| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. ආනන්‌දසුත්‌තං
5. Ānandasuttaṃ
225. එකං සමයං ආයස්‌මා ආනන්‌දො කොසලෙසු විහරති අඤ්‌ඤතරස්‌මිං වනසණ්‌ඩෙ. තෙන ඛො පන සමයෙන ආයස්‌මා ආනන්‌දො අතිවෙලං ගිහිසඤ්‌ඤත්‌තිබහුලො විහරති. අථ ඛො යා තස්‌මිං වනසණ්‌ඩෙ අධිවත්‌ථා දෙවතා ආයස්‌මතො ආනන්‌දස්‌ස අනුකම්‌පිකා අත්‌ථකාමා ආයස්‌මන්‌තං ආනන්‌දං සංවෙජෙතුකාමා යෙනායස්‌මා ආනන්‌දො තෙනුපසඞ්‌කමි; උපසඞ්‌කමිත්‌වා ආයස්‌මන්‌තං ආනන්‌දං ගාථාය අජ්‌ඣභාසි –
225. Ekaṃ samayaṃ āyasmā ānando kosalesu viharati aññatarasmiṃ vanasaṇḍe. Tena kho pana samayena āyasmā ānando ativelaṃ gihisaññattibahulo viharati. Atha kho yā tasmiṃ vanasaṇḍe adhivatthā devatā āyasmato ānandassa anukampikā atthakāmā āyasmantaṃ ānandaṃ saṃvejetukāmā yenāyasmā ānando tenupasaṅkami; upasaṅkamitvā āyasmantaṃ ānandaṃ gāthāya ajjhabhāsi –
‘‘රුක්‌ඛමූලගහනං පසක්‌කිය, නිබ්‌බානං හදයස්‌මිං ඔපිය;
‘‘Rukkhamūlagahanaṃ pasakkiya, nibbānaṃ hadayasmiṃ opiya;
ඣා ගොතම මා පමාදො 1, කිං තෙ බිළිබිළිකා කරිස්‌සතී’’ති.
Jhā gotama mā pamādo 2, kiṃ te biḷibiḷikā karissatī’’ti.
අථ ඛො ආයස්‌මා ආනන්‌දො තාය දෙවතාය සංවෙජිතො සංවෙගමාපාදීති.
Atha kho āyasmā ānando tāya devatāya saṃvejito saṃvegamāpādīti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. ආනන්‌දසුත්‌තවණ්‌ණනා • 5. Ānandasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5. ආනන්‌දසුත්‌තවණ්‌ණනා • 5. Ānandasuttavaṇṇanā
