| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. аананд̣̇асуд̇д̇ам̣
10. Ānandasuttaṃ
159. саавад̇т̇инид̣̇аанам̣ . ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа…бз… бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и.
159. Sāvatthinidānaṃ . Atha kho āyasmā ānando yena bhagavā tenupasaṅkami; upasaṅkamitvā…pe… bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘д̇ам̣ гим̣ ман̃н̃аси, аананд̣̇а, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’ 1. ‘‘звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. д̣̇асамам̣.
‘‘Taṃ kiṃ maññasi, ānanda, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’ 2. ‘‘Evaṃ passaṃ…pe… nāparaṃ itthattāyāti pajānātī’’ti. Dasamaṃ.
д̣̇идтиваг̇г̇о бан̃жад̣̇асамо.
Diṭṭhivaggo pañcadasamo.
д̇ассуд̣̇д̣̇аанам̣ –
Tassuddānaṃ –
аж̇жхад̇д̇игам̣ зд̇ам̣мама, соад̇д̇аа ножамзсияаа;
Ajjhattikaṃ etaṃmama, soattā nocamesiyā;
мижчаасаггааяад̇д̇аану д̣̇вз, абхинивзсаа аананд̣̇знаад̇и.
Micchāsakkāyattānu dve, abhinivesā ānandenāti.
убарибан̣н̣аасаго самад̇д̇о.
Uparipaṇṇāsako samatto.
д̇асса убарибан̣н̣аасагасса ваг̇г̇уд̣̇д̣̇аанам̣ –
Tassa uparipaṇṇāsakassa vagguddānaṃ –
анд̇о д̇хаммагат̇игаа виж̇ж̇аа, гуггул̣ам̣ д̣̇идтибан̃жамам̣;
Anto dhammakathikā vijjā, kukkuḷaṃ diṭṭhipañcamaṃ;
д̇ад̇ияо бан̣н̣аасаго вуд̇д̇о, нибаад̇од̇и бавужжад̇ийд̇и 3.
Tatiyo paṇṇāsako vutto, nipātoti pavuccatīti 4.
канд̇хасам̣яуд̇д̇ам̣ самад̇д̇ам̣.
Khandhasaṃyuttaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. аананд̣̇асуд̇д̇аван̣н̣анаа • 10. Ānandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10.аананд̣̇асуд̇д̇аван̣н̣анаа • 10.Ānandasuttavaṇṇanā
