| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. аананд̣̇асуд̇д̇ам̣
9. Ānandasuttaṃ
51. ат̇а ко ааяасмаа аананд̣̇о язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о ааяасманд̇ам̣ саарибуд̇д̇ам̣ зд̇ад̣̇авожа –
51. Atha kho āyasmā ānando yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā ānando āyasmantaṃ sāriputtaṃ etadavoca –
‘‘гид̇д̇аавад̇аа ну ко, аавусо саарибуд̇д̇а, бхигку ассуд̇ан̃жзва д̇хаммам̣ сун̣аад̇и, суд̇аа жасса д̇хаммаа на саммосам̣ г̇ажчанд̇и, яз жасса д̇хаммаа буб̣б̣з жзд̇асаа сампудтабуб̣б̣аа д̇з жа самуд̣̇аажаранд̇и, авин̃н̃аад̇ан̃жа виж̇аанаад̇ий’’д̇и? ‘‘ааяасмаа ко аананд̣̇о б̣ахуссуд̇о. бадибхаад̇у ааяасманд̇ам̣язва аананд̣̇а’’нд̇и. ‘‘д̇знахаавусо саарибуд̇д̇а, сун̣аахи, саад̇хугам̣ манаси гарохи; бхаасиссаамий’’д̇и . ‘‘звамаавусо’’д̇и ко ааяасмаа саарибуд̇д̇о ааяасмад̇о аананд̣̇асса бажжассоси. ааяасмаа аананд̣̇о зд̇ад̣̇авожа –
‘‘Kittāvatā nu kho, āvuso sāriputta, bhikkhu assutañceva dhammaṃ suṇāti, sutā cassa dhammā na sammosaṃ gacchanti, ye cassa dhammā pubbe cetasā samphuṭṭhapubbā te ca samudācaranti, aviññātañca vijānātī’’ti? ‘‘Āyasmā kho ānando bahussuto. Paṭibhātu āyasmantaṃyeva ānanda’’nti. ‘‘Tenahāvuso sāriputta, suṇāhi, sādhukaṃ manasi karohi; bhāsissāmī’’ti . ‘‘Evamāvuso’’ti kho āyasmā sāriputto āyasmato ānandassa paccassosi. Āyasmā ānando etadavoca –
‘‘ид̇хаавусо саарибуд̇д̇а, бхигку д̇хаммам̣ барияаабун̣аад̇и – суд̇д̇ам̣ г̇зяяам̣ взяяаагаран̣ам̣ г̇аат̇ам̣ уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣. со яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ ваажзд̇и, яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и, яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и. яасмим̣ ааваасз т̇зраа бхигкуу вихаранд̇и б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа д̇асмим̣ ааваасз вассам̣ убзд̇и. д̇з гаалзна гаалам̣ убасан̇гамид̇ваа барибужчад̇и барибан̃хад̇и – ‘ид̣̇ам̣, бханд̇з, гат̇ам̣; имасса гвад̇т̇о’д̇и? д̇з д̇асса ааяасмад̇о авивадан̃жзва виваранд̇и, ануд̇д̇аанийгад̇ан̃жа уд̇д̇аанийгаронд̇и, анзгавихид̇зсу жа ган̇каатааниязсу д̇хаммзсу ган̇кам̣ бадивинод̣̇знд̇и. зд̇д̇аавад̇аа ко, аавусо саарибуд̇д̇а, бхигку ассуд̇ан̃жзва д̇хаммам̣ сун̣аад̇и, суд̇аа жасса д̇хаммаа на саммосам̣ г̇ажчанд̇и, яз жасса д̇хаммаа буб̣б̣з жзд̇асаа сампудтабуб̣б̣аа д̇з жа самуд̣̇аажаранд̇и, авин̃н̃аад̇ан̃жа виж̇аанаад̇ий’’д̇и.
‘‘Idhāvuso sāriputta, bhikkhu dhammaṃ pariyāpuṇāti – suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ vedallaṃ. So yathāsutaṃ yathāpariyattaṃ dhammaṃ vitthārena paresaṃ deseti, yathāsutaṃ yathāpariyattaṃ dhammaṃ vitthārena paresaṃ vāceti, yathāsutaṃ yathāpariyattaṃ dhammaṃ vitthārena sajjhāyaṃ karoti, yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati. Yasmiṃ āvāse therā bhikkhū viharanti bahussutā āgatāgamā dhammadharā vinayadharā mātikādharā tasmiṃ āvāse vassaṃ upeti. Te kālena kālaṃ upasaṅkamitvā paripucchati paripañhati – ‘idaṃ, bhante, kathaṃ; imassa kvattho’ti? Te tassa āyasmato avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṃ paṭivinodenti. Ettāvatā kho, āvuso sāriputta, bhikkhu assutañceva dhammaṃ suṇāti, sutā cassa dhammā na sammosaṃ gacchanti, ye cassa dhammā pubbe cetasā samphuṭṭhapubbā te ca samudācaranti, aviññātañca vijānātī’’ti.
‘‘ажчарияам̣ , аавусо, аб̣бхуд̇ам̣, аавусо, яаава субхаасид̇ам̣ жид̣̇ам̣ ааяасмад̇аа аананд̣̇зна. имзхи жа маяам̣ чахи д̇хаммзхи саманнааг̇ад̇ам̣ ааяасманд̇ам̣ аананд̣̇ам̣ д̇хаарзма. ааяасмаа хи аананд̣̇о д̇хаммам̣ барияаабун̣аад̇и – суд̇д̇ам̣ г̇зяяам̣ взяяаагаран̣ам̣ г̇аат̇ам̣ уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣ . ааяасмаа аананд̣̇о яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, ааяасмаа аананд̣̇о яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ ваажзд̇и, ааяасмаа аананд̣̇о яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и, ааяасмаа аананд̣̇о яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и. ааяасмаа аананд̣̇о яасмим̣ ааваасз т̇зраа бхигкуу вихаранд̇и б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа д̇асмим̣ ааваасз вассам̣ убзд̇и. д̇з ааяасмаа аананд̣̇о гаалзна гаалам̣ убасан̇гамид̇ваа барибужчад̇и барибан̃хад̇и – ‘ид̣̇ам̣, бханд̇з, гат̇ам̣; имасса гвад̇т̇о’д̇и? д̇з ааяасмад̇о аананд̣̇асса авивадан̃жзва виваранд̇и, ануд̇д̇аанийгад̇ан̃жа уд̇д̇аанийгаронд̇и, анзгавихид̇зсу жа ган̇каатааниязсу д̇хаммзсу ган̇кам̣ бадивинод̣̇знд̇ий’’д̇и. навамам̣.
‘‘Acchariyaṃ , āvuso, abbhutaṃ, āvuso, yāva subhāsitaṃ cidaṃ āyasmatā ānandena. Imehi ca mayaṃ chahi dhammehi samannāgataṃ āyasmantaṃ ānandaṃ dhārema. Āyasmā hi ānando dhammaṃ pariyāpuṇāti – suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ vedallaṃ . Āyasmā ānando yathāsutaṃ yathāpariyattaṃ dhammaṃ vitthārena paresaṃ deseti, āyasmā ānando yathāsutaṃ yathāpariyattaṃ dhammaṃ vitthārena paresaṃ vāceti, āyasmā ānando yathāsutaṃ yathāpariyattaṃ dhammaṃ vitthārena sajjhāyaṃ karoti, āyasmā ānando yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati. Āyasmā ānando yasmiṃ āvāse therā bhikkhū viharanti bahussutā āgatāgamā dhammadharā vinayadharā mātikādharā tasmiṃ āvāse vassaṃ upeti. Te āyasmā ānando kālena kālaṃ upasaṅkamitvā paripucchati paripañhati – ‘idaṃ, bhante, kathaṃ; imassa kvattho’ti? Te āyasmato ānandassa avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṃ paṭivinodentī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. аананд̣̇асуд̇д̇аван̣н̣анаа • 9. Ānandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. аананд̣̇асуд̇д̇аван̣н̣анаа • 9. Ānandasuttavaṇṇanā
