| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๔. อานนฺทสุตฺตํ
4. Ānandasuttaṃ
๒๑๒. เอกํ สมยํ อายสฺมา อานโนฺท สาวตฺถิยํ วิหรติ เชตวเน อนาถปิณฺฑิกสฺส อาราเมฯ อถ โข อายสฺมา อานโนฺท ปุพฺพณฺหสมยํ นิวาเสตฺวา ปตฺตจีวรมาทาย สาวตฺถิํ ปิณฺฑาย ปาวิสิ อายสฺมตา วงฺคีเสน ปจฺฉาสมเณนฯ เตน โข ปน สมเยน อายสฺมโต วงฺคีสสฺส อนภิรติ อุปฺปนฺนา โหติ, ราโค จิตฺตํ อนุทฺธํเสติฯ อถ โข อายสฺมา วงฺคีโส อายสฺมนฺตํ อานนฺทํ คาถาย อชฺฌภาสิ –
212. Ekaṃ samayaṃ āyasmā ānando sāvatthiyaṃ viharati jetavane anāthapiṇḍikassa ārāme. Atha kho āyasmā ānando pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi āyasmatā vaṅgīsena pacchāsamaṇena. Tena kho pana samayena āyasmato vaṅgīsassa anabhirati uppannā hoti, rāgo cittaṃ anuddhaṃseti. Atha kho āyasmā vaṅgīso āyasmantaṃ ānandaṃ gāthāya ajjhabhāsi –
‘‘กามราเคน ฑยฺหามิ, จิตฺตํ เม ปริฑยฺหติ;
‘‘Kāmarāgena ḍayhāmi, cittaṃ me pariḍayhati;
สาธุ นิพฺพาปนํ พฺรูหิ, อนุกมฺปาย โคตมา’’ติฯ
Sādhu nibbāpanaṃ brūhi, anukampāya gotamā’’ti.
‘‘สญฺญาย วิปริเยสา, จิตฺตํ เต ปริฑยฺหติ;
‘‘Saññāya vipariyesā, cittaṃ te pariḍayhati;
นิมิตฺตํ ปริวเชฺชหิ, สุภํ ราคูปสํหิตํฯ
Nimittaṃ parivajjehi, subhaṃ rāgūpasaṃhitaṃ.
‘‘สงฺขาเร ปรโต ปสฺส, ทุกฺขโต มา จ อตฺตโต;
‘‘Saṅkhāre parato passa, dukkhato mā ca attato;
นิพฺพาเปหิ มหาราคํ, มา ฑยฺหิโตฺถ ปุนปฺปุนํฯ
Nibbāpehi mahārāgaṃ, mā ḍayhittho punappunaṃ.
‘‘อสุภาย จิตฺตํ ภาเวหิ, เอกคฺคํ สุสมาหิตํ;
‘‘Asubhāya cittaṃ bhāvehi, ekaggaṃ susamāhitaṃ;
สติ กายคตา ตฺยตฺถุ, นิพฺพิทาพหุโล ภฯ
Sati kāyagatā tyatthu, nibbidābahulo bha.
‘‘อนิมิตฺตญฺจ ภาเวหิ, มานานุสยมุชฺชห;
‘‘Animittañca bhāvehi, mānānusayamujjaha;
ตโต มานาภิสมยา, อุปสโนฺต จริสฺสสี’’ติฯ
Tato mānābhisamayā, upasanto carissasī’’ti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. อานนฺทสุตฺตวณฺณนา • 4. Ānandasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. อานนฺทสุตฺตวณฺณนา • 4. Ānandasuttavaṇṇanā
