| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5-6. аананд̣̇асуд̇д̇аад̣̇иван̣н̣анаа
5-6. Ānandasuttādivaṇṇanā
37-38. бан̃жамз тид̇асса ан̃н̃ат̇ад̇д̇ам̣ бан̃н̃ааяад̇ийд̇и д̇харамаанасса ж̇ийвамаанасса ж̇араа бан̃н̃ааяад̇и. тид̇ийд̇и хи ж̇ийвид̇инд̣̇рияасан̇каад̇ааяа анубааланааяа наамам̣. ан̃н̃ат̇ад̇д̇анд̇и ж̇арааяа. д̇знааху бораан̣аа –
37-38. Pañcame ṭhitassa aññathattaṃ paññāyatīti dharamānassa jīvamānassa jarā paññāyati. Ṭhitīti hi jīvitindriyasaṅkhātāya anupālanāya nāmaṃ. Aññathattanti jarāya. Tenāhu porāṇā –
‘‘уббаад̣̇о ж̇аад̇и агкаад̇о, бхан̇г̇о вуд̇д̇о ваяод̇и жа;
‘‘Uppādo jāti akkhāto, bhaṅgo vutto vayoti ca;
ан̃н̃ат̇ад̇д̇ам̣ ж̇араа вуд̇д̇аа, тид̇ий жа анубааланаа’’д̇и.
Aññathattaṃ jarā vuttā, ṭhitī ca anupālanā’’ti.
звам̣ згзгасса канд̇хасса уббаад̣̇аж̇араабхан̇г̇асан̇каад̇аани д̇ийн̣и лагкан̣аани хонд̇и яаани санд̇хааяа вуд̇д̇ам̣ ‘‘д̇ийн̣имаани, бхигкавз, сан̇кад̇асса сан̇кад̇алагкан̣ааний’’д̇и (а. ни. 3.47).
Evaṃ ekekassa khandhassa uppādajarābhaṅgasaṅkhātāni tīṇi lakkhaṇāni honti yāni sandhāya vuttaṃ ‘‘tīṇimāni, bhikkhave, saṅkhatassa saṅkhatalakkhaṇānī’’ti (a. ni. 3.47).
д̇ад̇т̇а сан̇кад̇ам̣ наама бажжаяаниб̣б̣ад̇д̇о яо гожи сан̇кааро. сан̇кааро жа на лагкан̣ам̣, лагкан̣ам̣ на сан̇кааро, на жа сан̇каарзна винаа лагкан̣ам̣ бан̃н̃аабзд̇ум̣ саггаа, нааби лагкан̣ам̣ винаа сан̇кааро, лагкан̣зна бана сан̇кааро баагадо ход̇и. яат̇аа хи на жа г̇аавийязва лагкан̣ам̣, лагкан̣амзва на г̇аавий, нааби г̇аавим̣ мун̃жид̇ваа лагкан̣ам̣ бан̃н̃аабзд̇ум̣ саггаа, нааби лагкан̣ам̣ мун̃жид̇ваа г̇аавим̣, лагкан̣зна бана г̇аавий баагадаа ход̇и, звам̣самбад̣̇амид̣̇ам̣ взд̣̇ид̇аб̣б̣ам̣.
Tattha saṅkhataṃ nāma paccayanibbatto yo koci saṅkhāro. Saṅkhāro ca na lakkhaṇaṃ, lakkhaṇaṃ na saṅkhāro, na ca saṅkhārena vinā lakkhaṇaṃ paññāpetuṃ sakkā, nāpi lakkhaṇaṃ vinā saṅkhāro, lakkhaṇena pana saṅkhāro pākaṭo hoti. Yathā hi na ca gāvīyeva lakkhaṇaṃ, lakkhaṇameva na gāvī, nāpi gāviṃ muñcitvā lakkhaṇaṃ paññāpetuṃ sakkā, nāpi lakkhaṇaṃ muñcitvā gāviṃ, lakkhaṇena pana gāvī pākaṭā hoti, evaṃsampadamidaṃ veditabbaṃ.
д̇ад̇т̇а сан̇каараанам̣ уббаад̣̇агкан̣з сан̇каароби уббаад̣̇алагкан̣амби гааласан̇каад̇о д̇асса кан̣оби бан̃н̃ааяад̇и. ‘‘уббаад̣̇обий’’д̇и вуд̇д̇з сан̇каароби ж̇араалагкан̣амби гааласан̇каад̇о д̇асса кан̣оби бан̃н̃ааяад̇и. бхан̇г̇агкан̣з сан̇каароби д̇ам̣лагкан̣амби гааласан̇каад̇о д̇асса кан̣оби бан̃н̃ааяад̇и. абарз бана вад̣̇анд̇и ‘‘аруубад̇хаммаанам̣ ж̇араакан̣о наама на саггаа бан̃н̃аабзд̇ум̣, саммаасамб̣уд̣̇д̇хо жа ‘взд̣̇анааяа уббаад̣̇о бан̃н̃ааяад̇и, ваяо бан̃н̃ааяад̇и, тид̇ааяа ан̃н̃ат̇ад̇д̇ам̣ бан̃н̃ааяад̇ий’д̇и вад̣̇анд̇о аруубад̇хаммаанамби д̇ийн̣и лагкан̣аани бан̃н̃аабзд̇и, д̇аани ад̇т̇игкан̣ам̣ убаад̣̇ааяа лаб̣бханд̇ий’’д̇и вад̇ваа –
Tattha saṅkhārānaṃ uppādakkhaṇe saṅkhāropi uppādalakkhaṇampi kālasaṅkhāto tassa khaṇopi paññāyati. ‘‘Uppādopī’’ti vutte saṅkhāropi jarālakkhaṇampi kālasaṅkhāto tassa khaṇopi paññāyati. Bhaṅgakkhaṇe saṅkhāropi taṃlakkhaṇampi kālasaṅkhāto tassa khaṇopi paññāyati. Apare pana vadanti ‘‘arūpadhammānaṃ jarākhaṇo nāma na sakkā paññāpetuṃ, sammāsambuddho ca ‘vedanāya uppādo paññāyati, vayo paññāyati, ṭhitāya aññathattaṃ paññāyatī’ti vadanto arūpadhammānampi tīṇi lakkhaṇāni paññāpeti, tāni atthikkhaṇaṃ upādāya labbhantī’’ti vatvā –
‘‘ад̇т̇ид̇аа саб̣б̣ад̇хаммаанам̣, тид̇и наама бавужжад̇и;
‘‘Atthitā sabbadhammānaṃ, ṭhiti nāma pavuccati;
д̇ассзва бхзд̣̇о маран̣ам̣, саб̣б̣ад̣̇аа саб̣б̣абаан̣ина’’нд̇и. –
Tasseva bhedo maraṇaṃ, sabbadā sabbapāṇina’’nti. –
имааяа аажарияаг̇аат̇ааяа д̇амад̇т̇ам̣ саад̇хзнд̇и. ат̇а ваа санд̇ад̇ивасзна таанам̣ тид̇ийд̇и взд̣̇ид̇аб̣б̣анд̇и жа вад̣̇анд̇и. яасмаа бана суд̇д̇з аяам̣ висзсо над̇т̇и, д̇асмаа аажарияамад̇ияаа суд̇д̇ам̣ абадиб̣аахзд̇ваа суд̇д̇амзва бамаан̣ам̣ гад̇д̇аб̣б̣ам̣. чадтам̣ уд̇д̇аанамзва. бан̃жамачадтаани.
Imāya ācariyagāthāya tamatthaṃ sādhenti. Atha vā santativasena ṭhānaṃ ṭhitīti veditabbanti ca vadanti. Yasmā pana sutte ayaṃ viseso natthi, tasmā ācariyamatiyā suttaṃ apaṭibāhetvā suttameva pamāṇaṃ kattabbaṃ. Chaṭṭhaṃ uttānameva. Pañcamachaṭṭhāni.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
5. аананд̣̇асуд̇д̇ам̣ • 5. Ānandasuttaṃ
6. д̣̇уд̇ияааананд̣̇асуд̇д̇ам̣ • 6. Dutiyaānandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. аананд̣̇асуд̇д̇аад̣̇иван̣н̣анаа • 5-6. Ānandasuttādivaṇṇanā
