| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. аананд̣̇асуд̇д̇аван̣н̣анаа
4. Ānandasuttavaṇṇanā
212. жад̇уд̇т̇з рааг̇од̇и ааяасмаа аананд̣̇о махаабун̃н̃о самбхаавид̇о, д̇ам̣ рааж̇арааж̇амахаамад̇д̇аад̣̇аяо ниманд̇зд̇ваа анд̇онивзсанз нисийд̣̇аабзнд̇и. саб̣б̣аалан̇гаарабадиман̣д̣ид̇ааби ид̇т̇ияо т̇зрам̣ убасан̇гамид̇ваа ванд̣̇ид̇ваа д̇аалаван̣дзна б̣ийж̇знд̇и, убанисийд̣̇ид̇ваа бан̃хам̣ бужчанд̇и д̇хаммам̣ сун̣анд̇и. д̇ад̇т̇а ааяасмад̇о ван̇г̇ийсасса навабаб̣б̣аж̇ид̇асса аарамман̣ам̣ бариг̇г̇ахзд̇ум̣ асаггонд̇асса ид̇т̇ируубаарамман̣з рааг̇о жид̇д̇ам̣ ануд̣̇д̇хам̣сзд̇и. со сад̣̇д̇хаабаб̣б̣аж̇ид̇ад̇д̇аа уж̇уж̇аад̇иго гулабуд̇д̇о ‘‘аяам̣ мз рааг̇о вад̣дхид̇ваа д̣̇идтад̇хаммигасамбарааяигам̣ ад̇т̇ам̣ наасзяяаа’’д̇и жинд̇зд̇ваа ананд̇арам̣ нисиннова т̇зрасса ад̇д̇аанам̣ аавигаронд̇о гаамарааг̇знаад̇иаад̣̇имааха.
212. Catutthe rāgoti āyasmā ānando mahāpuñño sambhāvito, taṃ rājarājamahāmattādayo nimantetvā antonivesane nisīdāpenti. Sabbālaṅkārapaṭimaṇḍitāpi itthiyo theraṃ upasaṅkamitvā vanditvā tālavaṇṭena bījenti, upanisīditvā pañhaṃ pucchanti dhammaṃ suṇanti. Tattha āyasmato vaṅgīsassa navapabbajitassa ārammaṇaṃ pariggahetuṃ asakkontassa itthirūpārammaṇe rāgo cittaṃ anuddhaṃseti. So saddhāpabbajitattā ujujātiko kulaputto ‘‘ayaṃ me rāgo vaḍḍhitvā diṭṭhadhammikasamparāyikaṃ atthaṃ nāseyyā’’ti cintetvā anantaraṃ nisinnova therassa attānaṃ āvikaronto kāmarāgenātiādimāha.
д̇ад̇т̇а ниб̣б̣аабананд̇и рааг̇аниб̣б̣аанагааран̣ам̣. вибариязсаад̇и вибаллаасзна. субхам̣ рааг̇уубасан̃хид̇анд̇и рааг̇адтаанияам̣ идтаарамман̣ам̣. барад̇о бассаад̇и анижжад̇о басса. маа жа ад̇д̇ад̇од̇и ад̇д̇ад̇о маа басса. гааяаг̇ад̇аа д̇яад̇т̇ууд̇и гааяаг̇ад̇аа д̇з ад̇т̇у. анимид̇д̇ан̃жа бхаавзхийд̇и нижжаад̣̇ийнам̣ нимид̇д̇аанам̣ уг̇гхаадид̇ад̇д̇аа вибассанаа анимид̇д̇аа наама, д̇ам̣ бхаавзхийд̇и вад̣̇ад̇и. маанаабхисамаяаад̇и маанасса д̣̇ассанаабхисамаяаа жзва бахаанаабхисамаяаа жа. убасанд̇од̇и рааг̇аад̣̇исанд̇ад̇ааяа убасанд̇о. жад̇уд̇т̇ам̣.
Tattha nibbāpananti rāganibbānakāraṇaṃ. Vipariyesāti vipallāsena. Subhaṃ rāgūpasañhitanti rāgaṭṭhāniyaṃ iṭṭhārammaṇaṃ. Parato passāti aniccato passa. Mā ca attatoti attato mā passa. Kāyagatā tyatthūti kāyagatā te atthu. Animittañca bhāvehīti niccādīnaṃ nimittānaṃ ugghāṭitattā vipassanā animittā nāma, taṃ bhāvehīti vadati. Mānābhisamayāti mānassa dassanābhisamayā ceva pahānābhisamayā ca. Upasantoti rāgādisantatāya upasanto. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. аананд̣̇асуд̇д̇ам̣ • 4. Ānandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. аананд̣̇асуд̇д̇аван̣н̣анаа • 4. Ānandasuttavaṇṇanā
