| Library / Tipiṭaka / ติปิฎก • Tipiṭaka / มชฺฌิมนิกาย (ฎีกา) • Majjhimanikāya (ṭīkā) |
๒. อานนฺทภเทฺทกรตฺตสุตฺตวณฺณนา
2. Ānandabhaddekarattasuttavaṇṇanā
๒๗๖. พหิทฺธา ปุถุตฺตารมฺมณโต นิวเตฺตตฺวา เอกสฺมิํเยว อารมฺมเณ จิตฺตสฺส สมฺมเทว ลยนํ อปฺปนํ ปฎิสลฺลานํ, โย โกจิ สมาปตฺติวิหาโร, อิธ ปน อริยวิหาโร อธิเปฺปโตติ อาห – ‘‘ปฎิสลฺลานา วุฎฺฐิโต’’ติอาทิฯ ชานโนฺตว ภควา กถาสมุฎฺฐาปนตฺถํ ปุจฺฉิฯ วุตฺตเญฺหตํ – ‘‘ชานนฺตาปิ ตถาคตา ปุจฺฉนฺติ, ชานนฺตาปิ น ปุจฺฉนฺตี’’ติอาทิ (ปารา. ๑๖)ฯ
276. Bahiddhā puthuttārammaṇato nivattetvā ekasmiṃyeva ārammaṇe cittassa sammadeva layanaṃ appanaṃ paṭisallānaṃ, yo koci samāpattivihāro, idha pana ariyavihāro adhippetoti āha – ‘‘paṭisallānā vuṭṭhito’’tiādi. Jānantova bhagavā kathāsamuṭṭhāpanatthaṃ pucchi. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi (pārā. 16).
๒๗๘. สาธุการมทาสีติ สาธุสทฺทํ สาเวสิฯ ตํ ปน ปสํสา โหตีติ ปสํสโตฺถ สาธุสโทฺทฯ เตนาห ‘‘เทสนํ ปสํสโนฺต’’ติฯ วิชฺชมาเนหิ วเณฺณหิ คุณวเนฺต อุทคฺคตากรณํ สมฺปหํสนํ, เกวลํ คุณสํกิตฺตนวเสน โถมนา ปสํสาติ อยเมเตสํ วิเสโสฯ
278.Sādhukāramadāsīti sādhusaddaṃ sāvesi. Taṃ pana pasaṃsā hotīti pasaṃsattho sādhusaddo. Tenāha ‘‘desanaṃ pasaṃsanto’’ti. Vijjamānehi vaṇṇehi guṇavante udaggatākaraṇaṃ sampahaṃsanaṃ, kevalaṃ guṇasaṃkittanavasena thomanā pasaṃsāti ayametesaṃ viseso.
อานนฺทภเทฺทกรตฺตสุตฺตวณฺณนาย ลีนตฺถปฺปกาสนา สมตฺตาฯ
Ānandabhaddekarattasuttavaṇṇanāya līnatthappakāsanā samattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / มชฺฌิมนิกาย • Majjhimanikāya / ๒. อานนฺทภเทฺทกรตฺตสุตฺตํ • 2. Ānandabhaddekarattasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / มชฺฌิมนิกาย (อฎฺฐกถา) • Majjhimanikāya (aṭṭhakathā) / ๒. อานนฺทภเทฺทกรตฺตสุตฺตวณฺณนา • 2. Ānandabhaddekarattasuttavaṇṇanā
