| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. аананд̣̇асуд̇д̇аван̣н̣анаа
5. Ānandasuttavaṇṇanā
225. ад̇ивзланд̇и ад̇иб̣ахугаалам̣. бхигкунаа наама убаг̇ад̇аанам̣ убанисиннагат̇аамад̇д̇ам̣ вад̇ваа г̇ант̇ад̇хурзхи ваасад̇хурзхи ваа яуд̇д̇абаяуд̇д̇ажид̇д̇зна бхавид̇аб̣б̣ам̣, наад̇ивзлам̣ д̇зсам̣ сан̃н̃ад̇д̇иб̣ахулзна. т̇зро бана д̇ад̣̇аа гзнажи гааран̣зна б̣ахувзлам̣ г̇ихисан̃н̃ад̇д̇иб̣ахуло ахоси, д̇ам̣ санд̇хааяа вуд̇д̇ам̣ ‘‘ад̇ивзла’’нд̇иаад̣̇и. ид̣̇аани д̇амад̇т̇ам̣ вибхаавзд̇ум̣ ‘‘бхаг̇авад̇ий’’д̇иаад̣̇и вуд̇д̇ам̣. д̇анд̇и д̇ам̣ д̇аад̣̇исам̣ сан̃н̃аабанам̣ санд̇хааяа зд̇ам̣ ‘‘ад̇ивзлам̣ г̇ихисан̃н̃ад̇д̇иб̣ахуло’’д̇и важанам̣ вуд̇д̇ам̣. бхигкусан̇гхасса гат̇ам̣ суд̇ваад̇и сан̇гхасса маж̇жхз нисийд̣̇ид̇ваа т̇зрзна гат̇ид̇ад̇д̇аа вуд̇д̇ам̣. сад̇т̇усаасананд̇и бидагад̇д̇аяам̣ вад̣̇ад̇и.
225.Ativelanti atibahukālaṃ. Bhikkhunā nāma upagatānaṃ upanisinnakathāmattaṃ vatvā ganthadhurehi vāsadhurehi vā yuttapayuttacittena bhavitabbaṃ, nātivelaṃ tesaṃ saññattibahulena. Thero pana tadā kenaci kāraṇena bahuvelaṃ gihisaññattibahulo ahosi, taṃ sandhāya vuttaṃ ‘‘ativela’’ntiādi. Idāni tamatthaṃ vibhāvetuṃ ‘‘bhagavatī’’tiādi vuttaṃ. Tanti taṃ tādisaṃ saññāpanaṃ sandhāya etaṃ ‘‘ativelaṃ gihisaññattibahulo’’ti vacanaṃ vuttaṃ. Bhikkhusaṅghassa kathaṃ sutvāti saṅghassa majjhe nisīditvā therena kathitattā vuttaṃ. Satthusāsananti piṭakattayaṃ vadati.
басаггияаад̇и убасаггид̇ваа г̇анд̇ваа. д̇ам̣ бана д̇ад̇т̇а аж̇жхог̇ааханам̣ ход̇ийд̇и ааха ‘‘бависид̇ваа’’д̇и. сан̇каарад̣̇угкад̇о ниб̣б̣иннахад̣̇аяасса саб̣б̣асан̇кааравиниссадам̣ ниб̣б̣аанам̣ яаат̇аавад̇о бажжавзгканд̇асса саммад̣̇зва самассаасагарам̣ худ̇ваа убадтаханд̇ам̣ д̇ам̣ убари ад̇хиг̇амааяа уссуггам̣ гаронд̇о ниб̣б̣аанам̣ хад̣̇аяз нигкибад̇и наамаад̇и ааха – ‘‘ниб̣б̣аанам̣…бз… обзд̇и наамаа’’д̇и. ниб̣б̣аанам̣…бз… аарамман̣ад̇о обзд̇и наамаад̇и аанзд̇ваа самб̣анд̇хо. ад̇т̇авирахид̇аа ‘‘б̣ил̣иб̣ил̣ий’’д̇и бавад̇д̇агирияаа б̣ил̣игаа, аяам̣ бана г̇ихисан̃н̃ад̇д̇игат̇аа т̇зрасса ад̇д̇ано сааман̃н̃ад̇т̇аасаад̇ханад̇о д̣̇звад̇ааяа б̣ил̣игаа вияаад̇и б̣ил̣иб̣ил̣игаад̇и вуд̇д̇аа.
Pasakkiyāti upasakkitvā gantvā. Taṃ pana tattha ajjhogāhanaṃ hotīti āha ‘‘pavisitvā’’ti. Saṅkhāradukkhato nibbinnahadayassa sabbasaṅkhāravinissaṭaṃ nibbānaṃ yāthāvato paccavekkhantassa sammadeva samassāsakaraṃ hutvā upaṭṭhahantaṃ taṃ upari adhigamāya ussukkaṃ karonto nibbānaṃ hadaye nikkhipati nāmāti āha – ‘‘nibbānaṃ…pe… opeti nāmā’’ti. Nibbānaṃ…pe… ārammaṇato opeti nāmāti ānetvā sambandho. Atthavirahitā ‘‘biḷibiḷī’’ti pavattakiriyā biḷikā, ayaṃ pana gihisaññattikathā therassa attano sāmaññatthaasādhanato devatāya biḷikā viyāti biḷibiḷikāti vuttā.
аананд̣̇асуд̇д̇аван̣н̣анаа нидтид̇аа.
Ānandasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. аананд̣̇асуд̇д̇ам̣ • 5. Ānandasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. аананд̣̇асуд̇д̇аван̣н̣анаа • 5. Ānandasuttavaṇṇanā
