| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਆਨਨ੍ਦਸੁਤ੍ਤਂ
10. Ānandasuttaṃ
੪੧੯. ਅਥ ਖੋ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਕਿਂ ਨੁ ਖੋ, ਭੋ ਗੋਤਮ, ਅਤ੍ਥਤ੍ਤਾ’’ਤਿ? ਏવਂ વੁਤ੍ਤੇ, ਭਗવਾ ਤੁਣ੍ਹੀ ਅਹੋਸਿ। ‘‘ਕਿਂ ਪਨ, ਭੋ ਗੋਤਮ, ਨਤ੍ਥਤ੍ਤਾ’’ਤਿ? ਦੁਤਿਯਮ੍ਪਿ ਖੋ ਭਗવਾ ਤੁਣ੍ਹੀ ਅਹੋਸਿ। ਅਥ ਖੋ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਉਟ੍ਠਾਯਾਸਨਾ ਪਕ੍ਕਾਮਿ।
419. Atha kho vacchagotto paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako bhagavantaṃ etadavoca – ‘‘kiṃ nu kho, bho gotama, atthattā’’ti? Evaṃ vutte, bhagavā tuṇhī ahosi. ‘‘Kiṃ pana, bho gotama, natthattā’’ti? Dutiyampi kho bhagavā tuṇhī ahosi. Atha kho vacchagotto paribbājako uṭṭhāyāsanā pakkāmi.
ਅਥ ਖੋ ਆਯਸ੍ਮਾ ਆਨਨ੍ਦੋ ਅਚਿਰਪਕ੍ਕਨ੍ਤੇ વਚ੍ਛਗੋਤ੍ਤੇ ਪਰਿਬ੍ਬਾਜਕੇ ਭਗવਨ੍ਤਂ ਏਤਦવੋਚ – ‘‘ਕਿਂ ਨੁ ਖੋ, ਭਨ੍ਤੇ, ਭਗવਾ વਚ੍ਛਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ਪਞ੍ਹਂ ਪੁਟ੍ਠੋ ਨ ਬ੍ਯਾਕਾਸੀ’’ਤਿ? ‘‘ਅਹਞ੍ਚਾਨਨ੍ਦ, વਚ੍ਛਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ‘ਅਤ੍ਥਤ੍ਤਾ’ਤਿ ਪੁਟ੍ਠੋ ਸਮਾਨੋ ‘ਅਤ੍ਥਤ੍ਤਾ’ਤਿ ਬ੍ਯਾਕਰੇਯ੍ਯਂ, ਯੇ ਤੇ, ਆਨਨ੍ਦ, ਸਮਣਬ੍ਰਾਹ੍ਮਣਾ ਸਸ੍ਸਤવਾਦਾ ਤੇਸਮੇਤਂ ਸਦ੍ਧਿਂ 1 ਅਭવਿਸ੍ਸ। ਅਹਞ੍ਚਾਨਨ੍ਦ, વਚ੍ਛਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ‘ਨਤ੍ਥਤ੍ਤਾ’ਤਿ ਪੁਟ੍ਠੋ ਸਮਾਨੋ ‘ਨਤ੍ਥਤ੍ਤਾ’ਤਿ ਬ੍ਯਾਕਰੇਯ੍ਯਂ, ਯੇ ਤੇ, ਆਨਨ੍ਦ, ਸਮਣਬ੍ਰਾਹ੍ਮਣਾ ਉਚ੍ਛੇਦવਾਦਾ ਤੇਸਮੇਤਂ ਸਦ੍ਧਿਂ ਅਭવਿਸ੍ਸ। ਅਹਞ੍ਚਾਨਨ੍ਦ, વਚ੍ਛਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ‘ਅਤ੍ਥਤ੍ਤਾ’ਤਿ ਪੁਟ੍ਠੋ ਸਮਾਨੋ ‘ਅਤ੍ਥਤ੍ਤਾ’ਤਿ ਬ੍ਯਾਕਰੇਯ੍ਯਂ, ਅਪਿ ਨੁ ਮੇ ਤਂ, ਆਨਨ੍ਦ, ਅਨੁਲੋਮਂ ਅਭવਿਸ੍ਸ ਞਾਣਸ੍ਸ ਉਪ੍ਪਾਦਾਯ – ‘ਸਬ੍ਬੇ ਧਮ੍ਮਾ ਅਨਤ੍ਤਾ’’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਅਹਞ੍ਚਾਨਨ੍ਦ, વਚ੍ਛਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ‘ਨਤ੍ਥਤ੍ਤਾ’ਤਿ ਪੁਟ੍ਠੋ ਸਮਾਨੋ ‘ਨਤ੍ਥਤ੍ਤਾ’ਤਿ ਬ੍ਯਾਕਰੇਯ੍ਯਂ , ਸਮ੍ਮੂਲ਼੍ਹਸ੍ਸ, ਆਨਨ੍ਦ, વਚ੍ਛਗੋਤ੍ਤਸ੍ਸ ਪਰਿਬ੍ਬਾਜਕਸ੍ਸ ਭਿਯ੍ਯੋ ਸਮ੍ਮੋਹਾਯ ਅਭવਿਸ੍ਸ – ‘ਅਹੁવਾ ਮੇ ਨੂਨ ਪੁਬ੍ਬੇ ਅਤ੍ਤਾ, ਸੋ ਏਤਰਹਿ ਨਤ੍ਥੀ’’’ਤਿ। ਦਸਮਂ।
Atha kho āyasmā ānando acirapakkante vacchagotte paribbājake bhagavantaṃ etadavoca – ‘‘kiṃ nu kho, bhante, bhagavā vacchagottassa paribbājakassa pañhaṃ puṭṭho na byākāsī’’ti? ‘‘Ahañcānanda, vacchagottassa paribbājakassa ‘atthattā’ti puṭṭho samāno ‘atthattā’ti byākareyyaṃ, ye te, ānanda, samaṇabrāhmaṇā sassatavādā tesametaṃ saddhiṃ 2 abhavissa. Ahañcānanda, vacchagottassa paribbājakassa ‘natthattā’ti puṭṭho samāno ‘natthattā’ti byākareyyaṃ, ye te, ānanda, samaṇabrāhmaṇā ucchedavādā tesametaṃ saddhiṃ abhavissa. Ahañcānanda, vacchagottassa paribbājakassa ‘atthattā’ti puṭṭho samāno ‘atthattā’ti byākareyyaṃ, api nu me taṃ, ānanda, anulomaṃ abhavissa ñāṇassa uppādāya – ‘sabbe dhammā anattā’’’ti? ‘‘No hetaṃ, bhante’’. ‘‘Ahañcānanda, vacchagottassa paribbājakassa ‘natthattā’ti puṭṭho samāno ‘natthattā’ti byākareyyaṃ , sammūḷhassa, ānanda, vacchagottassa paribbājakassa bhiyyo sammohāya abhavissa – ‘ahuvā me nūna pubbe attā, so etarahi natthī’’’ti. Dasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਆਨਨ੍ਦਸੁਤ੍ਤવਣ੍ਣਨਾ • 10. Ānandasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਆਨਨ੍ਦਸੁਤ੍ਤવਣ੍ਣਨਾ • 10. Ānandasuttavaṇṇanā
