| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൫. പഞ്ചമവഗ്ഗോ
5. Pañcamavaggo
(൫൦) ൮. അനാഗതഞാണകഥാ
(50) 8. Anāgatañāṇakathā
൪൩൯. അനാഗതേ ഞാണം അത്ഥീതി? ആമന്താ. അനാഗതം മൂലതോ ജാനാതി, ഹേതുതോ ജാനാതി, നിദാനതോ ജാനാതി, സമ്ഭവതോ ജാനാതി, പഭവതോ ജാനാതി, സമുട്ഠാനതോ ജാനാതി, ആഹാരതോ ജാനാതി , ആരമ്മണതോ ജാനാതി, പച്ചയതോ ജാനാതി, സമുദയതോ ജാനാതീതി? ന ഹേവം വത്തബ്ബേ…പേ॰….
439. Anāgate ñāṇaṃ atthīti? Āmantā. Anāgataṃ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti , ārammaṇato jānāti, paccayato jānāti, samudayato jānātīti? Na hevaṃ vattabbe…pe….
അനാഗതേ ഞാണം അത്ഥീതി? ആമന്താ. അനാഗതം ഹേതുപച്ചയതം ജാനാതി, ആരമ്മണപച്ചയതം ജാനാതി, അധിപതിപച്ചയതം ജാനാതി, അനന്തരപച്ചയതം ജാനാതി, സമനന്തരപച്ചയതം ജാനാതീതി? ന ഹേവം വത്തബ്ബേ…പേ॰….
Anāgate ñāṇaṃ atthīti? Āmantā. Anāgataṃ hetupaccayataṃ jānāti, ārammaṇapaccayataṃ jānāti, adhipatipaccayataṃ jānāti, anantarapaccayataṃ jānāti, samanantarapaccayataṃ jānātīti? Na hevaṃ vattabbe…pe….
അനാഗതേ ഞാണം അത്ഥീതി? ആമന്താ. ഗോത്രഭുനോ പുഗ്ഗലസ്സ സോതാപത്തിമഗ്ഗേ ഞാണം അത്ഥീതി? ന ഹേവം വത്തബ്ബേ…പേ॰…. സോതാപത്തിഫലസച്ഛികിരിയായ പടിപന്നസ്സ പുഗ്ഗലസ്സ സോതാപത്തിഫലേ ഞാണം അത്ഥീതി? ന ഹേവം വത്തബ്ബേ…പേ॰….
Anāgate ñāṇaṃ atthīti? Āmantā. Gotrabhuno puggalassa sotāpattimagge ñāṇaṃ atthīti? Na hevaṃ vattabbe…pe…. Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti? Na hevaṃ vattabbe…pe….
സകദാഗാമി…പേ॰… അനാഗാമി …പേ॰… അരഹത്തസച്ഛികിരിയായ പടിപന്നസ്സ പുഗ്ഗലസ്സ അരഹത്തേ ഞാണം അത്ഥീതി? ന ഹേവം വത്തബ്ബേ…പേ॰….
Sakadāgāmi…pe… anāgāmi …pe… arahattasacchikiriyāya paṭipannassa puggalassa arahatte ñāṇaṃ atthīti? Na hevaṃ vattabbe…pe….
൪൪൦. ന വത്തബ്ബം – ‘‘അനാഗതേ ഞാണം അത്ഥീ’’തി? ആമന്താ. നനു വുത്തം ഭഗവതാ – ‘‘പാടലിപുത്തസ്സ ഖോ, ആനന്ദ, തയോ അന്തരായാ ഭവിസ്സന്തി – അഗ്ഗിതോ വാ ഉദകതോ വാ മിഥുഭേദാ വാ’’തി 1! അത്ഥേവ സുത്തന്തോതി? ആമന്താ. തേന ഹി അനാഗതേ ഞാണം അത്ഥീതി.
440. Na vattabbaṃ – ‘‘anāgate ñāṇaṃ atthī’’ti? Āmantā. Nanu vuttaṃ bhagavatā – ‘‘pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti 2! Attheva suttantoti? Āmantā. Tena hi anāgate ñāṇaṃ atthīti.
അനാഗതഞാണകഥാ നിട്ഠിതാ.
Anāgatañāṇakathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. അനാഗതഞാണകഥാവണ്ണനാ • 8. Anāgatañāṇakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. അനാഗതഞാണകഥാവണ്ണനാ • 8. Anāgatañāṇakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൮. അനാഗതഞാണകഥാവണ്ണനാ • 8. Anāgatañāṇakathāvaṇṇanā
