| Library / Tipiṭaka / ತಿಪಿಟಕ • Tipiṭaka / ಮಜ್ಝಿಮನಿಕಾಯ (ಟೀಕಾ) • Majjhimanikāya (ṭīkā) |
೨. ಆನನ್ದಭದ್ದೇಕರತ್ತಸುತ್ತವಣ್ಣನಾ
2. Ānandabhaddekarattasuttavaṇṇanā
೨೭೬. ಬಹಿದ್ಧಾ ಪುಥುತ್ತಾರಮ್ಮಣತೋ ನಿವತ್ತೇತ್ವಾ ಏಕಸ್ಮಿಂಯೇವ ಆರಮ್ಮಣೇ ಚಿತ್ತಸ್ಸ ಸಮ್ಮದೇವ ಲಯನಂ ಅಪ್ಪನಂ ಪಟಿಸಲ್ಲಾನಂ, ಯೋ ಕೋಚಿ ಸಮಾಪತ್ತಿವಿಹಾರೋ, ಇಧ ಪನ ಅರಿಯವಿಹಾರೋ ಅಧಿಪ್ಪೇತೋತಿ ಆಹ – ‘‘ಪಟಿಸಲ್ಲಾನಾ ವುಟ್ಠಿತೋ’’ತಿಆದಿ। ಜಾನನ್ತೋವ ಭಗವಾ ಕಥಾಸಮುಟ್ಠಾಪನತ್ಥಂ ಪುಚ್ಛಿ। ವುತ್ತಞ್ಹೇತಂ – ‘‘ಜಾನನ್ತಾಪಿ ತಥಾಗತಾ ಪುಚ್ಛನ್ತಿ, ಜಾನನ್ತಾಪಿ ನ ಪುಚ್ಛನ್ತೀ’’ತಿಆದಿ (ಪಾರಾ॰ ೧೬)।
276. Bahiddhā puthuttārammaṇato nivattetvā ekasmiṃyeva ārammaṇe cittassa sammadeva layanaṃ appanaṃ paṭisallānaṃ, yo koci samāpattivihāro, idha pana ariyavihāro adhippetoti āha – ‘‘paṭisallānā vuṭṭhito’’tiādi. Jānantova bhagavā kathāsamuṭṭhāpanatthaṃ pucchi. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi (pārā. 16).
೨೭೮. ಸಾಧುಕಾರಮದಾಸೀತಿ ಸಾಧುಸದ್ದಂ ಸಾವೇಸಿ। ತಂ ಪನ ಪಸಂಸಾ ಹೋತೀತಿ ಪಸಂಸತ್ಥೋ ಸಾಧುಸದ್ದೋ। ತೇನಾಹ ‘‘ದೇಸನಂ ಪಸಂಸನ್ತೋ’’ತಿ। ವಿಜ್ಜಮಾನೇಹಿ ವಣ್ಣೇಹಿ ಗುಣವನ್ತೇ ಉದಗ್ಗತಾಕರಣಂ ಸಮ್ಪಹಂಸನಂ, ಕೇವಲಂ ಗುಣಸಂಕಿತ್ತನವಸೇನ ಥೋಮನಾ ಪಸಂಸಾತಿ ಅಯಮೇತೇಸಂ ವಿಸೇಸೋ।
278.Sādhukāramadāsīti sādhusaddaṃ sāvesi. Taṃ pana pasaṃsā hotīti pasaṃsattho sādhusaddo. Tenāha ‘‘desanaṃ pasaṃsanto’’ti. Vijjamānehi vaṇṇehi guṇavante udaggatākaraṇaṃ sampahaṃsanaṃ, kevalaṃ guṇasaṃkittanavasena thomanā pasaṃsāti ayametesaṃ viseso.
ಆನನ್ದಭದ್ದೇಕರತ್ತಸುತ್ತವಣ್ಣನಾಯ ಲೀನತ್ಥಪ್ಪಕಾಸನಾ ಸಮತ್ತಾ।
Ānandabhaddekarattasuttavaṇṇanāya līnatthappakāsanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಮಜ್ಝಿಮನಿಕಾಯ • Majjhimanikāya / ೨. ಆನನ್ದಭದ್ದೇಕರತ್ತಸುತ್ತಂ • 2. Ānandabhaddekarattasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಮಜ್ಝಿಮನಿಕಾಯ (ಅಟ್ಠಕಥಾ) • Majjhimanikāya (aṭṭhakathā) / ೨. ಆನನ್ದಭದ್ದೇಕರತ್ತಸುತ್ತವಣ್ಣನಾ • 2. Ānandabhaddekarattasuttavaṇṇanā
