| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
5. бан̃жамаваг̇г̇о
5. Pañcamavaggo
(50) 8. анааг̇ад̇ан̃аан̣агат̇аа
(50) 8. Anāgatañāṇakathā
439. анааг̇ад̇з н̃аан̣ам̣ ад̇т̇ийд̇и? ааманд̇аа. анааг̇ад̇ам̣ муулад̇о ж̇аанаад̇и, хзд̇уд̇о ж̇аанаад̇и, нид̣̇аанад̇о ж̇аанаад̇и, самбхавад̇о ж̇аанаад̇и, бабхавад̇о ж̇аанаад̇и, самудтаанад̇о ж̇аанаад̇и, аахаарад̇о ж̇аанаад̇и , аарамман̣ад̇о ж̇аанаад̇и, бажжаяад̇о ж̇аанаад̇и, самуд̣̇аяад̇о ж̇аанаад̇ийд̇и? на хзвам̣ вад̇д̇аб̣б̣з…бз….
439. Anāgate ñāṇaṃ atthīti? Āmantā. Anāgataṃ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti , ārammaṇato jānāti, paccayato jānāti, samudayato jānātīti? Na hevaṃ vattabbe…pe….
анааг̇ад̇з н̃аан̣ам̣ ад̇т̇ийд̇и? ааманд̇аа. анааг̇ад̇ам̣ хзд̇убажжаяад̇ам̣ ж̇аанаад̇и, аарамман̣абажжаяад̇ам̣ ж̇аанаад̇и, ад̇хибад̇ибажжаяад̇ам̣ ж̇аанаад̇и, ананд̇арабажжаяад̇ам̣ ж̇аанаад̇и, самананд̇арабажжаяад̇ам̣ ж̇аанаад̇ийд̇и? на хзвам̣ вад̇д̇аб̣б̣з…бз….
Anāgate ñāṇaṃ atthīti? Āmantā. Anāgataṃ hetupaccayataṃ jānāti, ārammaṇapaccayataṃ jānāti, adhipatipaccayataṃ jānāti, anantarapaccayataṃ jānāti, samanantarapaccayataṃ jānātīti? Na hevaṃ vattabbe…pe….
анааг̇ад̇з н̃аан̣ам̣ ад̇т̇ийд̇и? ааманд̇аа. г̇од̇рабхуно буг̇г̇аласса сод̇аабад̇д̇имаг̇г̇з н̃аан̣ам̣ ад̇т̇ийд̇и? на хзвам̣ вад̇д̇аб̣б̣з…бз…. сод̇аабад̇д̇ипаласажчигирияааяа бадибаннасса буг̇г̇аласса сод̇аабад̇д̇ипалз н̃аан̣ам̣ ад̇т̇ийд̇и? на хзвам̣ вад̇д̇аб̣б̣з…бз….
Anāgate ñāṇaṃ atthīti? Āmantā. Gotrabhuno puggalassa sotāpattimagge ñāṇaṃ atthīti? Na hevaṃ vattabbe…pe…. Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti? Na hevaṃ vattabbe…pe….
сагад̣̇ааг̇аами…бз… анааг̇аами …бз… арахад̇д̇асажчигирияааяа бадибаннасса буг̇г̇аласса арахад̇д̇з н̃аан̣ам̣ ад̇т̇ийд̇и? на хзвам̣ вад̇д̇аб̣б̣з…бз….
Sakadāgāmi…pe… anāgāmi …pe… arahattasacchikiriyāya paṭipannassa puggalassa arahatte ñāṇaṃ atthīti? Na hevaṃ vattabbe…pe….
440. на вад̇д̇аб̣б̣ам̣ – ‘‘анааг̇ад̇з н̃аан̣ам̣ ад̇т̇ий’’д̇и? ааманд̇аа. нану вуд̇д̇ам̣ бхаг̇авад̇аа – ‘‘баадалибуд̇д̇асса ко, аананд̣̇а, д̇аяо анд̇арааяаа бхависсанд̇и – аг̇г̇ид̇о ваа уд̣̇агад̇о ваа мит̇убхзд̣̇аа ваа’’д̇и 1! ад̇т̇зва суд̇д̇анд̇од̇и? ааманд̇аа. д̇зна хи анааг̇ад̇з н̃аан̣ам̣ ад̇т̇ийд̇и.
440. Na vattabbaṃ – ‘‘anāgate ñāṇaṃ atthī’’ti? Āmantā. Nanu vuttaṃ bhagavatā – ‘‘pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti 2! Attheva suttantoti? Āmantā. Tena hi anāgate ñāṇaṃ atthīti.
анааг̇ад̇ан̃аан̣агат̇аа нидтид̇аа.
Anāgatañāṇakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 8. анааг̇ад̇ан̃аан̣агат̇ааван̣н̣анаа • 8. Anāgatañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. анааг̇ад̇ан̃аан̣агат̇ааван̣н̣анаа • 8. Anāgatañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. анааг̇ад̇ан̃аан̣агат̇ааван̣н̣анаа • 8. Anāgatañāṇakathāvaṇṇanā
