| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. аананд̣̇асуд̇д̇аван̣н̣анаа
6. Ānandasuttavaṇṇanā
37. чадтз огаасам̣ авасарам̣ ад̇хиг̇ажчад̇и зд̇знаад̇и огаасаад̇хиг̇амо, маг̇г̇апаласукаад̇хиг̇амааяа огаасабхаавад̇о ваа огаасо, д̇асса ад̇хиг̇амо огаасаад̇хиг̇амо. зд̇т̇а жа д̣̇ийгханигааязнзва (д̣̇ий. ни. 2.288) бана суд̇д̇анд̇ад̣̇зсанааяам̣ батамаж̇жхаанам̣, жад̇уд̇т̇аж̇жхаанам̣, арахад̇д̇амаг̇г̇од̇и д̇аяо огаасаад̇хиг̇амаа ааг̇ад̇аа. д̇ад̇т̇а (д̣̇ий. ни. адта. 2.288) батамам̣ жхаанам̣ бан̃жа нийваран̣аани вигкамбхзд̇ваа ад̇д̇ано огаасам̣ г̇ахзд̇ваа д̇идтад̇ийд̇и ‘‘батамо огаасаад̇хиг̇амо’’д̇и вуд̇д̇ам̣. жад̇уд̇т̇аж̇жхаанам̣ бана сукад̣̇угкам̣ вигкамбхзд̇ваа ад̇д̇ано огаасам̣ г̇ахзд̇ваа д̇идтад̇ийд̇и д̣̇уд̇ияо огаасаад̇хиг̇амо. арахад̇д̇амаг̇г̇о саб̣б̣агилзсз вигкамбхзд̇ваа ад̇д̇ано огаасам̣ г̇ахзд̇ваа д̇идтад̇ийд̇и ‘‘д̇ад̇ияо огаасаад̇хиг̇амо’’д̇и вуд̇д̇о. ид̇ха бана вагкамаанаани д̇ийн̣и аруубаж̇жхаанаани санд̇хааяа ‘‘огаасаад̇хиг̇амо’’д̇и вуд̇д̇ам̣. д̇зсам̣язва жа г̇ахан̣з гааран̣ам̣ саяамзва вагкад̇и.
37. Chaṭṭhe okāsaṃ avasaraṃ adhigacchati etenāti okāsādhigamo, maggaphalasukhādhigamāya okāsabhāvato vā okāso, tassa adhigamo okāsādhigamo. Ettha ca dīghanikāyeneva (dī. ni. 2.288) pana suttantadesanāyaṃ paṭhamajjhānaṃ, catutthajjhānaṃ, arahattamaggoti tayo okāsādhigamā āgatā. Tattha (dī. ni. aṭṭha. 2.288) paṭhamaṃ jhānaṃ pañca nīvaraṇāni vikkhambhetvā attano okāsaṃ gahetvā tiṭṭhatīti ‘‘paṭhamo okāsādhigamo’’ti vuttaṃ. Catutthajjhānaṃ pana sukhadukkhaṃ vikkhambhetvā attano okāsaṃ gahetvā tiṭṭhatīti dutiyo okāsādhigamo. Arahattamaggo sabbakilese vikkhambhetvā attano okāsaṃ gahetvā tiṭṭhatīti ‘‘tatiyo okāsādhigamo’’ti vutto. Idha pana vakkhamānāni tīṇi arūpajjhānāni sandhāya ‘‘okāsādhigamo’’ti vuttaṃ. Tesaṃyeva ca gahaṇe kāraṇaṃ sayameva vakkhati.
сад̇д̇аанам̣ висуд̣̇д̇хим̣ баабанад̇т̇ааяаад̇и рааг̇аад̣̇ийхи малзхи абхиж̇жхаависамалобхаад̣̇ийхи жа убаггилзсзхи гилидтажид̇д̇аанам̣ сад̇д̇аанам̣ висуд̣̇д̇хибаабанад̇т̇ааяа самад̇иггаманад̇т̇ааяа. ааяад̇им̣ ануббаж̇ж̇анан̃хи ид̇ха ‘‘самад̇иггамо’’д̇и вуд̇д̇ам̣. ад̇т̇ам̣ г̇аманад̇т̇ааяаад̇и гааяигад̣̇угкасса жа жзд̇асигад̣̇оманассасса жаад̇и имзсам̣ д̣̇виннам̣ ад̇т̇ан̇г̇амааяа, нирод̇хааяаад̇и ад̇т̇о. н̃ааяад̇и нижчаязна гамад̇и ниб̣б̣аанам̣, д̇ам̣ ваа н̃ааяад̇и бадивиж̇жхийяад̇и зд̇знаад̇и н̃ааяо, самужчзд̣̇абхааво арияамаг̇г̇од̇и ааха ‘‘сахавибассанагасса маг̇г̇ассаа’’д̇и. бажжагкагаран̣ад̇т̇ааяаад̇и ад̇д̇абажжагкад̇ааяа. барабажжаязна винаа бажжагкагаран̣ан̃хи ‘‘сажчигирияаа’’д̇и вужжад̇и. асамбхиннанд̇и бид̇д̇асзмхаад̣̇ийхи абалиб̣уд̣̇д̇хам̣ анубахад̇ам̣.
Sattānaṃvisuddhiṃ pāpanatthāyāti rāgādīhi malehi abhijjhāvisamalobhādīhi ca upakkilesehi kiliṭṭhacittānaṃ sattānaṃ visuddhipāpanatthāya samatikkamanatthāya. Āyatiṃ anuppajjanañhi idha ‘‘samatikkamo’’ti vuttaṃ. Atthaṃ gamanatthāyāti kāyikadukkhassa ca cetasikadomanassassa cāti imesaṃ dvinnaṃ atthaṅgamāya, nirodhāyāti attho. Ñāyati nicchayena kamati nibbānaṃ, taṃ vā ñāyati paṭivijjhīyati etenāti ñāyo, samucchedabhāvo ariyamaggoti āha ‘‘sahavipassanakassa maggassā’’ti. Paccakkhakaraṇatthāyāti attapaccakkhatāya. Parapaccayena vinā paccakkhakaraṇañhi ‘‘sacchikiriyā’’ti vuccati. Asambhinnanti pittasemhādīhi apalibuddhaṃ anupahataṃ.
рааг̇аануг̇ад̇о самаад̇хи абхинад̇о наама ход̇и аарамман̣з абхимукаабхаавзна бавад̇д̇ияаа, д̣̇осаануг̇ад̇о бана абанад̇о абаг̇аманавасзна бавад̇д̇ияаа, д̇ад̣̇убхаяаббадигкзбзна ‘‘на жаабхинад̇о на жаабанад̇о’’д̇и вуд̇д̇анд̇и ааха ‘‘рааг̇авасзнаа’’д̇иаад̣̇и. на сасан̇каараниг̇г̇аяхаваарид̇аг̇ад̇од̇и логияаж̇жхаанажид̇д̇аани вияа на сасан̇каарзна саббаяог̇зна д̇ад̣̇ан̇г̇аббахаанавигкамбханаббахаанавасзна жа ниг̇г̇ахзд̇ваа ваарзд̇ваа тид̇о. гин̃жарахи гилзсаанам̣ чиннанд̇з уббанно. д̇ат̇аабхууд̇ам̣ паласамаад̇хим̣ санд̇хааязд̇ам̣ вуд̇д̇ам̣. д̇знааха ‘‘на сасан̇каарзна…бз… чиннанд̇з уббанно’’д̇и.
Rāgānugato samādhi abhinato nāma hoti ārammaṇe abhimukhābhāvena pavattiyā, dosānugato pana apanato apagamanavasena pavattiyā, tadubhayappaṭikkhepena ‘‘na cābhinato na cāpanato’’ti vuttanti āha ‘‘rāgavasenā’’tiādi. Na sasaṅkhāraniggayhavāritagatoti lokiyajjhānacittāni viya na sasaṅkhārena sappayogena tadaṅgappahānavikkhambhanappahānavasena ca niggahetvā vāretvā ṭhito. Kiñcarahi kilesānaṃ chinnante uppanno. Tathābhūtaṃ phalasamādhiṃ sandhāyetaṃ vuttaṃ. Tenāha ‘‘na sasaṅkhārena…pe… chinnante uppanno’’ti.
аананд̣̇асуд̇д̇аван̣н̣анаа нидтид̇аа.
Ānandasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. аананд̣̇асуд̇д̇ам̣ • 6. Ānandasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. аананд̣̇асуд̇д̇аван̣н̣анаа • 6. Ānandasuttavaṇṇanā
