| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6. ஆனந்த³ஸுத்தவண்ணனா
6. Ānandasuttavaṇṇanā
37. ச²ட்டே² ஓகாஸங் அவஸரங் அதி⁴க³ச்ச²தி ஏதேனாதி ஓகாஸாதி⁴க³மோ, மக்³க³ப²லஸுகா²தி⁴க³மாய ஓகாஸபா⁴வதோ வா ஓகாஸோ, தஸ்ஸ அதி⁴க³மோ ஓகாஸாதி⁴க³மோ. எத்த² ச தீ³க⁴னிகாயேனேவ (தீ³॰ நி॰ 2.288) பன ஸுத்தந்ததே³ஸனாயங் பட²மஜ்ஜா²னங், சதுத்த²ஜ்ஜா²னங், அரஹத்தமக்³கோ³தி தயோ ஓகாஸாதி⁴க³மா ஆக³தா. தத்த² (தீ³॰ நி॰ அட்ட²॰ 2.288) பட²மங் ஜா²னங் பஞ்ச நீவரணானி விக்க²ம்பெ⁴த்வா அத்தனோ ஓகாஸங் க³ஹெத்வா திட்ட²தீதி ‘‘பட²மோ ஓகாஸாதி⁴க³மோ’’தி வுத்தங். சதுத்த²ஜ்ஜா²னங் பன ஸுக²து³க்க²ங் விக்க²ம்பெ⁴த்வா அத்தனோ ஓகாஸங் க³ஹெத்வா திட்ட²தீதி து³தியோ ஓகாஸாதி⁴க³மோ. அரஹத்தமக்³கோ³ ஸப்³ப³கிலேஸே விக்க²ம்பெ⁴த்வா அத்தனோ ஓகாஸங் க³ஹெத்வா திட்ட²தீதி ‘‘ததியோ ஓகாஸாதி⁴க³மோ’’தி வுத்தோ. இத⁴ பன வக்க²மானானி தீணி அரூபஜ்ஜா²னானி ஸந்தா⁴ய ‘‘ஓகாஸாதி⁴க³மோ’’தி வுத்தங். தேஸங்யேவ ச க³ஹணே காரணங் ஸயமேவ வக்க²தி.
37. Chaṭṭhe okāsaṃ avasaraṃ adhigacchati etenāti okāsādhigamo, maggaphalasukhādhigamāya okāsabhāvato vā okāso, tassa adhigamo okāsādhigamo. Ettha ca dīghanikāyeneva (dī. ni. 2.288) pana suttantadesanāyaṃ paṭhamajjhānaṃ, catutthajjhānaṃ, arahattamaggoti tayo okāsādhigamā āgatā. Tattha (dī. ni. aṭṭha. 2.288) paṭhamaṃ jhānaṃ pañca nīvaraṇāni vikkhambhetvā attano okāsaṃ gahetvā tiṭṭhatīti ‘‘paṭhamo okāsādhigamo’’ti vuttaṃ. Catutthajjhānaṃ pana sukhadukkhaṃ vikkhambhetvā attano okāsaṃ gahetvā tiṭṭhatīti dutiyo okāsādhigamo. Arahattamaggo sabbakilese vikkhambhetvā attano okāsaṃ gahetvā tiṭṭhatīti ‘‘tatiyo okāsādhigamo’’ti vutto. Idha pana vakkhamānāni tīṇi arūpajjhānāni sandhāya ‘‘okāsādhigamo’’ti vuttaṃ. Tesaṃyeva ca gahaṇe kāraṇaṃ sayameva vakkhati.
ஸத்தானங் விஸுத்³தி⁴ங் பாபனத்தா²யாதி ராகா³தீ³ஹி மலேஹி அபி⁴ஜ்ஜா²விஸமலோபா⁴தீ³ஹி ச உபக்கிலேஸேஹி கிலிட்ட²சித்தானங் ஸத்தானங் விஸுத்³தி⁴பாபனத்தா²ய ஸமதிக்கமனத்தா²ய. ஆயதிங் அனுப்பஜ்ஜனஞ்ஹி இத⁴ ‘‘ஸமதிக்கமோ’’தி வுத்தங். அத்த²ங் க³மனத்தா²யாதி காயிகது³க்க²ஸ்ஸ ச சேதஸிகதோ³மனஸ்ஸஸ்ஸ சாதி இமேஸங் த்³வின்னங் அத்த²ங்க³மாய, நிரோதா⁴யாதி அத்தோ². ஞாயதி நிச்ச²யேன கமதி நிப்³பா³னங், தங் வா ஞாயதி படிவிஜ்ஜீ²யதி ஏதேனாதி ஞாயோ, ஸமுச்சே²த³பா⁴வோ அரியமக்³கோ³தி ஆஹ ‘‘ஸஹவிபஸ்ஸனகஸ்ஸ மக்³க³ஸ்ஸா’’தி. பச்சக்க²கரணத்தா²யாதி அத்தபச்சக்க²தாய. பரபச்சயேன வினா பச்சக்க²கரணஞ்ஹி ‘‘ஸச்சி²கிரியா’’தி வுச்சதி. அஸம்பி⁴ன்னந்தி பித்தஸெம்ஹாதீ³ஹி அபலிபு³த்³த⁴ங் அனுபஹதங்.
Sattānaṃvisuddhiṃ pāpanatthāyāti rāgādīhi malehi abhijjhāvisamalobhādīhi ca upakkilesehi kiliṭṭhacittānaṃ sattānaṃ visuddhipāpanatthāya samatikkamanatthāya. Āyatiṃ anuppajjanañhi idha ‘‘samatikkamo’’ti vuttaṃ. Atthaṃ gamanatthāyāti kāyikadukkhassa ca cetasikadomanassassa cāti imesaṃ dvinnaṃ atthaṅgamāya, nirodhāyāti attho. Ñāyati nicchayena kamati nibbānaṃ, taṃ vā ñāyati paṭivijjhīyati etenāti ñāyo, samucchedabhāvo ariyamaggoti āha ‘‘sahavipassanakassa maggassā’’ti. Paccakkhakaraṇatthāyāti attapaccakkhatāya. Parapaccayena vinā paccakkhakaraṇañhi ‘‘sacchikiriyā’’ti vuccati. Asambhinnanti pittasemhādīhi apalibuddhaṃ anupahataṃ.
ராகா³னுக³தோ ஸமாதி⁴ அபி⁴னதோ நாம ஹோதி ஆரம்மணே அபி⁴முகா²பா⁴வேன பவத்தியா, தோ³ஸானுக³தோ பன அபனதோ அபக³மனவஸேன பவத்தியா, தது³ப⁴யப்படிக்கே²பேன ‘‘ந சாபி⁴னதோ ந சாபனதோ’’தி வுத்தந்தி ஆஹ ‘‘ராக³வஸேனா’’திஆதி³. ந ஸஸங்கா²ரனிக்³க³ய்ஹவாரிதக³தோதி லோகியஜ்ஜா²னசித்தானி விய ந ஸஸங்கா²ரேன ஸப்பயோகே³ன தத³ங்க³ப்பஹானவிக்க²ம்ப⁴னப்பஹானவஸேன ச நிக்³க³ஹெத்வா வாரெத்வா டி²தோ. கிஞ்சரஹி கிலேஸானங் சி²ன்னந்தே உப்பன்னோ. ததா²பூ⁴தங் ப²லஸமாதி⁴ங் ஸந்தா⁴யேதங் வுத்தங். தேனாஹ ‘‘ந ஸஸங்கா²ரேன…பே॰… சி²ன்னந்தே உப்பன்னோ’’தி.
Rāgānugato samādhi abhinato nāma hoti ārammaṇe abhimukhābhāvena pavattiyā, dosānugato pana apanato apagamanavasena pavattiyā, tadubhayappaṭikkhepena ‘‘na cābhinato na cāpanato’’ti vuttanti āha ‘‘rāgavasenā’’tiādi. Na sasaṅkhāraniggayhavāritagatoti lokiyajjhānacittāni viya na sasaṅkhārena sappayogena tadaṅgappahānavikkhambhanappahānavasena ca niggahetvā vāretvā ṭhito. Kiñcarahi kilesānaṃ chinnante uppanno. Tathābhūtaṃ phalasamādhiṃ sandhāyetaṃ vuttaṃ. Tenāha ‘‘na sasaṅkhārena…pe… chinnante uppanno’’ti.
ஆனந்த³ஸுத்தவண்ணனா நிட்டி²தா.
Ānandasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. ஆனந்த³ஸுத்தங் • 6. Ānandasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. ஆனந்த³ஸுத்தவண்ணனா • 6. Ānandasuttavaṇṇanā
