| Library / Tipiṭaka / තිපිටක • Tipiṭaka / මජ්‌ඣිමනිකාය (ටීකා) • Majjhimanikāya (ṭīkā) |
2. ආනන්‌දභද්‌දෙකරත්‌තසුත්‌තවණ්‌ණනා
2. Ānandabhaddekarattasuttavaṇṇanā
276. බහිද්‌ධා පුථුත්‌තාරම්‌මණතො නිවත්‌තෙත්‌වා එකස්‌මිංයෙව ආරම්‌මණෙ චිත්‌තස්‌ස සම්‌මදෙව ලයනං අප්‌පනං පටිසල්‌ලානං, යො කොචි සමාපත්‌තිවිහාරො, ඉධ පන අරියවිහාරො අධිප්‌පෙතොති ආහ – ‘‘පටිසල්‌ලානා වුට්‌ඨිතො’’තිආදි. ජානන්‌තොව භගවා කථාසමුට්‌ඨාපනත්‌ථං පුච්‌ඡි. වුත්‌තඤ්‌හෙතං – ‘‘ජානන්‌තාපි තථාගතා පුච්‌ඡන්‌ති, ජානන්‌තාපි න පුච්‌ඡන්‌තී’’තිආදි (පාරා. 16).
276. Bahiddhā puthuttārammaṇato nivattetvā ekasmiṃyeva ārammaṇe cittassa sammadeva layanaṃ appanaṃ paṭisallānaṃ, yo koci samāpattivihāro, idha pana ariyavihāro adhippetoti āha – ‘‘paṭisallānā vuṭṭhito’’tiādi. Jānantova bhagavā kathāsamuṭṭhāpanatthaṃ pucchi. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi (pārā. 16).
278. සාධුකාරමදාසීති සාධුසද්‌දං සාවෙසි. තං පන පසංසා හොතීති පසංසත්‌ථො සාධුසද්‌දො. තෙනාහ ‘‘දෙසනං පසංසන්‌තො’’ති. විජ්‌ජමානෙහි වණ්‌ණෙහි ගුණවන්‌තෙ උදග්‌ගතාකරණං සම්‌පහංසනං, කෙවලං ගුණසංකිත්‌තනවසෙන ථොමනා පසංසාති අයමෙතෙසං විසෙසො.
278.Sādhukāramadāsīti sādhusaddaṃ sāvesi. Taṃ pana pasaṃsā hotīti pasaṃsattho sādhusaddo. Tenāha ‘‘desanaṃ pasaṃsanto’’ti. Vijjamānehi vaṇṇehi guṇavante udaggatākaraṇaṃ sampahaṃsanaṃ, kevalaṃ guṇasaṃkittanavasena thomanā pasaṃsāti ayametesaṃ viseso.
ආනන්‌දභද්‌දෙකරත්‌තසුත්‌තවණ්‌ණනාය ලීනත්‌ථප්‌පකාසනා සමත්‌තා.
Ānandabhaddekarattasuttavaṇṇanāya līnatthappakāsanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / මජ්‌ඣිමනිකාය • Majjhimanikāya / 2. ආනන්‌දභද්‌දෙකරත්‌තසුත්‌තං • 2. Ānandabhaddekarattasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / මජ්‌ඣිමනිකාය (අට්‌ඨකථා) • Majjhimanikāya (aṭṭhakathā) / 2. ආනන්‌දභද්‌දෙකරත්‌තසුත්‌තවණ්‌ණනා • 2. Ānandabhaddekarattasuttavaṇṇanā
