| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. аананд̣̇асуд̇д̇аван̣н̣анаа
6. Ānandasuttavaṇṇanā
37. чадтз самб̣аад̇хзд̇и бан̃жагаамаг̇ун̣асамб̣аад̇хз. огаасаад̇хиг̇амод̇и огаасасса ад̇хиг̇амо. сад̇д̇аанам̣ висуд̣̇д̇хияаад̇и сад̇д̇аанам̣ висуд̣̇д̇хим̣ баабанад̇т̇ааяа. самад̇иггамааяаад̇и самад̇иггаманад̇т̇ааяа. ад̇т̇ан̇г̇амааяаад̇и ад̇т̇ам̣ г̇аманад̇т̇ааяа. н̃ааяасса ад̇хиг̇амааяаад̇и сахавибассанагасса маг̇г̇асса ад̇хиг̇аманад̇т̇ааяа . ниб̣б̣аанасса сажчигирияааяаад̇и абажжаяаниб̣б̣аанасса бажжагкагаран̣ад̇т̇ааяа. д̇ад̣̇зва наама жагкум̣ бхависсад̇ийд̇и д̇ан̃н̃зва басаад̣̇ажагку асамбхиннам̣ бхависсад̇и. д̇з руубаад̇и д̇ад̣̇зва руубаарамман̣ам̣ аабаат̇ам̣ ааг̇амиссад̇и. д̇ан̃жааяад̇анам̣ но бадисам̣взд̣̇иссад̇ийд̇и д̇ан̃жа руубааяад̇анам̣ на ж̇ааниссад̇и. сзсзсуби зсзва наяо.
37. Chaṭṭhe sambādheti pañcakāmaguṇasambādhe. Okāsādhigamoti okāsassa adhigamo. Sattānaṃ visuddhiyāti sattānaṃ visuddhiṃ pāpanatthāya. Samatikkamāyāti samatikkamanatthāya. Atthaṅgamāyāti atthaṃ gamanatthāya. Ñāyassa adhigamāyāti sahavipassanakassa maggassa adhigamanatthāya . Nibbānassa sacchikiriyāyāti apaccayanibbānassa paccakkhakaraṇatthāya. Tadeva nāma cakkhuṃ bhavissatīti taññeva pasādacakkhu asambhinnaṃ bhavissati. Te rūpāti tadeva rūpārammaṇaṃ āpāthaṃ āgamissati. Tañcāyatanaṃ no paṭisaṃvedissatīti tañca rūpāyatanaṃ na jānissati. Sesesupi eseva nayo.
уд̣̇ааяийд̇и гаал̣уд̣̇ааяид̇т̇зро. сан̃н̃иймзва ну код̇и сажид̇д̇агоязва ну ко. магааро бад̣̇асанд̇химад̇д̇ам̣. гим̣сан̃н̃ийд̇и гад̇арасан̃н̃ааяа сан̃н̃ий худ̇ваа. саб̣б̣асо руубасан̃н̃аананд̇и ид̣̇ам̣ гасмаа г̇ан̣хи, гим̣ батамаж̇жхаанаад̣̇исаман̇г̇ино руубаад̣̇ибадисам̣взд̣̇анаа ход̇ийд̇и? на ход̇и, яаава бана гасин̣аруубам̣ аарамман̣ам̣ ход̇и, д̇аава руубам̣ самад̇игганд̇ам̣ наама на ход̇и. асамад̇игганд̇ад̇д̇аа бажжаяо бхавид̇ум̣ сагкиссад̇и. самад̇игганд̇ад̇д̇аа бана д̇ам̣ над̇т̇и наама ход̇и, над̇т̇ид̇ааяа бажжаяо бхавид̇ум̣ на саггод̇ийд̇и д̣̇ассзд̇ум̣ ид̣̇амзва г̇ан̣хи.
Udāyīti kāḷudāyitthero. Saññīmeva nu khoti sacittakoyeva nu kho. Makāro padasandhimattaṃ. Kiṃsaññīti katarasaññāya saññī hutvā. Sabbasorūpasaññānanti idaṃ kasmā gaṇhi, kiṃ paṭhamajjhānādisamaṅgino rūpādipaṭisaṃvedanā hotīti? Na hoti, yāva pana kasiṇarūpaṃ ārammaṇaṃ hoti, tāva rūpaṃ samatikkantaṃ nāma na hoti. Asamatikkantattā paccayo bhavituṃ sakkhissati. Samatikkantattā pana taṃ natthi nāma hoti, natthitāya paccayo bhavituṃ na sakkotīti dassetuṃ idameva gaṇhi.
ж̇адилаваасигаад̇и ж̇адиланаг̇араваасиний. на жаабхинад̇од̇иаад̣̇ийсу рааг̇авасзна на абхинад̇о, д̣̇осавасзна на абанад̇о. сасан̇каарзна саббаяог̇зна гилзсз ниг̇г̇ан̣хид̇ваа ваарзд̇ваа тид̇о, гилзсаанам̣ бана чиннанд̇з уббаннод̇и на сасан̇каараниг̇г̇аяхаваарид̇аг̇ад̇о. вимуд̇д̇ад̇д̇аа тид̇од̇и гилзсзхи вимуд̇д̇ад̇д̇ааязва тид̇о. тид̇ад̇д̇аа санд̇усид̇од̇и тид̇ад̇д̇ааязва санд̇удто наама ж̇аад̇о. санд̇усид̇ад̇д̇аа но барид̇ассад̇ийд̇и санд̇удтад̇д̇ааязва барид̇аасам̣ наабаж̇ж̇ад̇и. аяам̣, бханд̇з аананд̣̇а, самаад̇хи гим̣ палод̇и иминаа аяам̣ т̇зрий д̇аалапалан̃н̃зва г̇ахзд̇ваа ‘‘ид̣̇ам̣ палам̣ гим̣ палам̣ наамаа’’д̇и бужчамаанаа вияа арахад̇д̇апаласамаад̇хим̣ г̇ахзд̇ваа ‘‘аяам̣, бханд̇з аананд̣̇а, самаад̇хи гим̣ пало вуд̇д̇о бхаг̇авад̇аа’’д̇и бужчад̇и. ан̃н̃аапало вуд̇д̇од̇и ан̃н̃аа вужжад̇и арахад̇д̇ам̣, арахад̇д̇апаласамаад̇хи наамзсо вуд̇д̇о бхаг̇авад̇аад̇и ад̇т̇о. звам̣сан̃н̃ийбийд̇и имааяа арахад̇д̇апаласан̃н̃ааяа сан̃н̃ийби д̇ад̣̇ааяад̇анам̣ но бадисам̣взд̣̇зд̇ийд̇и звам̣ имасмим̣ суд̇д̇з арахад̇д̇апаласамаад̇хи гат̇ид̇од̇и.
Jaṭilavāsikāti jaṭilanagaravāsinī. Na cābhinatotiādīsu rāgavasena na abhinato, dosavasena na apanato. Sasaṅkhārena sappayogena kilese niggaṇhitvā vāretvā ṭhito, kilesānaṃ pana chinnante uppannoti na sasaṅkhāraniggayhavāritagato. Vimuttattā ṭhitoti kilesehi vimuttattāyeva ṭhito. Ṭhitattā santusitoti ṭhitattāyeva santuṭṭho nāma jāto. Santusitattāno paritassatīti santuṭṭhattāyeva paritāsaṃ nāpajjati. Ayaṃ, bhante ānanda, samādhi kiṃ phaloti iminā ayaṃ therī tālaphalaññeva gahetvā ‘‘idaṃ phalaṃ kiṃ phalaṃ nāmā’’ti pucchamānā viya arahattaphalasamādhiṃ gahetvā ‘‘ayaṃ, bhante ānanda, samādhi kiṃ phalo vutto bhagavatā’’ti pucchati. Aññāphalo vuttoti aññā vuccati arahattaṃ, arahattaphalasamādhi nāmeso vutto bhagavatāti attho. Evaṃsaññīpīti imāya arahattaphalasaññāya saññīpi tadāyatanaṃ no paṭisaṃvedetīti evaṃ imasmiṃ sutte arahattaphalasamādhi kathitoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. аананд̣̇асуд̇д̇ам̣ • 6. Ānandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. аананд̣̇асуд̇д̇аван̣н̣анаа • 6. Ānandasuttavaṇṇanā
