| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. т̇зраваг̇г̇о
9. Theravaggo
1. аананд̣̇асуд̇д̇ам̣
1. Ānandasuttaṃ
83. саавад̇т̇инид̣̇аанам̣ . д̇ад̇ра ко ааяасмаа аананд̣̇о бхигкуу ааманд̇зси – ‘‘аавусо, бхигкавз’’д̇и. ‘‘аавусо’’д̇и ко д̇з бхигкуу ааяасмад̇о аананд̣̇асса бажжассосум̣. ааяасмаа аананд̣̇о зд̇ад̣̇авожа –
83. Sāvatthinidānaṃ . Tatra kho āyasmā ānando bhikkhū āmantesi – ‘‘āvuso, bhikkhave’’ti. ‘‘Āvuso’’ti kho te bhikkhū āyasmato ānandassa paccassosuṃ. Āyasmā ānando etadavoca –
‘‘бун̣н̣о наама, аавусо, ааяасмаа манд̇аан̣ибуд̇д̇о 1 амхаагам̣ навагаанам̣ сад̇ам̣ б̣ахуубагааро ход̇и. со амхз иминаа оваад̣̇зна овад̣̇ад̇и – ‘убаад̣̇ааяа, аавусо аананд̣̇а, асмийд̇и ход̇и, но анубаад̣̇ааяа. гин̃жа убаад̣̇ааяа асмийд̇и ход̇и, но анубаад̣̇ааяа? руубам̣ убаад̣̇ааяа асмийд̇и ход̇и, но анубаад̣̇ааяа. взд̣̇анам̣… сан̃н̃ам̣… сан̇каарз… вин̃н̃аан̣ам̣ убаад̣̇ааяа асмийд̇и ход̇и, но анубаад̣̇ааяа’’’.
‘‘Puṇṇo nāma, āvuso, āyasmā mantāṇiputto 2 amhākaṃ navakānaṃ sataṃ bahūpakāro hoti. So amhe iminā ovādena ovadati – ‘upādāya, āvuso ānanda, asmīti hoti, no anupādāya. Kiñca upādāya asmīti hoti, no anupādāya? Rūpaṃ upādāya asmīti hoti, no anupādāya. Vedanaṃ… saññaṃ… saṅkhāre… viññāṇaṃ upādāya asmīti hoti, no anupādāya’’’.
‘‘сзяяат̇ааби, аавусо аананд̣̇а, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇агабад̇д̇з сагам̣ муканимид̇д̇ам̣ бажжавзгкамаано убаад̣̇ааяа бассзяяа, но анубаад̣̇ааяа; звамзва ко, аавусо аананд̣̇а, руубам̣ убаад̣̇ааяа асмийд̇и ход̇и, но анубаад̣̇ааяа. взд̣̇анам̣… сан̃н̃ам̣… сан̇каарз… вин̃н̃аан̣ам̣ убаад̣̇ааяа асмийд̇и ход̇и, но анубаад̣̇ааяа.
‘‘Seyyathāpi, āvuso ānanda, itthī vā puriso vā daharo yuvā maṇḍanakajātiko ādāse vā parisuddhe pariyodāte acche vā udakapatte sakaṃ mukhanimittaṃ paccavekkhamāno upādāya passeyya, no anupādāya; evameva kho, āvuso ānanda, rūpaṃ upādāya asmīti hoti, no anupādāya. Vedanaṃ… saññaṃ… saṅkhāre… viññāṇaṃ upādāya asmīti hoti, no anupādāya.
‘‘д̇ам̣ гим̣ ман̃н̃аси, аавусо аананд̣̇а, ‘руубам̣ нижжам̣ ваа анижжам̣ ваа’’’д̇и? ‘анижжам̣, аавусо’. взд̣̇анаа… сан̃н̃аа … сан̇каараа… вин̃н̃аан̣ам̣ нижжам̣ ваа анижжам̣ ваа’д̇и? ‘анижжам̣, аавусо’. д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ийд̇и. бун̣н̣о наама аавусо ааяасмаа манд̇аан̣ибуд̇д̇о амхаагам̣ навагаанам̣ сад̇ам̣ б̣ахуубагааро ход̇и. со амхз иминаа оваад̣̇зна овад̣̇ад̇и. ид̣̇ан̃жа бана мз ааяасмад̇о бун̣н̣асса манд̇аан̣ибуд̇д̇асса д̇хаммад̣̇зсанам̣ суд̇ваа д̇хаммо абхисамид̇од̇и. батамам̣.
‘‘Taṃ kiṃ maññasi, āvuso ānanda, ‘rūpaṃ niccaṃ vā aniccaṃ vā’’’ti? ‘Aniccaṃ, āvuso’. Vedanā… saññā … saṅkhārā… viññāṇaṃ niccaṃ vā aniccaṃ vā’ti? ‘Aniccaṃ, āvuso’. Tasmātiha…pe… evaṃ passaṃ…pe… nāparaṃ itthattāyāti pajānātīti. Puṇṇo nāma āvuso āyasmā mantāṇiputto amhākaṃ navakānaṃ sataṃ bahūpakāro hoti. So amhe iminā ovādena ovadati. Idañca pana me āyasmato puṇṇassa mantāṇiputtassa dhammadesanaṃ sutvā dhammo abhisamitoti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. аананд̣̇асуд̇д̇аван̣н̣анаа • 1. Ānandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. аананд̣̇асуд̇д̇аван̣н̣анаа • 1. Ānandasuttavaṇṇanā
