾಮೇತಬ್ಬೋ, ಇತರೇನ ಪಣಾಮೇತಬ್ಬೋ’ತಿ ಅತ್ಥಂ ಗಹೇತ್ವಾ ತಥಾ ಆಚರನ್ತೋ ನ ಆಪತ್ತಿಯಾ ಕಾರೇತಬ್ಬೋ। ‘ತಥಾ ಬುದ್ಧಬೋಧಿಚೇತಿಯಾನಂ ಪುಪ್ಫಂ ಗಣ್ಹಿತುಂ ವಟ್ಟತೀತಿ ತಥಾ ಆಚರನ್ತೋ’’ತಿ ಚ। ತಥಾ ಆಚರತಿ ಅಭಯಗಿರಿವಾಸಿಕೋ। ಮಹಾವಿಹಾರವಾಸಿನೋ ಚೇ ಏವಂ ವದನ್ತಿ, ‘‘ಮಾ ಏವಂ ವದಾ’’ತಿ ಅಪಸಾದೇತಬ್ಬೋ। ತೇನ ವುತ್ತಂ ‘‘ಸುತ್ತಂ ಸುತ್ತಾನುಲೋಮಞ್ಚ ಉಗ್ಗಹಿತಕಾನಂಯೇವಾ’’ತಿಆದಿ। ‘‘ಇದಂ ಸಬ್ಬಂ ಉಪತಿಸ್ಸತ್ಥೇರೋ ಆಹಾ’’ತಿ ಚ ವುತ್ತಂ। ‘‘ಸುತ್ತಾನುಲೋಮಂ ಅಟ್ಠಕಥಾ’’ತಿ ಲಿಖಿತಂ।
Gārayho ācariyuggahoti ettha ‘‘yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharīṭakaṃ viyā’ti evamādiko sampati nibbatto gārayhācariyavādo na gahetabbo’’ti ca, paṇṇattivajje pana vaṭṭatīti ‘‘na pattahatthena kavāṭo paṇāmetabbo’ti imassa ‘yena hatthena patto gahito, tena hatthena na paṇāmetabbo, itarena paṇāmetabbo’ti atthaṃ gahetvā tathā ācaranto na āpattiyā kāretabbo. ‘Tathā buddhabodhicetiyānaṃ pupphaṃ gaṇhituṃ vaṭṭatīti tathā ācaranto’’ti ca. Tathā ācarati abhayagirivāsiko. Mahāvihāravāsino ce evaṃ vadanti, ‘‘mā evaṃ vadā’’ti apasādetabbo. Tena vuttaṃ ‘‘suttaṃ suttānulomañca uggahitakānaṃyevā’’tiādi. ‘‘Idaṃ sabbaṃ upatissatthero āhā’’ti ca vuttaṃ. ‘‘Suttānulomaṃ aṭṭhakathā’’ti likhitaṃ.
ಅನಾದರಿಯಸಿಕ್ಖಾಪದವಣ್ಣನಾ ನಿಟ್ಠಿತಾ।
Anādariyasikkhāpadavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೬. ಸುರಾಪಾನವಗ್ಗೋ • 6. Surāpānavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೪. ಅನಾದರಿಯಸಿಕ್ಖಾಪದವಣ್ಣನಾ • 4. Anādariyasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೪. ಅನಾದರಿಯಸಿಕ್ಖಾಪದಂ • 4. Anādariyasikkhāpadaṃ
