| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. ஆனந்த³ஸுத்தவண்ணனா
9. Ānandasuttavaṇṇanā
51. நவமே தே²ரா பி⁴க்கூ² விஹரந்தி ப³ஹுஸ்ஸுதா ஆக³தாக³மாதிஆதி³பாளிபதே³ஸு இமினாவ நயேன அத்தோ² த³ட்ட²ப்³போ³ – ஸீலாதி³கு³ணானங் தி²ரபா⁴வப்பத்தியா தே²ரா. ஸுத்தகெ³ய்யாதி³ ப³ஹு ஸுதங் ஏதேஸந்தி ப³ஹுஸ்ஸுதா. வாசுக்³க³ததா⁴ரணேன ஸம்மதே³வ க³ரூனங் ஸந்திகே ஆக³மிதபா⁴வேன ஆக³தோ பரியத்தித⁴ம்மஸங்கா²தோ ஆக³மோ ஏதேஸந்தி ஆக³தாக³மா. ஸுத்தாதித⁴ம்மஸங்கா²தஸ்ஸ த⁴ம்மஸ்ஸ தா⁴ரணேன த⁴ம்மத⁴ரா. வினயதா⁴ரணேன வினயத⁴ரா. தேஸங்யேவ த⁴ம்மவினயானங் மாதிகாய தா⁴ரணேன மாதிகாத⁴ரா. தத்த² தத்த² த⁴ம்மபரிபுச்சா²ய பரிபுச்ச²தி. தங் அத்த²பரிபுச்சா²ய பரிபஞ்ஹதி வீமங்ஸதி விசாரேதி. இத³ங், ப⁴ந்தே, கத²ங், இமஸ்ஸ க்வத்தோ²தி பரிபுச்ச²னபஞ்ஹனாகாரத³ஸ்ஸனங். ஆவிவடஞ்சேவ பாளியா அத்த²ங் பதே³ஸந்தரபாளித³ஸ்ஸனேன ஆக³மதோ விவரந்தி. அனுத்தானீகதஞ்ச யுத்திவிபா⁴வனேன உத்தானீகரொந்தி. கங்கா²ட்டா²னியேஸு த⁴ம்மேஸு ஸங்ஸயுப்பத்தியா ஹேதுயா க³ண்டி²ட்டா²னபூ⁴தேஸு பாளிபதே³ஸு யாதா²வதோ வினிச்ச²யதா³னேன கங்க²ங் படிவினோதெ³ந்தி.
51. Navame therā bhikkhū viharanti bahussutā āgatāgamātiādipāḷipadesu imināva nayena attho daṭṭhabbo – sīlādiguṇānaṃ thirabhāvappattiyā therā. Suttageyyādi bahu sutaṃ etesanti bahussutā. Vācuggatadhāraṇena sammadeva garūnaṃ santike āgamitabhāvena āgato pariyattidhammasaṅkhāto āgamo etesanti āgatāgamā. Suttātidhammasaṅkhātassa dhammassa dhāraṇena dhammadharā. Vinayadhāraṇena vinayadharā. Tesaṃyeva dhammavinayānaṃ mātikāya dhāraṇena mātikādharā. Tattha tattha dhammaparipucchāya paripucchati. Taṃ atthaparipucchāya paripañhati vīmaṃsati vicāreti. Idaṃ, bhante, kathaṃ, imassa kvatthoti paripucchanapañhanākāradassanaṃ. Āvivaṭañceva pāḷiyā atthaṃ padesantarapāḷidassanena āgamato vivaranti. Anuttānīkatañca yuttivibhāvanena uttānīkaronti. Kaṅkhāṭṭhāniyesu dhammesu saṃsayuppattiyā hetuyā gaṇṭhiṭṭhānabhūtesu pāḷipadesu yāthāvato vinicchayadānena kaṅkhaṃ paṭivinodenti.
ஆனந்த³ஸுத்தவண்ணனா நிட்டி²தா.
Ānandasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஆனந்த³ஸுத்தங் • 9. Ānandasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. ஆனந்த³ஸுத்தவண்ணனா • 9. Ānandasuttavaṇṇanā
