| Library / Tipiṭaka / তিপিটক • Tipiṭaka / মজ্ঝিমনিকায (টীকা) • Majjhimanikāya (ṭīkā) |
২. আনন্দভদ্দেকরত্তসুত্তৰণ্ণনা
2. Ānandabhaddekarattasuttavaṇṇanā
২৭৬. বহিদ্ধা পুথুত্তারম্মণতো নিৰত্তেত্ৰা একস্মিংযেৰ আরম্মণে চিত্তস্স সম্মদেৰ লযনং অপ্পনং পটিসল্লানং, যো কোচি সমাপত্তিৰিহারো, ইধ পন অরিযৰিহারো অধিপ্পেতোতি আহ – ‘‘পটিসল্লানা ৰুট্ঠিতো’’তিআদি। জানন্তোৰ ভগৰা কথাসমুট্ঠাপনত্থং পুচ্ছি। ৰুত্তঞ্হেতং – ‘‘জানন্তাপি তথাগতা পুচ্ছন্তি, জানন্তাপি ন পুচ্ছন্তী’’তিআদি (পারা॰ ১৬)।
276. Bahiddhā puthuttārammaṇato nivattetvā ekasmiṃyeva ārammaṇe cittassa sammadeva layanaṃ appanaṃ paṭisallānaṃ, yo koci samāpattivihāro, idha pana ariyavihāro adhippetoti āha – ‘‘paṭisallānā vuṭṭhito’’tiādi. Jānantova bhagavā kathāsamuṭṭhāpanatthaṃ pucchi. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi (pārā. 16).
২৭৮. সাধুকারমদাসীতি সাধুসদ্দং সাৰেসি। তং পন পসংসা হোতীতি পসংসত্থো সাধুসদ্দো। তেনাহ ‘‘দেসনং পসংসন্তো’’তি। ৰিজ্জমানেহি ৰণ্ণেহি গুণৰন্তে উদগ্গতাকরণং সম্পহংসনং, কেৰলং গুণসংকিত্তনৰসেন থোমনা পসংসাতি অযমেতেসং ৰিসেসো।
278.Sādhukāramadāsīti sādhusaddaṃ sāvesi. Taṃ pana pasaṃsā hotīti pasaṃsattho sādhusaddo. Tenāha ‘‘desanaṃ pasaṃsanto’’ti. Vijjamānehi vaṇṇehi guṇavante udaggatākaraṇaṃ sampahaṃsanaṃ, kevalaṃ guṇasaṃkittanavasena thomanā pasaṃsāti ayametesaṃ viseso.
আনন্দভদ্দেকরত্তসুত্তৰণ্ণনায লীনত্থপ্পকাসনা সমত্তা।
Ānandabhaddekarattasuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / মজ্ঝিমনিকায • Majjhimanikāya / ২. আনন্দভদ্দেকরত্তসুত্তং • 2. Ānandabhaddekarattasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / মজ্ঝিমনিকায (অট্ঠকথা) • Majjhimanikāya (aṭṭhakathā) / ২. আনন্দভদ্দেকরত্তসুত্তৰণ্ণনা • 2. Ānandabhaddekarattasuttavaṇṇanā
