| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. аананд̣̇асуд̇д̇ам̣
10. Ānandasuttaṃ
21. саавад̇т̇ияам̣ … аараамз. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘‘нирод̇хо нирод̇хо’д̇и, бханд̇з, вужжад̇и. гад̇амзсаанам̣ ко, бханд̇з, д̇хаммаанам̣ нирод̇хо 1 ‘нирод̇хо’д̇и вужжад̇ий’’д̇и? ‘‘руубам̣ ко, аананд̣̇а, анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хаммам̣. д̇асса нирод̇хо 2 ‘нирод̇хо’д̇и вужжад̇и. взд̣̇анаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа. д̇ассаа нирод̇хо ‘нирод̇хо’д̇и вужжад̇и. сан̃н̃аа… сан̇каараа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа. д̇зсам̣ нирод̇хо ‘нирод̇хо’д̇и вужжад̇и. вин̃н̃аан̣ам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хаммам̣. д̇асса нирод̇хо ‘нирод̇хо’д̇и вужжад̇и. имзсам̣ ко, аананд̣̇а, д̇хаммаанам̣ нирод̇хо ‘нирод̇хо’д̇и вужжад̇ий’’д̇и. д̣̇асамам̣.
21. Sāvatthiyaṃ … ārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘‘nirodho nirodho’ti, bhante, vuccati. Katamesānaṃ kho, bhante, dhammānaṃ nirodho 3 ‘nirodho’ti vuccatī’’ti? ‘‘Rūpaṃ kho, ānanda, aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ. Tassa nirodho 4 ‘nirodho’ti vuccati. Vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Tassā nirodho ‘nirodho’ti vuccati. Saññā… saṅkhārā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Tesaṃ nirodho ‘nirodho’ti vuccati. Viññāṇaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ. Tassa nirodho ‘nirodho’ti vuccati. Imesaṃ kho, ānanda, dhammānaṃ nirodho ‘nirodho’ti vuccatī’’ti. Dasamaṃ.
анижжаваг̇г̇о д̣̇уд̇ияо.
Aniccavaggo dutiyo.
д̇ассуд̣̇д̣̇аанам̣ –
Tassuddānaṃ –
анижжам̣ д̣̇угкам̣ анад̇д̇аа, яад̣̇анижжаабарз д̇аяо;
Aniccaṃ dukkhaṃ anattā, yadaniccāpare tayo;
хзд̇унааби д̇аяо вуд̇д̇аа, аананд̣̇зна жа д̇з д̣̇асаад̇и.
Hetunāpi tayo vuttā, ānandena ca te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-10. анижжасуд̇д̇аад̣̇иван̣н̣анаа • 1-10. Aniccasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-10. анижжаад̣̇исуд̇д̇аван̣н̣анаа • 1-10. Aniccādisuttavaṇṇanā
