| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౫. ఆనన్దసుత్తం
5. Ānandasuttaṃ
౨౨౫. ఏకం సమయం ఆయస్మా ఆనన్దో కోసలేసు విహరతి అఞ్ఞతరస్మిం వనసణ్డే. తేన ఖో పన సమయేన ఆయస్మా ఆనన్దో అతివేలం గిహిసఞ్ఞత్తిబహులో విహరతి. అథ ఖో యా తస్మిం వనసణ్డే అధివత్థా దేవతా ఆయస్మతో ఆనన్దస్స అనుకమ్పికా అత్థకామా ఆయస్మన్తం ఆనన్దం సంవేజేతుకామా యేనాయస్మా ఆనన్దో తేనుపసఙ్కమి; ఉపసఙ్కమిత్వా ఆయస్మన్తం ఆనన్దం గాథాయ అజ్ఝభాసి –
225. Ekaṃ samayaṃ āyasmā ānando kosalesu viharati aññatarasmiṃ vanasaṇḍe. Tena kho pana samayena āyasmā ānando ativelaṃ gihisaññattibahulo viharati. Atha kho yā tasmiṃ vanasaṇḍe adhivatthā devatā āyasmato ānandassa anukampikā atthakāmā āyasmantaṃ ānandaṃ saṃvejetukāmā yenāyasmā ānando tenupasaṅkami; upasaṅkamitvā āyasmantaṃ ānandaṃ gāthāya ajjhabhāsi –
‘‘రుక్ఖమూలగహనం పసక్కియ, నిబ్బానం హదయస్మిం ఓపియ;
‘‘Rukkhamūlagahanaṃ pasakkiya, nibbānaṃ hadayasmiṃ opiya;
ఝా గోతమ మా పమాదో 1, కిం తే బిళిబిళికా కరిస్సతీ’’తి.
Jhā gotama mā pamādo 2, kiṃ te biḷibiḷikā karissatī’’ti.
అథ ఖో ఆయస్మా ఆనన్దో తాయ దేవతాయ సంవేజితో సంవేగమాపాదీతి.
Atha kho āyasmā ānando tāya devatāya saṃvejito saṃvegamāpādīti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫. ఆనన్దసుత్తవణ్ణనా • 5. Ānandasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౫. ఆనన్దసుత్తవణ్ణనా • 5. Ānandasuttavaṇṇanā
