| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. анааг̇ад̇ан̃аан̣агат̇ааван̣н̣анаа
8. Anāgatañāṇakathāvaṇṇanā
439-440. ид̣̇аани анааг̇ад̇ан̃аан̣агат̇аа наама ход̇и. д̇ад̇т̇а анааг̇ад̇ам̣ наама анд̇арамби ад̇т̇и, ананд̇арамби. д̇зсу ананд̇арз зганд̇знзва н̃аан̣ам̣ над̇т̇и. яат̇аа жа ананд̇арз, д̇ат̇аа згавийт̇изгаж̇аванабарияаабаннзби. д̇ад̇т̇а яз саб̣б̣асмимби анааг̇ад̇з н̃аан̣ам̣ ижчанд̇и, сзяяат̇ааби анд̇хагаа; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яам̣ д̇з анааг̇ад̇з н̃аан̣ам̣, гим̣ д̇зна ананд̇арам̣ анааг̇ад̇ам̣ муулаад̣̇ивасзна ж̇аанаад̇ий’’д̇и жод̣̇зд̇ум̣ анааг̇ад̇ам̣ муулад̇од̇иаад̣̇имааха. д̇ад̇т̇а муулад̇од̇иаад̣̇ийни саб̣б̣аани гааран̣авзважанаанзва. гааран̣ан̃хи яам̣ ад̇д̇ано палам̣ гарод̇и, д̇ам̣ д̇ад̇т̇а муулаяад̇и бад̇идтаад̇ийд̇и муулам̣. д̇ад̇о жа д̇ам̣ хинод̇и бавад̇д̇аяад̇ийд̇и хзд̇у. д̇ад̣̇зва д̇ам̣ нид̣̇зд̇и ‘‘ханд̣̇а нам̣ г̇ан̣хат̇аа’’д̇и. нияяаад̇зд̇и вияаад̇и нид̣̇аанам̣. д̇ад̇о д̇ам̣ самбхавад̇ийд̇и самбхаво. бабхавад̇ийд̇и бабхаво. д̇ад̇т̇а жа д̇ам̣ самудтаад̇и, д̇ам̣ ваа нам̣ самудтаабзд̇ийд̇и самудтаанам̣. д̇ад̣̇зва нам̣ аахарад̇ийд̇и аахааро. д̇ан̃жасса абарижжаж̇ид̇аб̣б̣адтзна аарамман̣ам̣. д̇ад̣̇зва жзд̇ам̣ бадижжа зд̇ийд̇и бажжаяо. д̇ад̇о нам̣ самуд̣̇зд̇ийд̇и самуд̣̇аяод̇и вужжад̇и. яасмаа бана ананд̇арам̣ жид̇д̇ам̣ зд̇зхаагаарзхи на саггаа ж̇аанид̇ум̣, д̇асмаа на хзванд̇и бадигкибад̇и. анааг̇ад̇ам̣ хзд̇убажжаяад̇анд̇и яаа ананд̇араанааг̇ад̇з жид̇д̇з хзд̇убажжаяад̇аа, д̇ам̣ ж̇аанаад̇и. яз д̇ад̇т̇а д̇хаммаа хзд̇убажжаяаа хонд̇и, д̇з ж̇аанаад̇ийд̇и ад̇т̇о. сзсабад̣̇зсуби зсзва наяо. г̇од̇рабхунод̇иаад̣̇и яасмим̣ анааг̇ад̇з н̃аан̣ам̣ на уббаж̇ж̇ад̇и, д̇ам̣ саруубад̇о д̣̇ассзд̇ум̣ вуд̇д̇ам̣. баадалибуд̇д̇ассаад̇и суд̇д̇ам̣ яасмим̣ анааг̇ад̇з н̃аан̣ам̣ уббаж̇ж̇ад̇и, д̇ам̣ д̣̇ассзд̇ум̣ аахадам̣. яасмаа банзд̇ам̣ на саб̣б̣асмим̣ анааг̇ад̇з н̃аан̣асса саад̇хагам̣; д̇асмаа анаахадамзваад̇и.
439-440. Idāni anāgatañāṇakathā nāma hoti. Tattha anāgataṃ nāma antarampi atthi, anantarampi. Tesu anantare ekanteneva ñāṇaṃ natthi. Yathā ca anantare, tathā ekavīthiekajavanapariyāpannepi. Tattha ye sabbasmimpi anāgate ñāṇaṃ icchanti, seyyathāpi andhakā; te sandhāya pucchā sakavādissa, paṭiññā itarassa. Atha naṃ ‘‘yaṃ te anāgate ñāṇaṃ, kiṃ tena anantaraṃ anāgataṃ mūlādivasena jānātī’’ti codetuṃ anāgataṃ mūlatotiādimāha. Tattha mūlatotiādīni sabbāni kāraṇavevacanāneva. Kāraṇañhi yaṃ attano phalaṃ karoti, taṃ tattha mūlayati patiṭṭhātīti mūlaṃ. Tato ca taṃ hinoti pavattayatīti hetu. Tadeva taṃ nideti ‘‘handa naṃ gaṇhathā’’ti. Niyyāteti viyāti nidānaṃ. Tato taṃ sambhavatīti sambhavo. Pabhavatīti pabhavo. Tattha ca taṃ samuṭṭhāti, taṃ vā naṃ samuṭṭhāpetīti samuṭṭhānaṃ. Tadeva naṃ āharatīti āhāro. Tañcassa apariccajitabbaṭṭhena ārammaṇaṃ. Tadeva cetaṃ paṭicca etīti paccayo. Tato naṃ samudetīti samudayoti vuccati. Yasmā pana anantaraṃ cittaṃ etehākārehi na sakkā jānituṃ, tasmā na hevanti paṭikkhipati. Anāgataṃ hetupaccayatanti yā anantarānāgate citte hetupaccayatā, taṃ jānāti. Ye tattha dhammā hetupaccayā honti, te jānātīti attho. Sesapadesupi eseva nayo. Gotrabhunotiādi yasmiṃ anāgate ñāṇaṃ na uppajjati, taṃ sarūpato dassetuṃ vuttaṃ. Pāṭaliputtassāti suttaṃ yasmiṃ anāgate ñāṇaṃ uppajjati, taṃ dassetuṃ āhaṭaṃ. Yasmā panetaṃ na sabbasmiṃ anāgate ñāṇassa sādhakaṃ; tasmā anāhaṭamevāti.
анааг̇ад̇ан̃аан̣агат̇ааван̣н̣анаа.
Anāgatañāṇakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (50) 8. анааг̇ад̇ан̃аан̣агат̇аа • (50) 8. Anāgatañāṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. анааг̇ад̇ан̃аан̣агат̇ааван̣н̣анаа • 8. Anāgatañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. анааг̇ад̇ан̃аан̣агат̇ааван̣н̣анаа • 8. Anāgatañāṇakathāvaṇṇanā
