| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൫. ആനന്ദസുത്തം
5. Ānandasuttaṃ
൨൨൫. ഏകം സമയം ആയസ്മാ ആനന്ദോ കോസലേസു വിഹരതി അഞ്ഞതരസ്മിം വനസണ്ഡേ. തേന ഖോ പന സമയേന ആയസ്മാ ആനന്ദോ അതിവേലം ഗിഹിസഞ്ഞത്തിബഹുലോ വിഹരതി. അഥ ഖോ യാ തസ്മിം വനസണ്ഡേ അധിവത്ഥാ ദേവതാ ആയസ്മതോ ആനന്ദസ്സ അനുകമ്പികാ അത്ഥകാമാ ആയസ്മന്തം ആനന്ദം സംവേജേതുകാമാ യേനായസ്മാ ആനന്ദോ തേനുപസങ്കമി; ഉപസങ്കമിത്വാ ആയസ്മന്തം ആനന്ദം ഗാഥായ അജ്ഝഭാസി –
225. Ekaṃ samayaṃ āyasmā ānando kosalesu viharati aññatarasmiṃ vanasaṇḍe. Tena kho pana samayena āyasmā ānando ativelaṃ gihisaññattibahulo viharati. Atha kho yā tasmiṃ vanasaṇḍe adhivatthā devatā āyasmato ānandassa anukampikā atthakāmā āyasmantaṃ ānandaṃ saṃvejetukāmā yenāyasmā ānando tenupasaṅkami; upasaṅkamitvā āyasmantaṃ ānandaṃ gāthāya ajjhabhāsi –
‘‘രുക്ഖമൂലഗഹനം പസക്കിയ, നിബ്ബാനം ഹദയസ്മിം ഓപിയ;
‘‘Rukkhamūlagahanaṃ pasakkiya, nibbānaṃ hadayasmiṃ opiya;
ഝാ ഗോതമ മാ പമാദോ 1, കിം തേ ബിളിബിളികാ കരിസ്സതീ’’തി.
Jhā gotama mā pamādo 2, kiṃ te biḷibiḷikā karissatī’’ti.
അഥ ഖോ ആയസ്മാ ആനന്ദോ തായ ദേവതായ സംവേജിതോ സംവേഗമാപാദീതി.
Atha kho āyasmā ānando tāya devatāya saṃvejito saṃvegamāpādīti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. ആനന്ദസുത്തവണ്ണനാ • 5. Ānandasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൫. ആനന്ദസുത്തവണ്ണനാ • 5. Ānandasuttavaṇṇanā
