| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. аананд̣̇асуд̇д̇аван̣н̣анаа
9. Ānandasuttavaṇṇanā
51. навамз гид̇д̇аавад̇аад̇и гид̇д̇агзна. ассуд̇ан̃жзваад̇и ан̃н̃асмим̣ гаалз ассуд̇абуб̣б̣ам̣. на саммосам̣ г̇ажчанд̇ийд̇и винаасам̣ на г̇ажчанд̇и. жзд̇асо сампудтабуб̣б̣аад̇и жид̇д̇зна пусид̇абуб̣б̣аа. самуд̣̇аажаранд̇ийд̇и манод̣̇ваарз жаранд̇и. авин̃н̃аад̇ан̃жа виж̇аанаад̇ийд̇и ан̃н̃асмим̣ гаалз авин̃н̃аад̇агааран̣ам̣ ж̇аанаад̇и. барияаабун̣аад̇ийд̇и вал̣ан̃ж̇зд̇и гат̇зд̇и. д̣̇зсзд̇ийд̇и багаасзд̇и. барам̣ ваажзд̇ийд̇и барам̣ уг̇г̇ан̣хаабзд̇и.
51. Navame kittāvatāti kittakena. Assutañcevāti aññasmiṃ kāle assutapubbaṃ. Na sammosaṃ gacchantīti vināsaṃ na gacchanti. Cetaso samphuṭṭhapubbāti cittena phusitapubbā. Samudācarantīti manodvāre caranti. Aviññātañca vijānātīti aññasmiṃ kāle aviññātakāraṇaṃ jānāti. Pariyāpuṇātīti vaḷañjeti katheti. Desetīti pakāseti. Paraṃ vācetīti paraṃ uggaṇhāpeti.
ааг̇ад̇ааг̇амаад̇и д̣̇ийгхаад̣̇ийсу яо гожи ааг̇амо ааг̇ад̇о зд̇зсанд̇и ааг̇ад̇ааг̇амаа. д̇хаммад̇хараад̇и суд̇д̇анд̇абидагад̇хараа. винаяад̇хараад̇и винаяабидагад̇хараа. маад̇игаад̇хараад̇и д̣̇взбаад̇имогкад̇хараа. барибужчад̇ийд̇и анусанд̇хибуб̣б̣аабарам̣ бужчад̇и. барибан̃хад̇ийд̇и ид̣̇ан̃жид̣̇ан̃жа бужчиссаамийд̇и барид̇улад̇и барижчинд̣̇ад̇и. ид̣̇ам̣, бханд̇з, гат̇анд̇и, бханд̇з, ид̣̇ам̣ анусанд̇хибуб̣б̣аабарам̣ гат̇ам̣ ход̇ийд̇и бужчад̇и. имасса гвад̇т̇од̇и имасса бхаасид̇асса го ад̇т̇од̇и бужчад̇и. авиваданд̇и авиварид̇ам̣. виваранд̇ийд̇и баагадам̣ гаронд̇и. ган̇каатааниязсууд̇и ган̇кааяа гааран̣абхууд̇зсу. д̇ад̇т̇а яасмим̣ д̇хаммз ган̇каа уббаж̇ж̇ад̇и, свзва ган̇каатаанияо наамаад̇и взд̣̇ид̇аб̣б̣о.
Āgatāgamāti dīghādīsu yo koci āgamo āgato etesanti āgatāgamā. Dhammadharāti suttantapiṭakadharā. Vinayadharāti vinayapiṭakadharā. Mātikādharāti dvepātimokkhadharā. Paripucchatīti anusandhipubbāparaṃ pucchati. Paripañhatīti idañcidañca pucchissāmīti paritulati paricchindati. Idaṃ, bhante, kathanti, bhante, idaṃ anusandhipubbāparaṃ kathaṃ hotīti pucchati. Imassa kvatthoti imassa bhāsitassa ko atthoti pucchati. Avivaṭanti avivaritaṃ. Vivarantīti pākaṭaṃ karonti. Kaṅkhāṭhāniyesūti kaṅkhāya kāraṇabhūtesu. Tattha yasmiṃ dhamme kaṅkhā uppajjati, sveva kaṅkhāṭhāniyo nāmāti veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. аананд̣̇асуд̇д̇ам̣ • 9. Ānandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. аананд̣̇асуд̇д̇аван̣н̣анаа • 9. Ānandasuttavaṇṇanā
