| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. т̇зраваг̇г̇о
9. Theravaggo
1. аананд̣̇асуд̇д̇аван̣н̣анаа
1. Ānandasuttavaṇṇanā
83. т̇зраваг̇г̇асса батамз манд̇аан̣ибуд̇д̇од̇и, манд̇аан̣ияаа наама б̣раахман̣ияаа буд̇д̇о. убаад̣̇ааяаад̇и ааг̇амма аараб̣бха санд̇хааяа бадижжа. асмийд̇и ход̇ийд̇и асмийд̇и звам̣ бавад̇д̇ам̣ д̇ан̣хаамаанад̣̇идтибабан̃жад̇д̇аяам̣ ход̇и. д̣̇ахарод̇и д̇арун̣о. яуваад̇и яоб̣б̣анзна саманнааг̇ад̇о. ман̣д̣анагаж̇аад̇игод̇и ман̣д̣анагасабхааво ман̣д̣анагасийло. муканимид̇д̇анд̇и мукабадиб̣имб̣ам̣. д̇ан̃хи барисуд̣̇д̇хам̣ аад̣̇аасаман̣д̣алам̣ бадижжа бан̃н̃ааяад̇и. гим̣ бана д̇ам̣ ологаяад̇о сагамукам̣ бан̃н̃ааяад̇и, барамуканд̇и? яад̣̇и сагам̣ бхавзяяа, бараммукам̣ худ̇ваа бан̃н̃ааязяяа, ат̇а барасса бхавзяяа, ван̣н̣аад̣̇ийхи асад̣̇исам̣ худ̇ваа бан̃н̃ааязяяа. д̇асмаа на д̇ам̣ ад̇д̇ано, на барасса, аад̣̇аасам̣ бана ниссааяа нибхаасаруубам̣ наама д̇ам̣ бан̃н̃ааяад̇ийд̇и вад̣̇анд̇и. ат̇а яам̣ уд̣̇агз бан̃н̃ааяад̇и, д̇ам̣ гзна гааран̣знаад̇и ? махаабхууд̇аанам̣ висуд̣̇д̇хад̇ааяа. д̇хаммо мз абхисамид̇од̇и маяаа н̃аан̣зна жад̇усажжад̇хаммо абхисамааг̇ад̇о, сод̇аабанносми ж̇аад̇од̇и гат̇зси. батамам̣.
83. Theravaggassa paṭhame mantāṇiputtoti, mantāṇiyā nāma brāhmaṇiyā putto. Upādāyāti āgamma ārabbha sandhāya paṭicca. Asmīti hotīti asmīti evaṃ pavattaṃ taṇhāmānadiṭṭhipapañcattayaṃ hoti. Daharoti taruṇo. Yuvāti yobbanena samannāgato. Maṇḍanakajātikoti maṇḍanakasabhāvo maṇḍanakasīlo. Mukhanimittanti mukhapaṭibimbaṃ. Tañhi parisuddhaṃ ādāsamaṇḍalaṃ paṭicca paññāyati. Kiṃ pana taṃ olokayato sakamukhaṃ paññāyati, paramukhanti? Yadi sakaṃ bhaveyya, parammukhaṃ hutvā paññāyeyya, atha parassa bhaveyya, vaṇṇādīhi asadisaṃ hutvā paññāyeyya. Tasmā na taṃ attano, na parassa, ādāsaṃ pana nissāya nibhāsarūpaṃ nāma taṃ paññāyatīti vadanti. Atha yaṃ udake paññāyati, taṃ kena kāraṇenāti ? Mahābhūtānaṃ visuddhatāya. Dhammo me abhisamitoti mayā ñāṇena catusaccadhammo abhisamāgato, sotāpannosmi jātoti kathesi. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аананд̣̇асуд̇д̇ам̣ • 1. Ānandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. аананд̣̇асуд̇д̇аван̣н̣анаа • 1. Ānandasuttavaṇṇanā
