| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. දෙවතාවග්‌ගො
7. Devatāvaggo
1. අනාගාමිඵලසුත්‌තං
1. Anāgāmiphalasuttaṃ
65. ‘‘ඡ , භික්‌ඛවෙ, ධම්‌මෙ අප්‌පහාය අභබ්‌බො අනාගාමිඵලං සච්‌ඡිකාතුං. කතමෙ ඡ? අස්‌සද්‌ධියං, අහිරිකං, අනොත්‌තප්‌පං, කොසජ්‌ජං, මුට්‌ඨස්‌සච්‌චං, දුප්‌පඤ්‌ඤතං – ඉමෙ ඛො, භික්‌ඛවෙ, ඡ ධම්‌මෙ අප්‌පහාය අභබ්‌බො අනාගාමිඵලං සච්‌ඡිකාතුං.
65. ‘‘Cha , bhikkhave, dhamme appahāya abhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme appahāya abhabbo anāgāmiphalaṃ sacchikātuṃ.
‘‘ඡ, භික්‌ඛවෙ, ධම්‌මෙ පහාය භබ්‌බො අනාගාමිඵලං සච්‌ඡිකාතුං. කතමෙ ඡ? අස්‌සද්‌ධියං, අහිරිකං, අනොත්‌තප්‌පං, කොසජ්‌ජං, මුට්‌ඨස්‌සච්‌චං, දුප්‌පඤ්‌ඤතං – ඉමෙ ඛො, භික්‌ඛවෙ, ඡ ධම්‌මෙ පහාය භබ්‌බො අනාගාමිඵලං සච්‌ඡිකාතු’’න්‌ති. පඨමං.
‘‘Cha, bhikkhave, dhamme pahāya bhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme pahāya bhabbo anāgāmiphalaṃ sacchikātu’’nti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1-3. අනාගාමිඵලසුත්‌තාදිවණ්‌ණනා • 1-3. Anāgāmiphalasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-3. අනාගාමිඵලසුත්‌තාදිවණ්‌ණනා • 1-3. Anāgāmiphalasuttādivaṇṇanā
