| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༥. པཉྩམཝགྒོ
5. Pañcamavaggo
(༥༠) ༨. ཨནཱགཏཉཱཎཀཐཱ
(50) 8. Anāgatañāṇakathā
༤༣༩. ཨནཱགཏེ ཉཱཎཾ ཨཏྠཱིཏི? ཨཱམནྟཱ། ཨནཱགཏཾ མཱུལཏོ ཛཱནཱཏི, ཧེཏུཏོ ཛཱནཱཏི, ནིདཱནཏོ ཛཱནཱཏི, སམྦྷཝཏོ ཛཱནཱཏི, པབྷཝཏོ ཛཱནཱཏི, སམུཊྛཱནཏོ ཛཱནཱཏི, ཨཱཧཱརཏོ ཛཱནཱཏི , ཨཱརམྨཎཏོ ཛཱནཱཏི, པཙྩཡཏོ ཛཱནཱཏི, སམུདཡཏོ ཛཱནཱཏཱིཏི? ན ཧེཝཾ ཝཏྟབྦེ…པེ॰…།
439. Anāgate ñāṇaṃ atthīti? Āmantā. Anāgataṃ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti , ārammaṇato jānāti, paccayato jānāti, samudayato jānātīti? Na hevaṃ vattabbe…pe….
ཨནཱགཏེ ཉཱཎཾ ཨཏྠཱིཏི? ཨཱམནྟཱ། ཨནཱགཏཾ ཧེཏུཔཙྩཡཏཾ ཛཱནཱཏི, ཨཱརམྨཎཔཙྩཡཏཾ ཛཱནཱཏི, ཨདྷིཔཏིཔཙྩཡཏཾ ཛཱནཱཏི, ཨནནྟརཔཙྩཡཏཾ ཛཱནཱཏི, སམནནྟརཔཙྩཡཏཾ ཛཱནཱཏཱིཏི? ན ཧེཝཾ ཝཏྟབྦེ…པེ॰…།
Anāgate ñāṇaṃ atthīti? Āmantā. Anāgataṃ hetupaccayataṃ jānāti, ārammaṇapaccayataṃ jānāti, adhipatipaccayataṃ jānāti, anantarapaccayataṃ jānāti, samanantarapaccayataṃ jānātīti? Na hevaṃ vattabbe…pe….
ཨནཱགཏེ ཉཱཎཾ ཨཏྠཱིཏི? ཨཱམནྟཱ། གོཏྲབྷུནོ པུགྒལསྶ སོཏཱཔཏྟིམགྒེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ॰…། སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ སོཏཱཔཏྟིཕལེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ॰…།
Anāgate ñāṇaṃ atthīti? Āmantā. Gotrabhuno puggalassa sotāpattimagge ñāṇaṃ atthīti? Na hevaṃ vattabbe…pe…. Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti? Na hevaṃ vattabbe…pe….
སཀདཱགཱམི…པེ॰… ཨནཱགཱམི …པེ॰… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཨརཧཏྟེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ॰…།
Sakadāgāmi…pe… anāgāmi …pe… arahattasacchikiriyāya paṭipannassa puggalassa arahatte ñāṇaṃ atthīti? Na hevaṃ vattabbe…pe….
༤༤༠. ན ཝཏྟབྦཾ – ‘‘ཨནཱགཏེ ཉཱཎཾ ཨཏྠཱི’’ཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘པཱཊལིཔུཏྟསྶ ཁོ, ཨཱནནྡ, ཏཡོ ཨནྟརཱཡཱ བྷཝིསྶནྟི – ཨགྒིཏོ ཝཱ ཨུདཀཏོ ཝཱ མིཐུབྷེདཱ ཝཱ’’ཏི 1! ཨཏྠེཝ སུཏྟནྟོཏི? ཨཱམནྟཱ། ཏེན ཧི ཨནཱགཏེ ཉཱཎཾ ཨཏྠཱིཏི།
440. Na vattabbaṃ – ‘‘anāgate ñāṇaṃ atthī’’ti? Āmantā. Nanu vuttaṃ bhagavatā – ‘‘pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti 2! Attheva suttantoti? Āmantā. Tena hi anāgate ñāṇaṃ atthīti.
ཨནཱགཏཉཱཎཀཐཱ ནིཊྛིཏཱ།
Anāgatañāṇakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༨. ཨནཱགཏཉཱཎཀཐཱཝཎྞནཱ • 8. Anāgatañāṇakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༨. ཨནཱགཏཉཱཎཀཐཱཝཎྞནཱ • 8. Anāgatañāṇakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༨. ཨནཱགཏཉཱཎཀཐཱཝཎྞནཱ • 8. Anāgatañāṇakathāvaṇṇanā
