| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. আনন্দসুত্তং
5. Ānandasuttaṃ
২২৫. একং সমযং আযস্মা আনন্দো কোসলেসু ৰিহরতি অঞ্ঞতরস্মিং ৰনসণ্ডে। তেন খো পন সমযেন আযস্মা আনন্দো অতিৰেলং গিহিসঞ্ঞত্তিবহুলো ৰিহরতি। অথ খো যা তস্মিং ৰনসণ্ডে অধিৰত্থা দেৰতা আযস্মতো আনন্দস্স অনুকম্পিকা অত্থকামা আযস্মন্তং আনন্দং সংৰেজেতুকামা যেনাযস্মা আনন্দো তেনুপসঙ্কমি; উপসঙ্কমিত্ৰা আযস্মন্তং আনন্দং গাথায অজ্ঝভাসি –
225. Ekaṃ samayaṃ āyasmā ānando kosalesu viharati aññatarasmiṃ vanasaṇḍe. Tena kho pana samayena āyasmā ānando ativelaṃ gihisaññattibahulo viharati. Atha kho yā tasmiṃ vanasaṇḍe adhivatthā devatā āyasmato ānandassa anukampikā atthakāmā āyasmantaṃ ānandaṃ saṃvejetukāmā yenāyasmā ānando tenupasaṅkami; upasaṅkamitvā āyasmantaṃ ānandaṃ gāthāya ajjhabhāsi –
‘‘রুক্খমূলগহনং পসক্কিয, নিব্বানং হদযস্মিং ওপিয।
‘‘Rukkhamūlagahanaṃ pasakkiya, nibbānaṃ hadayasmiṃ opiya;
ঝা গোতম মা পমাদো 1, কিং তে বিল়িবিল়িকা করিস্সতী’’তি॥
Jhā gotama mā pamādo 2, kiṃ te biḷibiḷikā karissatī’’ti.
অথ খো আযস্মা আনন্দো তায দেৰতায সংৰেজিতো সংৰেগমাপাদীতি।
Atha kho āyasmā ānando tāya devatāya saṃvejito saṃvegamāpādīti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. আনন্দসুত্তৰণ্ণনা • 5. Ānandasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. আনন্দসুত্তৰণ্ণনা • 5. Ānandasuttavaṇṇanā
