| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. аананд̣̇асуд̇д̇аван̣н̣анаа
5. Ānandasuttavaṇṇanā
225. бан̃жамз аананд̣̇од̇и д̇хаммабхан̣д̣ааг̇ааригад̇т̇зро. ад̇ивзланд̇и ад̇игганд̇ам̣ взлам̣. г̇ихисан̃н̃ад̇д̇иб̣ахулод̇и рад̇д̇ин̃жа д̣̇иваа жа б̣ахугаалам̣ г̇ихий сан̃н̃аабаяанд̇о. бхаг̇авад̇и бариниб̣б̣уд̇з махаагассабад̇т̇зро т̇зрам̣ ааха – ‘‘аавусо, маяам̣ рааж̇аг̇ахз вассам̣ убаг̇анд̇ваа д̇хаммам̣ сан̇г̇ааяиссаама, г̇ажча д̇вам̣ аран̃н̃ам̣ бависид̇ваа убаримаг̇г̇ад̇д̇аяад̇т̇ааяа вааяаамам̣ гарохий’’д̇и. со бхаг̇авад̇о бад̇д̇ажийварамаад̣̇ааяа госаларадтам̣ г̇анд̇ваа згасмим̣ аран̃н̃ааваасз васид̇ваа бунад̣̇ивасз згам̣ г̇аамам̣ баависи. мануссаа т̇зрам̣ д̣̇исваа – ‘‘бханд̇з аананд̣̇а, д̇умхз буб̣б̣з сад̇т̇аараа сад̣̇д̇хим̣ ааг̇ажчат̇а. аж̇ж̇а згагаава ааг̇ад̇аа. гахам̣ сад̇т̇аарам̣ табзд̇ваа ааг̇ад̇ад̇т̇а? ид̣̇аани гасса бад̇д̇ажийварам̣ г̇ахзд̇ваа вижарат̇а? гасса мукод̣̇агам̣ д̣̇анд̇агадтам̣ д̣̇зт̇а, баривзн̣ам̣ саммаж̇ж̇ат̇а, вад̇д̇абадивад̇д̇ам̣ гарот̇аа’’д̇и б̣ахум̣ вад̇ваа барид̣̇звим̣су. т̇зро – ‘‘маа, аавусо, сожид̇т̇а, маа барид̣̇звид̇т̇а, анижжаа сан̇каараа’’д̇иаад̣̇ийни вад̇ваа д̇з сан̃н̃аабзд̇ваа бхад̇д̇агижжаавасаанз васанадтаанамзва г̇ажчад̇и. мануссаа сааяамби д̇ад̇т̇а г̇анд̇ваа д̇ат̇зва барид̣̇званд̇и. т̇зроби д̇ат̇зва овад̣̇ад̇и. д̇ам̣ санд̇хааязд̇ам̣ вуд̇д̇ам̣. аж̇жхабхаасийд̇и ‘‘аяам̣ т̇зро бхигкусан̇гхасса гат̇ам̣ суд̇ваа ‘саман̣ад̇хаммам̣ гариссаамий’д̇и аран̃н̃ам̣ бависид̇ваа ид̣̇аани г̇ихий сан̃н̃аабзнд̇о вихарад̇и, сад̇т̇у саасанам̣ асан̇г̇ахид̇абубпарааси вияа тид̇ам̣, д̇хаммасан̇г̇ахам̣ на гарод̇и, жод̣̇зссаами на’’нд̇и жинд̇зд̇ваа абхааси.
225. Pañcame ānandoti dhammabhaṇḍāgārikatthero. Ativelanti atikkantaṃ velaṃ. Gihisaññattibahuloti rattiñca divā ca bahukālaṃ gihī saññāpayanto. Bhagavati parinibbute mahākassapatthero theraṃ āha – ‘‘āvuso, mayaṃ rājagahe vassaṃ upagantvā dhammaṃ saṅgāyissāma, gaccha tvaṃ araññaṃ pavisitvā uparimaggattayatthāya vāyāmaṃ karohī’’ti. So bhagavato pattacīvaramādāya kosalaraṭṭhaṃ gantvā ekasmiṃ araññāvāse vasitvā punadivase ekaṃ gāmaṃ pāvisi. Manussā theraṃ disvā – ‘‘bhante ānanda, tumhe pubbe satthārā saddhiṃ āgacchatha. Ajja ekakāva āgatā. Kahaṃ satthāraṃ ṭhapetvā āgatattha? Idāni kassa pattacīvaraṃ gahetvā vicaratha? Kassa mukhodakaṃ dantakaṭṭhaṃ detha, pariveṇaṃ sammajjatha, vattapaṭivattaṃ karothā’’ti bahuṃ vatvā parideviṃsu. Thero – ‘‘mā, āvuso, socittha, mā paridevittha, aniccā saṅkhārā’’tiādīni vatvā te saññāpetvā bhattakiccāvasāne vasanaṭṭhānameva gacchati. Manussā sāyampi tattha gantvā tatheva paridevanti. Theropi tatheva ovadati. Taṃ sandhāyetaṃ vuttaṃ. Ajjhabhāsīti ‘‘ayaṃ thero bhikkhusaṅghassa kathaṃ sutvā ‘samaṇadhammaṃ karissāmī’ti araññaṃ pavisitvā idāni gihī saññāpento viharati, satthu sāsanaṃ asaṅgahitapuppharāsi viya ṭhitaṃ, dhammasaṅgahaṃ na karoti, codessāmi na’’nti cintetvā abhāsi.
басаггияаад̇и бависид̇ваа. хад̣̇аяасмим̣ обияаад̇и гижжад̇о жа аарамман̣ад̇о жа хад̣̇аяамхи багкибид̇ваа. ‘‘ниб̣б̣аанам̣ баабун̣иссаамий’’д̇и вийрияам̣ гаронд̇о ниб̣б̣аанам̣ гижжад̇о хад̣̇аяамхи обзд̇и наама, ниб̣б̣аанаарамман̣ам̣ бана самаабад̇д̇им̣ аббзд̇ваа нисийд̣̇анд̇о аарамман̣ад̇о. д̇ад̣̇убхаяамби санд̇хааязсаа бхаасад̇и. жхааяаад̇и д̣̇вийхи жхаанзхи жхааяиго бхава. б̣ил̣иб̣ил̣игаад̇и аяам̣ г̇ихийхи сад̣̇д̇хим̣ б̣ил̣иб̣ил̣игат̇аа. бан̃жамам̣.
Pasakkiyāti pavisitvā. Hadayasmiṃ opiyāti kiccato ca ārammaṇato ca hadayamhi pakkhipitvā. ‘‘Nibbānaṃ pāpuṇissāmī’’ti vīriyaṃ karonto nibbānaṃ kiccato hadayamhi opeti nāma, nibbānārammaṇaṃ pana samāpattiṃ appetvā nisīdanto ārammaṇato. Tadubhayampi sandhāyesā bhāsati. Jhāyāti dvīhi jhānehi jhāyiko bhava. Biḷibiḷikāti ayaṃ gihīhi saddhiṃ biḷibiḷikathā. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. аананд̣̇асуд̇д̇ам̣ • 5. Ānandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. аананд̣̇асуд̇д̇аван̣н̣анаа • 5. Ānandasuttavaṇṇanā
