| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. தே²ரவக்³கோ³
9. Theravaggo
1. ஆனந்த³ஸுத்தவண்ணனா
1. Ānandasuttavaṇṇanā
83. தே²ரவக்³க³ஸ்ஸ பட²மே மந்தாணிபுத்தோதி, மந்தாணியா நாம ப்³ராஹ்மணியா புத்தோ. உபாதா³யாதி ஆக³ம்ம ஆரப்³ப⁴ ஸந்தா⁴ய படிச்ச. அஸ்மீதி ஹோதீதி அஸ்மீதி ஏவங் பவத்தங் தண்ஹாமானதி³ட்டி²பபஞ்சத்தயங் ஹோதி. த³ஹரோதி தருணோ. யுவாதி யொப்³ப³னேன ஸமன்னாக³தோ. மண்ட³னகஜாதிகோதி மண்ட³னகஸபா⁴வோ மண்ட³னகஸீலோ. முக²னிமித்தந்தி முக²படிபி³ம்ப³ங். தஞ்ஹி பரிஸுத்³த⁴ங் ஆதா³ஸமண்ட³லங் படிச்ச பஞ்ஞாயதி. கிங் பன தங் ஓலோகயதோ ஸகமுக²ங் பஞ்ஞாயதி, பரமுக²ந்தி? யதி³ ஸகங் ப⁴வெய்ய, பரம்முக²ங் ஹுத்வா பஞ்ஞாயெய்ய, அத² பரஸ்ஸ ப⁴வெய்ய, வண்ணாதீ³ஹி அஸதி³ஸங் ஹுத்வா பஞ்ஞாயெய்ய. தஸ்மா ந தங் அத்தனோ, ந பரஸ்ஸ, ஆதா³ஸங் பன நிஸ்ஸாய நிபா⁴ஸரூபங் நாம தங் பஞ்ஞாயதீதி வத³ந்தி. அத² யங் உத³கே பஞ்ஞாயதி, தங் கேன காரணேனாதி ? மஹாபூ⁴தானங் விஸுத்³த⁴தாய. த⁴ம்மோ மே அபி⁴ஸமிதோதி மயா ஞாணேன சதுஸச்சத⁴ம்மோ அபி⁴ஸமாக³தோ, ஸோதாபன்னொஸ்மி ஜாதோதி கதே²ஸி. பட²மங்.
83. Theravaggassa paṭhame mantāṇiputtoti, mantāṇiyā nāma brāhmaṇiyā putto. Upādāyāti āgamma ārabbha sandhāya paṭicca. Asmīti hotīti asmīti evaṃ pavattaṃ taṇhāmānadiṭṭhipapañcattayaṃ hoti. Daharoti taruṇo. Yuvāti yobbanena samannāgato. Maṇḍanakajātikoti maṇḍanakasabhāvo maṇḍanakasīlo. Mukhanimittanti mukhapaṭibimbaṃ. Tañhi parisuddhaṃ ādāsamaṇḍalaṃ paṭicca paññāyati. Kiṃ pana taṃ olokayato sakamukhaṃ paññāyati, paramukhanti? Yadi sakaṃ bhaveyya, parammukhaṃ hutvā paññāyeyya, atha parassa bhaveyya, vaṇṇādīhi asadisaṃ hutvā paññāyeyya. Tasmā na taṃ attano, na parassa, ādāsaṃ pana nissāya nibhāsarūpaṃ nāma taṃ paññāyatīti vadanti. Atha yaṃ udake paññāyati, taṃ kena kāraṇenāti ? Mahābhūtānaṃ visuddhatāya. Dhammo me abhisamitoti mayā ñāṇena catusaccadhammo abhisamāgato, sotāpannosmi jātoti kathesi. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஆனந்த³ஸுத்தங் • 1. Ānandasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஆனந்த³ஸுத்தவண்ணனா • 1. Ānandasuttavaṇṇanā
