| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৫. পঞ্চমৰগ্গো
5. Pañcamavaggo
(৫০) ৮. অনাগতঞাণকথা
(50) 8. Anāgatañāṇakathā
৪৩৯. অনাগতে ঞাণং অত্থীতি? আমন্তা। অনাগতং মূলতো জানাতি, হেতুতো জানাতি, নিদানতো জানাতি, সম্ভৰতো জানাতি, পভৰতো জানাতি, সমুট্ঠানতো জানাতি, আহারতো জানাতি , আরম্মণতো জানাতি, পচ্চযতো জানাতি, সমুদযতো জানাতীতি? ন হেৰং ৰত্তব্বে…পে॰…।
439. Anāgate ñāṇaṃ atthīti? Āmantā. Anāgataṃ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti , ārammaṇato jānāti, paccayato jānāti, samudayato jānātīti? Na hevaṃ vattabbe…pe….
অনাগতে ঞাণং অত্থীতি? আমন্তা। অনাগতং হেতুপচ্চযতং জানাতি, আরম্মণপচ্চযতং জানাতি, অধিপতিপচ্চযতং জানাতি, অনন্তরপচ্চযতং জানাতি, সমনন্তরপচ্চযতং জানাতীতি? ন হেৰং ৰত্তব্বে…পে॰…।
Anāgate ñāṇaṃ atthīti? Āmantā. Anāgataṃ hetupaccayataṃ jānāti, ārammaṇapaccayataṃ jānāti, adhipatipaccayataṃ jānāti, anantarapaccayataṃ jānāti, samanantarapaccayataṃ jānātīti? Na hevaṃ vattabbe…pe….
অনাগতে ঞাণং অত্থীতি? আমন্তা। গোত্রভুনো পুগ্গলস্স সোতাপত্তিমগ্গে ঞাণং অত্থীতি? ন হেৰং ৰত্তব্বে…পে॰…। সোতাপত্তিফলসচ্ছিকিরিযায পটিপন্নস্স পুগ্গলস্স সোতাপত্তিফলে ঞাণং অত্থীতি? ন হেৰং ৰত্তব্বে…পে॰…।
Anāgate ñāṇaṃ atthīti? Āmantā. Gotrabhuno puggalassa sotāpattimagge ñāṇaṃ atthīti? Na hevaṃ vattabbe…pe…. Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti? Na hevaṃ vattabbe…pe….
সকদাগামি…পে॰… অনাগামি …পে॰… অরহত্তসচ্ছিকিরিযায পটিপন্নস্স পুগ্গলস্স অরহত্তে ঞাণং অত্থীতি? ন হেৰং ৰত্তব্বে…পে॰…।
Sakadāgāmi…pe… anāgāmi …pe… arahattasacchikiriyāya paṭipannassa puggalassa arahatte ñāṇaṃ atthīti? Na hevaṃ vattabbe…pe….
৪৪০. ন ৰত্তব্বং – ‘‘অনাগতে ঞাণং অত্থী’’তি? আমন্তা। ননু ৰুত্তং ভগৰতা – ‘‘পাটলিপুত্তস্স খো, আনন্দ, তযো অন্তরাযা ভৰিস্সন্তি – অগ্গিতো ৰা উদকতো ৰা মিথুভেদা ৰা’’তি 1! অত্থেৰ সুত্তন্তোতি? আমন্তা। তেন হি অনাগতে ঞাণং অত্থীতি।
440. Na vattabbaṃ – ‘‘anāgate ñāṇaṃ atthī’’ti? Āmantā. Nanu vuttaṃ bhagavatā – ‘‘pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti 2! Attheva suttantoti? Āmantā. Tena hi anāgate ñāṇaṃ atthīti.
অনাগতঞাণকথা নিট্ঠিতা।
Anāgatañāṇakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. অনাগতঞাণকথাৰণ্ণনা • 8. Anāgatañāṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. অনাগতঞাণকথাৰণ্ণনা • 8. Anāgatañāṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. অনাগতঞাণকথাৰণ্ণনা • 8. Anāgatañāṇakathāvaṇṇanā
