| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೫. ಪಞ್ಚಮವಗ್ಗೋ
5. Pañcamavaggo
(೫೦) ೮. ಅನಾಗತಞಾಣಕಥಾ
(50) 8. Anāgatañāṇakathā
೪೩೯. ಅನಾಗತೇ ಞಾಣಂ ಅತ್ಥೀತಿ? ಆಮನ್ತಾ। ಅನಾಗತಂ ಮೂಲತೋ ಜಾನಾತಿ, ಹೇತುತೋ ಜಾನಾತಿ, ನಿದಾನತೋ ಜಾನಾತಿ, ಸಮ್ಭವತೋ ಜಾನಾತಿ, ಪಭವತೋ ಜಾನಾತಿ, ಸಮುಟ್ಠಾನತೋ ಜಾನಾತಿ, ಆಹಾರತೋ ಜಾನಾತಿ , ಆರಮ್ಮಣತೋ ಜಾನಾತಿ, ಪಚ್ಚಯತೋ ಜಾನಾತಿ, ಸಮುದಯತೋ ಜಾನಾತೀತಿ? ನ ಹೇವಂ ವತ್ತಬ್ಬೇ…ಪೇ॰…।
439. Anāgate ñāṇaṃ atthīti? Āmantā. Anāgataṃ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti , ārammaṇato jānāti, paccayato jānāti, samudayato jānātīti? Na hevaṃ vattabbe…pe….
ಅನಾಗತೇ ಞಾಣಂ ಅತ್ಥೀತಿ? ಆಮನ್ತಾ। ಅನಾಗತಂ ಹೇತುಪಚ್ಚಯತಂ ಜಾನಾತಿ, ಆರಮ್ಮಣಪಚ್ಚಯತಂ ಜಾನಾತಿ, ಅಧಿಪತಿಪಚ್ಚಯತಂ ಜಾನಾತಿ, ಅನನ್ತರಪಚ್ಚಯತಂ ಜಾನಾತಿ, ಸಮನನ್ತರಪಚ್ಚಯತಂ ಜಾನಾತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Anāgate ñāṇaṃ atthīti? Āmantā. Anāgataṃ hetupaccayataṃ jānāti, ārammaṇapaccayataṃ jānāti, adhipatipaccayataṃ jānāti, anantarapaccayataṃ jānāti, samanantarapaccayataṃ jānātīti? Na hevaṃ vattabbe…pe….
ಅನಾಗತೇ ಞಾಣಂ ಅತ್ಥೀತಿ? ಆಮನ್ತಾ। ಗೋತ್ರಭುನೋ ಪುಗ್ಗಲಸ್ಸ ಸೋತಾಪತ್ತಿಮಗ್ಗೇ ಞಾಣಂ ಅತ್ಥೀತಿ? ನ ಹೇವಂ ವತ್ತಬ್ಬೇ…ಪೇ॰…। ಸೋತಾಪತ್ತಿಫಲಸಚ್ಛಿಕಿರಿಯಾಯ ಪಟಿಪನ್ನಸ್ಸ ಪುಗ್ಗಲಸ್ಸ ಸೋತಾಪತ್ತಿಫಲೇ ಞಾಣಂ ಅತ್ಥೀತಿ? ನ ಹೇವಂ ವತ್ತಬ್ಬೇ…ಪೇ॰…।
Anāgate ñāṇaṃ atthīti? Āmantā. Gotrabhuno puggalassa sotāpattimagge ñāṇaṃ atthīti? Na hevaṃ vattabbe…pe…. Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti? Na hevaṃ vattabbe…pe….
ಸಕದಾಗಾಮಿ…ಪೇ॰… ಅನಾಗಾಮಿ …ಪೇ॰… ಅರಹತ್ತಸಚ್ಛಿಕಿರಿಯಾಯ ಪಟಿಪನ್ನಸ್ಸ ಪುಗ್ಗಲಸ್ಸ ಅರಹತ್ತೇ ಞಾಣಂ ಅತ್ಥೀತಿ? ನ ಹೇವಂ ವತ್ತಬ್ಬೇ…ಪೇ॰…।
Sakadāgāmi…pe… anāgāmi …pe… arahattasacchikiriyāya paṭipannassa puggalassa arahatte ñāṇaṃ atthīti? Na hevaṃ vattabbe…pe….
೪೪೦. ನ ವತ್ತಬ್ಬಂ – ‘‘ಅನಾಗತೇ ಞಾಣಂ ಅತ್ಥೀ’’ತಿ? ಆಮನ್ತಾ। ನನು ವುತ್ತಂ ಭಗವತಾ – ‘‘ಪಾಟಲಿಪುತ್ತಸ್ಸ ಖೋ, ಆನನ್ದ, ತಯೋ ಅನ್ತರಾಯಾ ಭವಿಸ್ಸನ್ತಿ – ಅಗ್ಗಿತೋ ವಾ ಉದಕತೋ ವಾ ಮಿಥುಭೇದಾ ವಾ’’ತಿ 1! ಅತ್ಥೇವ ಸುತ್ತನ್ತೋತಿ? ಆಮನ್ತಾ। ತೇನ ಹಿ ಅನಾಗತೇ ಞಾಣಂ ಅತ್ಥೀತಿ।
440. Na vattabbaṃ – ‘‘anāgate ñāṇaṃ atthī’’ti? Āmantā. Nanu vuttaṃ bhagavatā – ‘‘pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti 2! Attheva suttantoti? Āmantā. Tena hi anāgate ñāṇaṃ atthīti.
ಅನಾಗತಞಾಣಕಥಾ ನಿಟ್ಠಿತಾ।
Anāgatañāṇakathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೮. ಅನಾಗತಞಾಣಕಥಾವಣ್ಣನಾ • 8. Anāgatañāṇakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೮. ಅನಾಗತಞಾಣಕಥಾವಣ್ಣನಾ • 8. Anāgatañāṇakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೮. ಅನಾಗತಞಾಣಕಥಾವಣ್ಣನಾ • 8. Anāgatañāṇakathāvaṇṇanā
