| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཨཱནནྡཨཙྪརིཡསུཏྟཾ
9. Ānandaacchariyasuttaṃ
༡༢༩. ‘‘ཙཏྟཱརོམེ, བྷིཀྑཝེ, ཨཙྪརིཡཱ ཨབྦྷུཏཱ དྷམྨཱ ཨཱནནྡེ། ཀཏམེ ཙཏྟཱརོ? སཙེ, བྷིཀྑཝེ, བྷིཀྑུཔརིསཱ ཨཱནནྡཾ དསྶནཱཡ ཨུཔསངྐམཏི, དསྶནེནཔི སཱ ཨཏྟམནཱ ཧོཏི། ཏཏྲ ཙེ ཨཱནནྡོ དྷམྨཾ བྷཱསཏི, བྷཱསིཏེནཔི སཱ ཨཏྟམནཱ ཧོཏི། ཨཏིཏྟཱཝ, བྷིཀྑཝེ, བྷིཀྑུཔརིསཱ ཧོཏི, ཨཐ ཨཱནནྡོ ཏུཎྷཱི བྷཝཏི།
129. ‘‘Cattārome, bhikkhave, acchariyā abbhutā dhammā ānande. Katame cattāro? Sace, bhikkhave, bhikkhuparisā ānandaṃ dassanāya upasaṅkamati, dassanenapi sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhuparisā hoti, atha ānando tuṇhī bhavati.
‘‘སཙེ, བྷིཀྑཝེ, བྷིཀྑུནིཔརིསཱ ཨཱནནྡཾ དསྶནཱཡ ཨུཔསངྐམཏི, དསྶནེནཔི སཱ ཨཏྟམནཱ ཧོཏི། ཏཏྠ ཙེ ཨཱནནྡོ དྷམྨཾ བྷཱསཏི, བྷཱསིཏེནཔི སཱ ཨཏྟམནཱ ཧོཏི། ཨཏིཏྟཱཝ, བྷིཀྑཝེ, བྷིཀྑུནིཔརིསཱ ཧོཏི, ཨཐ ཨཱནནྡོ ཏུཎྷཱི བྷཝཏི།
‘‘Sace, bhikkhave, bhikkhuniparisā ānandaṃ dassanāya upasaṅkamati, dassanenapi sā attamanā hoti. Tattha ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhuniparisā hoti, atha ānando tuṇhī bhavati.
‘‘སཙེ, བྷིཀྑཝེ, ཨུཔཱསཀཔརིསཱ ཨཱནནྡཾ དསྶནཱཡ ཨུཔསངྐམཏི, དསྶནེནཔི སཱ ཨཏྟམནཱ ཧོཏི། ཏཏྲ ཙེ ཨཱནནྡོ དྷམྨཾ བྷཱསཏི, བྷཱསིཏེནཔི སཱ ཨཏྟམནཱ ཧོཏི། ཨཏིཏྟཱཝ, བྷིཀྑཝེ, ཨུཔཱསཀཔརིསཱ ཧོཏི, ཨཐ ཨཱནནྡོ ཏུཎྷཱི བྷཝཏི།
‘‘Sace, bhikkhave, upāsakaparisā ānandaṃ dassanāya upasaṅkamati, dassanenapi sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, upāsakaparisā hoti, atha ānando tuṇhī bhavati.
‘‘སཙེ, བྷིཀྑཝེ, ཨུཔཱསིཀཱཔརིསཱ ཨཱནནྡཾ དསྶནཱཡ ཨུཔསངྐམཏི, དསྶནེནཔི སཱ ཨཏྟམནཱ ཧོཏི། ཏཏྲ ཙེ ཨཱནནྡོ དྷམྨཾ བྷཱསཏི, བྷཱསིཏེནཔི སཱ ཨཏྟམནཱ ཧོཏི། ཨཏིཏྟཱཝ, བྷིཀྑཝེ, ཨུཔཱསིཀཱཔརིསཱ ཧོཏི, ཨཐ ཨཱནནྡོ ཏུཎྷཱི བྷཝཏི། ཨིམེ ཁོ, བྷིཀྑཝེ, ཙཏྟཱརོ ཨཙྪརིཡཱ ཨབྦྷུཏཱ དྷམྨཱ ཨཱནནྡེ’’ཏི། ནཝམཾ།
‘‘Sace, bhikkhave, upāsikāparisā ānandaṃ dassanāya upasaṅkamati, dassanenapi sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, upāsikāparisā hoti, atha ānando tuṇhī bhavati. Ime kho, bhikkhave, cattāro acchariyā abbhutā dhammā ānande’’ti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. ཨཱནནྡཨཙྪརིཡསུཏྟཝཎྞནཱ • 9. Ānandaacchariyasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩-༡༠. ཨཱནནྡཨཙྪརིཡསུཏྟཱདིཝཎྞནཱ • 9-10. Ānandaacchariyasuttādivaṇṇanā
