| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ
4. Anādariyasikkhāpadavaṇṇanā
੩੪੪. ‘‘ਲੋਕવਜ੍ਜਂ ਅਤਿਕ੍ਕਮਿਤ੍વਾ ‘ਇਦਂ ਅਮ੍ਹਾਕਂ ਆਚਰਿਯੁਗ੍ਗਹੋ’ਤਿ વਦਨ੍ਤਸ੍ਸ ਨ વਟ੍ਟਤੀ’’ਤਿ ਲਿਖਿਤਂ। ਯਂ ਸਂਕਿਲਿਟ੍ਠੇਨੇવ ਚਿਤ੍ਤੇਨ ਆਪਜ੍ਜਤਿ, ਯਂ વਾ ਅਰਿਯਪੁਗ੍ਗਲੋ ਅਪਞ੍ਞਤ੍ਤੇ ਸਿਕ੍ਖਾਪਦੇ ਅਜ੍ਝਾਚਰਤਿ, ਇਦਂ ਲੋਕવਜ੍ਜਨ੍ਤਿ ਸਬ੍ਬਤ੍ਥਿਕવਾਦੀਆਦੀਨਿ ਆਚਰਿਯਕੁਲਾਨਿ। ਤਤ੍ਥ ਦੁਤਿਯਤਤਿਯવਿਕਪ੍ਪੋ ਇਧ ਨ ਅਧਿਪ੍ਪੇਤੋ ਸੇਖਿਯਾਨਂ ਲੋਕવਜ੍ਜਤ੍ਤਾ।
344. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti likhitaṃ. Yaṃ saṃkiliṭṭheneva cittena āpajjati, yaṃ vā ariyapuggalo apaññatte sikkhāpade ajjhācarati, idaṃ lokavajjanti sabbatthikavādīādīni ācariyakulāni. Tattha dutiyatatiyavikappo idha na adhippeto sekhiyānaṃ lokavajjattā.
ਗਾਰਯ੍ਹੋ ਆਚਰਿਯੁਗ੍ਗਹੋਤਿ ਏਤ੍ਥ ‘‘ਯਸ੍ਮਾ ਉਚ੍ਛੁਰਸੋ ਸਤ੍ਤਾਹਕਾਲਿਕੋ, ਤਸ੍ਸ ਕਸਟੋ ਯਾવਜੀવਿਕੋ, ਦ੍વਿਨ੍ਨਂਯੇવ ਸਮવਾਯੋ ਉਚ੍ਛੁਯਟ੍ਠਿ, ਤਸ੍ਮਾ વਿਕਾਲੇ ਉਚ੍ਛੁਯਟ੍ਠਿਂ ਖਾਦਿਤੁਂ વਟ੍ਟਤਿ ਗੁਲ਼ਹਰੀਟਕਂ વਿਯਾ’ਤਿ ਏવਮਾਦਿਕੋ ਸਮ੍ਪਤਿ ਨਿਬ੍ਬਤ੍ਤੋ ਗਾਰਯ੍ਹਾਚਰਿਯવਾਦੋ ਨ ਗਹੇਤਬ੍ਬੋ’’ਤਿ ਚ, ਪਣ੍ਣਤ੍ਤਿવਜ੍ਜੇ ਪਨ વਟ੍ਟਤੀਤਿ ‘‘ਨ ਪਤ੍ਤਹਤ੍ਥੇਨ ਕવਾਟੋ ਪਣਾਮੇਤਬ੍ਬੋ’ਤਿ ਇਮਸ੍ਸ ‘ਯੇਨ ਹਤ੍ਥੇਨ ਪਤ੍ਤੋ ਗਹਿਤੋ, ਤੇਨ ਹਤ੍ਥੇਨ ਨ ਪਣਾਮੇਤਬ੍ਬੋ, ਇਤਰੇਨ ਪਣਾਮੇਤਬ੍ਬੋ’ਤਿ ਅਤ੍ਥਂ ਗਹੇਤ੍વਾ ਤਥਾ ਆਚਰਨ੍ਤੋ ਨ ਆਪਤ੍ਤਿਯਾ ਕਾਰੇਤਬ੍ਬੋ। ‘ਤਥਾ ਬੁਦ੍ਧਬੋਧਿਚੇਤਿਯਾਨਂ ਪੁਪ੍ਫਂ ਗਣ੍ਹਿਤੁਂ વਟ੍ਟਤੀਤਿ ਤਥਾ ਆਚਰਨ੍ਤੋ’’ਤਿ ਚ। ਤਥਾ ਆਚਰਤਿ ਅਭਯਗਿਰਿવਾਸਿਕੋ। ਮਹਾવਿਹਾਰવਾਸਿਨੋ ਚੇ ਏવਂ વਦਨ੍ਤਿ, ‘‘ਮਾ ਏવਂ વਦਾ’’ਤਿ ਅਪਸਾਦੇਤਬ੍ਬੋ। ਤੇਨ વੁਤ੍ਤਂ ‘‘ਸੁਤ੍ਤਂ ਸੁਤ੍ਤਾਨੁਲੋਮਞ੍ਚ ਉਗ੍ਗਹਿਤਕਾਨਂਯੇવਾ’’ਤਿਆਦਿ। ‘‘ਇਦਂ ਸਬ੍ਬਂ ਉਪਤਿਸ੍ਸਤ੍ਥੇਰੋ ਆਹਾ’’ਤਿ ਚ વੁਤ੍ਤਂ। ‘‘ਸੁਤ੍ਤਾਨੁਲੋਮਂ ਅਟ੍ਠਕਥਾ’’ਤਿ ਲਿਖਿਤਂ।
Gārayho ācariyuggahoti ettha ‘‘yasmā ucchuraso sattāhakāliko, tassa kasaṭo yāvajīviko, dvinnaṃyeva samavāyo ucchuyaṭṭhi, tasmā vikāle ucchuyaṭṭhiṃ khādituṃ vaṭṭati guḷaharīṭakaṃ viyā’ti evamādiko sampati nibbatto gārayhācariyavādo na gahetabbo’’ti ca, paṇṇattivajje pana vaṭṭatīti ‘‘na pattahatthena kavāṭo paṇāmetabbo’ti imassa ‘yena hatthena patto gahito, tena hatthena na paṇāmetabbo, itarena paṇāmetabbo’ti atthaṃ gahetvā tathā ācaranto na āpattiyā kāretabbo. ‘Tathā buddhabodhicetiyānaṃ pupphaṃ gaṇhituṃ vaṭṭatīti tathā ācaranto’’ti ca. Tathā ācarati abhayagirivāsiko. Mahāvihāravāsino ce evaṃ vadanti, ‘‘mā evaṃ vadā’’ti apasādetabbo. Tena vuttaṃ ‘‘suttaṃ suttānulomañca uggahitakānaṃyevā’’tiādi. ‘‘Idaṃ sabbaṃ upatissatthero āhā’’ti ca vuttaṃ. ‘‘Suttānulomaṃ aṭṭhakathā’’ti likhitaṃ.
ਅਨਾਦਰਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anādariyasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਅਨਾਦਰਿਯਸਿਕ੍ਖਾਪਦਂ • 4. Anādariyasikkhāpadaṃ
