| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. аананд̣̇аажчарияасуд̇д̇аван̣н̣анаа
9. Ānandaacchariyasuttavaṇṇanā
129. навамз бхигкубарисаа аананд̣̇ам̣ д̣̇ассанааяаад̇и яз бхаг̇аванд̇ам̣ бассид̇угаамаа т̇зрам̣ убасан̇гаманд̇и, яз ваа ‘‘ааяасмаа гираананд̣̇о саманд̇абаасаад̣̇иго абхируубо д̣̇ассанийяо б̣ахуссуд̇о сан̇гхасобхано’’д̇и т̇зрасса г̇ун̣з суд̇ваа ааг̇ажчанд̇и, д̇з санд̇хааяа ‘‘бхигкубарисаа аананд̣̇ам̣ д̣̇ассанааяа убасан̇гамад̇ий’’д̇и вуд̇д̇ам̣. зса наяо саб̣б̣ад̇т̇а. ад̇д̇аманаад̇и ‘‘саванзна но д̣̇ассанам̣ самзд̇ий’’д̇и сагаманаа д̇удтажид̇д̇аа. д̇хамманд̇и ‘‘гажжи, аавусо, каманийяам̣, гажжи яаабанийяам̣, гажжи яонисоманасигаарагаммам̣ гарот̇а, аажарияубаж̇жхааяавад̇д̇ам̣ буурзт̇аа’’д̇и зваруубам̣ бадисант̇аарад̇хаммам̣. д̇ад̇т̇а бхигкунийсу ‘‘гажжи, бхаг̇инияо, адта г̇аруд̇хаммз самаад̣̇ааяа вад̇д̇ат̇аа’’д̇и ид̣̇амби наанаагаран̣ам̣ ход̇и. убаасагзсу ‘‘свааг̇ад̇ам̣, убаасага, на д̇з гин̃жи сийсам̣ ваа ан̇г̇ам̣ ваа руж̇ж̇ад̇и, арог̇аа д̇з буд̇д̇абхаад̇аро’’д̇и на звам̣ бадисант̇аарам̣ гарод̇и, звам̣ бана гарод̇и – ‘‘гат̇ам̣, убаасагаа, д̇ийн̣и саран̣аани бан̃жа сийлаани рагкат̇а, маасасса адта убосат̇з гарот̇а, маад̇аабид̇уунам̣ убадтаанавад̇д̇ам̣ буурзт̇а, д̇хаммигасаман̣аб̣раахман̣з бадиж̇аг̇г̇ат̇аа’’д̇и. убаасигаасуби зсзва наяо.
129. Navame bhikkhuparisā ānandaṃ dassanāyāti ye bhagavantaṃ passitukāmā theraṃ upasaṅkamanti, ye vā ‘‘āyasmā kirānando samantapāsādiko abhirūpo dassanīyo bahussuto saṅghasobhano’’ti therassa guṇe sutvā āgacchanti, te sandhāya ‘‘bhikkhuparisā ānandaṃ dassanāya upasaṅkamatī’’ti vuttaṃ. Esa nayo sabbattha. Attamanāti ‘‘savanena no dassanaṃ sametī’’ti sakamanā tuṭṭhacittā. Dhammanti ‘‘kacci, āvuso, khamanīyaṃ, kacci yāpanīyaṃ, kacci yonisomanasikārakammaṃ karotha, ācariyupajjhāyavattaṃ pūrethā’’ti evarūpaṃ paṭisanthāradhammaṃ. Tattha bhikkhunīsu ‘‘kacci, bhaginiyo, aṭṭha garudhamme samādāya vattathā’’ti idampi nānākaraṇaṃ hoti. Upāsakesu ‘‘svāgataṃ, upāsaka, na te kiñci sīsaṃ vā aṅgaṃ vā rujjati, arogā te puttabhātaro’’ti na evaṃ paṭisanthāraṃ karoti, evaṃ pana karoti – ‘‘kathaṃ, upāsakā, tīṇi saraṇāni pañca sīlāni rakkhatha, māsassa aṭṭha uposathe karotha, mātāpitūnaṃ upaṭṭhānavattaṃ pūretha, dhammikasamaṇabrāhmaṇe paṭijaggathā’’ti. Upāsikāsupi eseva nayo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. аананд̣̇аажчарияасуд̇д̇ам̣ • 9. Ānandaacchariyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. аананд̣̇аажчарияасуд̇д̇аад̣̇иван̣н̣анаа • 9-10. Ānandaacchariyasuttādivaṇṇanā
