| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. ஆனந்த³ஸுத்தவண்ணனா
9. Ānandasuttavaṇṇanā
51. நவமே கித்தாவதாதி கித்தகேன. அஸ்ஸுதஞ்சேவாதி அஞ்ஞஸ்மிங் காலே அஸ்ஸுதபுப்³ப³ங். ந ஸம்மோஸங் க³ச்ச²ந்தீதி வினாஸங் ந க³ச்ச²ந்தி. சேதஸோ ஸம்பு²ட்ட²புப்³பா³தி சித்தேன பு²ஸிதபுப்³பா³. ஸமுதா³சரந்தீதி மனொத்³வாரே சரந்தி. அவிஞ்ஞாதஞ்ச விஜானாதீதி அஞ்ஞஸ்மிங் காலே அவிஞ்ஞாதகாரணங் ஜானாதி. பரியாபுணாதீதி வளஞ்ஜேதி கதே²தி. தே³ஸேதீதி பகாஸேதி. பரங் வாசேதீதி பரங் உக்³க³ண்ஹாபேதி.
51. Navame kittāvatāti kittakena. Assutañcevāti aññasmiṃ kāle assutapubbaṃ. Na sammosaṃ gacchantīti vināsaṃ na gacchanti. Cetaso samphuṭṭhapubbāti cittena phusitapubbā. Samudācarantīti manodvāre caranti. Aviññātañca vijānātīti aññasmiṃ kāle aviññātakāraṇaṃ jānāti. Pariyāpuṇātīti vaḷañjeti katheti. Desetīti pakāseti. Paraṃ vācetīti paraṃ uggaṇhāpeti.
ஆக³தாக³மாதி தீ³கா⁴தீ³ஸு யோ கோசி ஆக³மோ ஆக³தோ ஏதேஸந்தி ஆக³தாக³மா. த⁴ம்மத⁴ராதி ஸுத்தந்தபிடகத⁴ரா. வினயத⁴ராதி வினயபிடகத⁴ரா. மாதிகாத⁴ராதி த்³வேபாதிமொக்க²த⁴ரா. பரிபுச்ச²தீதி அனுஸந்தி⁴புப்³பா³பரங் புச்ச²தி. பரிபஞ்ஹதீதி இத³ஞ்சித³ஞ்ச புச்சி²ஸ்ஸாமீதி பரிதுலதி பரிச்சி²ந்த³தி. இத³ங், ப⁴ந்தே, கத²ந்தி, ப⁴ந்தே, இத³ங் அனுஸந்தி⁴புப்³பா³பரங் கத²ங் ஹோதீதி புச்ச²தி. இமஸ்ஸ க்வத்தோ²தி இமஸ்ஸ பா⁴ஸிதஸ்ஸ கோ அத்தோ²தி புச்ச²தி. அவிவடந்தி அவிவரிதங். விவரந்தீதி பாகடங் கரொந்தி. கங்கா²டா²னியேஸூதி கங்கா²ய காரணபூ⁴தேஸு. தத்த² யஸ்மிங் த⁴ம்மே கங்கா² உப்பஜ்ஜதி, ஸ்வேவ கங்கா²டா²னியோ நாமாதி வேதி³தப்³போ³.
Āgatāgamāti dīghādīsu yo koci āgamo āgato etesanti āgatāgamā. Dhammadharāti suttantapiṭakadharā. Vinayadharāti vinayapiṭakadharā. Mātikādharāti dvepātimokkhadharā. Paripucchatīti anusandhipubbāparaṃ pucchati. Paripañhatīti idañcidañca pucchissāmīti paritulati paricchindati. Idaṃ, bhante, kathanti, bhante, idaṃ anusandhipubbāparaṃ kathaṃ hotīti pucchati. Imassa kvatthoti imassa bhāsitassa ko atthoti pucchati. Avivaṭanti avivaritaṃ. Vivarantīti pākaṭaṃ karonti. Kaṅkhāṭhāniyesūti kaṅkhāya kāraṇabhūtesu. Tattha yasmiṃ dhamme kaṅkhā uppajjati, sveva kaṅkhāṭhāniyo nāmāti veditabbo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஆனந்த³ஸுத்தங் • 9. Ānandasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. ஆனந்த³ஸுத்தவண்ணனா • 9. Ānandasuttavaṇṇanā
