| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. аананд̣̇асуд̇д̇аван̣н̣анаа
4. Ānandasuttavaṇṇanā
212. рааг̇од̇и зд̇т̇а ааяасмад̇о ван̇г̇ийсасса рааг̇асса уббад̇д̇ияаа гааран̣ам̣ вибхаавзд̇ум̣ ‘‘ааяасмаа аананд̣̇о’’д̇иаад̣̇и вуд̇д̇ам̣. д̇анд̇и аананд̣̇ад̇т̇зрам̣. аарамман̣ам̣ бариг̇г̇ахзд̇унд̇и гааяавзд̣̇анаад̣̇ибхзд̣̇ам̣ аарамман̣ам̣ сад̇иг̇ожарам̣. асубхад̣̇угкаад̣̇ид̇о, руубаад̣̇изгзгамзва ваа чал̣аарамман̣ам̣ анижжад̣̇угкаад̣̇ид̇о бариг̇г̇ан̣хид̇ум̣ барижчиж̇ж̇а ж̇аанид̇ум̣. ид̇т̇ируубаарамман̣зд̇и ид̇т̇исанд̇аанз руубасабхаавз аарамман̣з.
212.Rāgoti ettha āyasmato vaṅgīsassa rāgassa uppattiyā kāraṇaṃ vibhāvetuṃ ‘‘āyasmā ānando’’tiādi vuttaṃ. Tanti ānandattheraṃ. Ārammaṇaṃ pariggahetunti kāyavedanādibhedaṃ ārammaṇaṃ satigocaraṃ. Asubhadukkhādito, rūpādiekekameva vā chaḷārammaṇaṃ aniccadukkhādito pariggaṇhituṃ paricchijja jānituṃ. Itthirūpārammaṇeti itthisantāne rūpasabhāve ārammaṇe.
ниб̣б̣аабананд̇и ниб̣б̣аабаяад̇и зд̇знаад̇и ниб̣б̣аабанам̣. вибаллаасзнаад̇и асубхз ‘‘субха’’нд̇и вибаллаасабхаавахзд̇у. рааг̇адтаанияанд̇и рааг̇уббад̇д̇ихзд̇у. идтаарамман̣анд̇и субхаарамман̣ам̣. зд̇т̇а жа идтаарамман̣асийсзна д̇ад̇т̇а идтаагаараг̇г̇ахан̣ам̣ вад̣̇ад̇и. д̇ан̃хи важ̇ж̇анийяам̣. барад̇од̇и авасавад̇д̇анад̇т̇зна ан̃н̃ад̇о. сан̇каараа хи ‘‘маа бхиж̇ж̇анд̇уу’’д̇и ижчид̇ааби бхиж̇ж̇анд̇зва, д̇асмаа д̇з авасавад̇д̇ид̇д̇аа баро наама, саа жа нзсам̣ барад̇аа анижжад̣̇ассанзна баагадаа ход̇ийд̇и вуд̇д̇ам̣ ‘‘барад̇о бассаад̇и анижжад̇о бассаа’’д̇и. гаамам̣ вибассанаа сан̇кааранимид̇д̇ам̣ на барижжаж̇ад̇и сан̇каарз аараб̣бха вад̇д̇анад̇о, язсам̣ бана нимид̇д̇аанам̣ аг̇г̇ахан̣зна анимид̇д̇аад̇и г̇ахид̇ум̣ арахад̇и, д̇ам̣ д̣̇ассзд̇ум̣ ‘‘нижжаад̣̇ийнам̣ нимид̇д̇аана’’нд̇иаад̣̇и вуд̇д̇ам̣. салагкан̣а-сааман̃н̃алагкан̣а-д̣̇ассанавасзна маанасса д̣̇ассанаабхисамаяо, вибассанааяа бахаанаабхисамаяо. ‘‘маг̇г̇знаа’’д̇и вад̣̇анд̇и, маг̇г̇знзва бана асаммохад̇о барин̃н̃аабадивзд̇хавасзна д̣̇ассанаабхисамаяо, бахаанабадивзд̇хавасзна бахаанаабхисамаяо. рааг̇аад̣̇исанд̇ад̇ааяаад̇и рааг̇аад̣̇ийнам̣ самужчзд̣̇авасзна бадиббассад̣̇д̇хивасзна вуубасамзд̇аб̣б̣ад̇о санд̇абхаавзна.
Nibbāpananti nibbāpayati etenāti nibbāpanaṃ. Vipallāsenāti asubhe ‘‘subha’’nti vipallāsabhāvahetu. Rāgaṭṭhāniyanti rāguppattihetu. Iṭṭhārammaṇanti subhārammaṇaṃ. Ettha ca iṭṭhārammaṇasīsena tattha iṭṭhākāraggahaṇaṃ vadati. Tañhi vajjanīyaṃ. Paratoti avasavattanatthena aññato. Saṅkhārā hi ‘‘mā bhijjantū’’ti icchitāpi bhijjanteva, tasmā te avasavattittā paro nāma, sā ca nesaṃ paratā aniccadassanena pākaṭā hotīti vuttaṃ ‘‘parato passāti aniccato passā’’ti. Kāmaṃ vipassanā saṅkhāranimittaṃ na pariccajati saṅkhāre ārabbha vattanato, yesaṃ pana nimittānaṃ aggahaṇena animittāti gahituṃ arahati, taṃ dassetuṃ ‘‘niccādīnaṃ nimittāna’’ntiādi vuttaṃ. Salakkhaṇa-sāmaññalakkhaṇa-dassanavasena mānassa dassanābhisamayo, vipassanāya pahānābhisamayo. ‘‘Maggenā’’ti vadanti, maggeneva pana asammohato pariññāpaṭivedhavasena dassanābhisamayo, pahānapaṭivedhavasena pahānābhisamayo. Rāgādisantatāyāti rāgādīnaṃ samucchedavasena paṭippassaddhivasena vūpasametabbato santabhāvena.
аананд̣̇асуд̇д̇аван̣н̣анаа нидтид̇аа.
Ānandasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. аананд̣̇асуд̇д̇ам̣ • 4. Ānandasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. аананд̣̇асуд̇д̇аван̣н̣анаа • 4. Ānandasuttavaṇṇanā
