| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. ஆனந்த³அச்ச²ரியஸுத்தவண்ணனா
9. Ānandaacchariyasuttavaṇṇanā
129. நவமே பி⁴க்கு²பரிஸா ஆனந்த³ங் த³ஸ்ஸனாயாதி யே ப⁴க³வந்தங் பஸ்ஸிதுகாமா தே²ரங் உபஸங்கமந்தி, யே வா ‘‘ஆயஸ்மா கிரானந்தோ³ ஸமந்தபாஸாதி³கோ அபி⁴ரூபோ த³ஸ்ஸனீயோ ப³ஹுஸ்ஸுதோ ஸங்க⁴ஸோப⁴னோ’’தி தே²ரஸ்ஸ கு³ணே ஸுத்வா ஆக³ச்ச²ந்தி, தே ஸந்தா⁴ய ‘‘பி⁴க்கு²பரிஸா ஆனந்த³ங் த³ஸ்ஸனாய உபஸங்கமதீ’’தி வுத்தங். ஏஸ நயோ ஸப்³ப³த்த². அத்தமனாதி ‘‘ஸவனேன நோ த³ஸ்ஸனங் ஸமேதீ’’தி ஸகமனா துட்ட²சித்தா. த⁴ம்மந்தி ‘‘கச்சி, ஆவுஸோ, க²மனீயங், கச்சி யாபனீயங், கச்சி யோனிஸோமனஸிகாரகம்மங் கரோத², ஆசரியுபஜ்ஜா²யவத்தங் பூரேதா²’’தி ஏவரூபங் படிஸந்தா²ரத⁴ம்மங். தத்த² பி⁴க்கு²னீஸு ‘‘கச்சி, ப⁴கி³னியோ, அட்ட² க³ருத⁴ம்மே ஸமாதா³ய வத்ததா²’’தி இத³ம்பி நானாகரணங் ஹோதி. உபாஸகேஸு ‘‘ஸ்வாக³தங், உபாஸக, ந தே கிஞ்சி ஸீஸங் வா அங்க³ங் வா ருஜ்ஜதி, அரோகா³ தே புத்தபா⁴தரோ’’தி ந ஏவங் படிஸந்தா²ரங் கரோதி, ஏவங் பன கரோதி – ‘‘கத²ங், உபாஸகா, தீணி ஸரணானி பஞ்ச ஸீலானி ரக்க²த², மாஸஸ்ஸ அட்ட² உபோஸதே² கரோத², மாதாபிதூனங் உபட்டா²னவத்தங் பூரேத², த⁴ம்மிகஸமணப்³ராஹ்மணே படிஜக்³க³தா²’’தி. உபாஸிகாஸுபி ஏஸேவ நயோ.
129. Navame bhikkhuparisā ānandaṃ dassanāyāti ye bhagavantaṃ passitukāmā theraṃ upasaṅkamanti, ye vā ‘‘āyasmā kirānando samantapāsādiko abhirūpo dassanīyo bahussuto saṅghasobhano’’ti therassa guṇe sutvā āgacchanti, te sandhāya ‘‘bhikkhuparisā ānandaṃ dassanāya upasaṅkamatī’’ti vuttaṃ. Esa nayo sabbattha. Attamanāti ‘‘savanena no dassanaṃ sametī’’ti sakamanā tuṭṭhacittā. Dhammanti ‘‘kacci, āvuso, khamanīyaṃ, kacci yāpanīyaṃ, kacci yonisomanasikārakammaṃ karotha, ācariyupajjhāyavattaṃ pūrethā’’ti evarūpaṃ paṭisanthāradhammaṃ. Tattha bhikkhunīsu ‘‘kacci, bhaginiyo, aṭṭha garudhamme samādāya vattathā’’ti idampi nānākaraṇaṃ hoti. Upāsakesu ‘‘svāgataṃ, upāsaka, na te kiñci sīsaṃ vā aṅgaṃ vā rujjati, arogā te puttabhātaro’’ti na evaṃ paṭisanthāraṃ karoti, evaṃ pana karoti – ‘‘kathaṃ, upāsakā, tīṇi saraṇāni pañca sīlāni rakkhatha, māsassa aṭṭha uposathe karotha, mātāpitūnaṃ upaṭṭhānavattaṃ pūretha, dhammikasamaṇabrāhmaṇe paṭijaggathā’’ti. Upāsikāsupi eseva nayo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஆனந்த³அச்ச²ரியஸுத்தங் • 9. Ānandaacchariyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9-10. ஆனந்த³அச்ச²ரியஸுத்தாதி³வண்ணனா • 9-10. Ānandaacchariyasuttādivaṇṇanā
