| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. ஆனந்த³ஸுத்தவண்ணனா
6. Ānandasuttavaṇṇanā
37. ச²ட்டே² ஸம்பா³தே⁴தி பஞ்சகாமகு³ணஸம்பா³தே⁴. ஓகாஸாதி⁴க³மோதி ஓகாஸஸ்ஸ அதி⁴க³மோ. ஸத்தானங் விஸுத்³தி⁴யாதி ஸத்தானங் விஸுத்³தி⁴ங் பாபனத்தா²ய. ஸமதிக்கமாயாதி ஸமதிக்கமனத்தா²ய. அத்த²ங்க³மாயாதி அத்த²ங் க³மனத்தா²ய. ஞாயஸ்ஸ அதி⁴க³மாயாதி ஸஹவிபஸ்ஸனகஸ்ஸ மக்³க³ஸ்ஸ அதி⁴க³மனத்தா²ய . நிப்³பா³னஸ்ஸ ஸச்சி²கிரியாயாதி அபச்சயனிப்³பா³னஸ்ஸ பச்சக்க²கரணத்தா²ய. ததே³வ நாம சக்கு²ங் ப⁴விஸ்ஸதீதி தஞ்ஞேவ பஸாத³சக்கு² அஸம்பி⁴ன்னங் ப⁴விஸ்ஸதி. தே ரூபாதி ததே³வ ரூபாரம்மணங் ஆபாத²ங் ஆக³மிஸ்ஸதி. தஞ்சாயதனங் நோ படிஸங்வேதி³ஸ்ஸதீதி தஞ்ச ரூபாயதனங் ந ஜானிஸ்ஸதி. ஸேஸேஸுபி ஏஸேவ நயோ.
37. Chaṭṭhe sambādheti pañcakāmaguṇasambādhe. Okāsādhigamoti okāsassa adhigamo. Sattānaṃ visuddhiyāti sattānaṃ visuddhiṃ pāpanatthāya. Samatikkamāyāti samatikkamanatthāya. Atthaṅgamāyāti atthaṃ gamanatthāya. Ñāyassa adhigamāyāti sahavipassanakassa maggassa adhigamanatthāya . Nibbānassa sacchikiriyāyāti apaccayanibbānassa paccakkhakaraṇatthāya. Tadeva nāma cakkhuṃ bhavissatīti taññeva pasādacakkhu asambhinnaṃ bhavissati. Te rūpāti tadeva rūpārammaṇaṃ āpāthaṃ āgamissati. Tañcāyatanaṃ no paṭisaṃvedissatīti tañca rūpāyatanaṃ na jānissati. Sesesupi eseva nayo.
உதா³யீதி காளுதா³யித்தே²ரோ. ஸஞ்ஞீமேவ நு கோ²தி ஸசித்தகோயேவ நு கோ². மகாரோ பத³ஸந்தி⁴மத்தங். கிங்ஸஞ்ஞீதி கதரஸஞ்ஞாய ஸஞ்ஞீ ஹுத்வா. ஸப்³ப³ஸோ ரூபஸஞ்ஞானந்தி இத³ங் கஸ்மா க³ண்ஹி, கிங் பட²மஜ்ஜா²னாதி³ஸமங்கி³னோ ரூபாதி³படிஸங்வேத³னா ஹோதீதி? ந ஹோதி, யாவ பன கஸிணரூபங் ஆரம்மணங் ஹோதி, தாவ ரூபங் ஸமதிக்கந்தங் நாம ந ஹோதி. அஸமதிக்கந்தத்தா பச்சயோ ப⁴விதுங் ஸக்கி²ஸ்ஸதி. ஸமதிக்கந்தத்தா பன தங் நத்தி² நாம ஹோதி, நத்தி²தாய பச்சயோ ப⁴விதுங் ந ஸக்கோதீதி த³ஸ்ஸேதுங் இத³மேவ க³ண்ஹி.
Udāyīti kāḷudāyitthero. Saññīmeva nu khoti sacittakoyeva nu kho. Makāro padasandhimattaṃ. Kiṃsaññīti katarasaññāya saññī hutvā. Sabbasorūpasaññānanti idaṃ kasmā gaṇhi, kiṃ paṭhamajjhānādisamaṅgino rūpādipaṭisaṃvedanā hotīti? Na hoti, yāva pana kasiṇarūpaṃ ārammaṇaṃ hoti, tāva rūpaṃ samatikkantaṃ nāma na hoti. Asamatikkantattā paccayo bhavituṃ sakkhissati. Samatikkantattā pana taṃ natthi nāma hoti, natthitāya paccayo bhavituṃ na sakkotīti dassetuṃ idameva gaṇhi.
ஜடிலவாஸிகாதி ஜடிலனக³ரவாஸினீ. ந சாபி⁴னதோதிஆதீ³ஸு ராக³வஸேன ந அபி⁴னதோ, தோ³ஸவஸேன ந அபனதோ. ஸஸங்கா²ரேன ஸப்பயோகே³ன கிலேஸே நிக்³க³ண்ஹித்வா வாரெத்வா டி²தோ, கிலேஸானங் பன சி²ன்னந்தே உப்பன்னோதி ந ஸஸங்கா²ரனிக்³க³ய்ஹவாரிதக³தோ. விமுத்தத்தா டி²தோதி கிலேஸேஹி விமுத்தத்தாயேவ டி²தோ. டி²தத்தா ஸந்துஸிதோதி டி²தத்தாயேவ ஸந்துட்டோ² நாம ஜாதோ. ஸந்துஸிதத்தா நோ பரிதஸ்ஸதீதி ஸந்துட்ட²த்தாயேவ பரிதாஸங் நாபஜ்ஜதி. அயங், ப⁴ந்தே ஆனந்த³, ஸமாதி⁴ கிங் ப²லோதி இமினா அயங் தே²ரீ தாலப²லஞ்ஞேவ க³ஹெத்வா ‘‘இத³ங் ப²லங் கிங் ப²லங் நாமா’’தி புச்ச²மானா விய அரஹத்தப²லஸமாதி⁴ங் க³ஹெத்வா ‘‘அயங், ப⁴ந்தே ஆனந்த³, ஸமாதி⁴ கிங் ப²லோ வுத்தோ ப⁴க³வதா’’தி புச்ச²தி. அஞ்ஞாப²லோ வுத்தோதி அஞ்ஞா வுச்சதி அரஹத்தங், அரஹத்தப²லஸமாதி⁴ நாமேஸோ வுத்தோ ப⁴க³வதாதி அத்தோ². ஏவங்ஸஞ்ஞீபீதி இமாய அரஹத்தப²லஸஞ்ஞாய ஸஞ்ஞீபி ததா³யதனங் நோ படிஸங்வேதே³தீதி ஏவங் இமஸ்மிங் ஸுத்தே அரஹத்தப²லஸமாதி⁴ கதி²தோதி.
Jaṭilavāsikāti jaṭilanagaravāsinī. Na cābhinatotiādīsu rāgavasena na abhinato, dosavasena na apanato. Sasaṅkhārena sappayogena kilese niggaṇhitvā vāretvā ṭhito, kilesānaṃ pana chinnante uppannoti na sasaṅkhāraniggayhavāritagato. Vimuttattā ṭhitoti kilesehi vimuttattāyeva ṭhito. Ṭhitattā santusitoti ṭhitattāyeva santuṭṭho nāma jāto. Santusitattāno paritassatīti santuṭṭhattāyeva paritāsaṃ nāpajjati. Ayaṃ, bhante ānanda, samādhi kiṃ phaloti iminā ayaṃ therī tālaphalaññeva gahetvā ‘‘idaṃ phalaṃ kiṃ phalaṃ nāmā’’ti pucchamānā viya arahattaphalasamādhiṃ gahetvā ‘‘ayaṃ, bhante ānanda, samādhi kiṃ phalo vutto bhagavatā’’ti pucchati. Aññāphalo vuttoti aññā vuccati arahattaṃ, arahattaphalasamādhi nāmeso vutto bhagavatāti attho. Evaṃsaññīpīti imāya arahattaphalasaññāya saññīpi tadāyatanaṃ no paṭisaṃvedetīti evaṃ imasmiṃ sutte arahattaphalasamādhi kathitoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. ஆனந்த³ஸுத்தங் • 6. Ānandasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. ஆனந்த³ஸுத்தவண்ணனா • 6. Ānandasuttavaṇṇanā
